పిఎంఇండియా

భారతదేశం ప్రతిభావంతుల నిలయం, నూతన ఆవిష్కరణలు, ధైర్య సాహసాలు ఉప్పొంగే అనేకమంది స్ఫూర్తిమూర్తులు వారి జీవనయాత్రను సాగిస్తున్న నేల ఇది అని ప్రధానమంత్రి శ్రీ నరేంద్ర మోదీ ఈ రోజు వ్యాఖ్యానించారు. గ్రీన్ ఆర్మీ ని ఒక ఉదాహరణగా ఆయన చెబుతూ, గ్రీన్ ఆర్మీ చేస్తున్న పనులు ప్రేరణనిస్తూ మార్గదర్శనం చేస్తున్నాయని ప్రశంసించారు.

శ్రీ మోదీ సామాజిక మాధ్యమం ఎక్స్‌లో ఒక సందేశాన్ని రాస్తూ ఆ సందేశంలో ఇలా పేర్కొన్నారు:

‘‘భారత్‌ ప్రతిభావంతుల కాణాచి. నవకల్పనలను ఆవిష్కరిస్తున్న, ధైర్య సాహసాలను కనబరుస్తున్న ఎందరో స్ఫూర్తి మూర్తులు ఈ నేల మీద జీవన యాత్రను సాగిస్తున్నారు.

అలాంటి ఎంతో మందితో ఉత్తరాల మాధ్యమం ద్వారా సంప్రదింపులు జరుపుతూ ఉండడం నాకు సంతోషాన్నిస్తోంది. అలాంటి ఒక గాథే గ్రీన్ ఆర్మీది. గ్రీన్ ఆర్మీ చేస్తున్న మార్గదర్శక కార్యక్రమాలు మీకు కూడా స్ఫూర్తిని ఇచ్చేవే’’.