పిఎంఇండియా

రామాయణాన్ని, మహాభారతాన్ని అరబిక్ భాషలోకి అనువాదం చేసి ప్రచురించినందుకు శ్రీ అబ్దుల్లా అల్–బరూన్, శ్రీ అబ్దుల్ లతీఫ్ అల్–నసేఫ్‌లను ప్రధానమంత్రి శ్రీ నరేంద్ర మోదీ ప్రశంసించారు.

సామాజిక మాధ్యమం ఎక్స్‌లో ప్రధాని ఒక సందేశాన్ని పొందుపరుస్తూ, ఇలా పేర్కొన్నారు:

‘‘రామాయణ, మహాభారతాల అరబ్బీ భాషా అనువాదాలను చూసి సంతోషం కలిగింది. వాటి అనువాదాలను సిద్ధం చేసి ప్రచురించడానికి శ్రీ అబ్దుల్లా అల్–బరూన్, శ్రీ అబ్దుల్ లతీఫ్ అల్–నసేఫ్‌లు చేసిన కృషిని నేను మెచ్చుకొంటున్నాను. వారి ఈ ప్రయత్నం భారతీయ సంస్కృతికున్న ప్రజాదరణను ప్రపంచ స్థాయిలో ప్రధానంగా చాటిచెబుతోంది.’’

***