పిఎంఇండియా

ప్ర‌ధాని న‌రేంద్ర‌మోదీ రేస్‌కోర్స్ రోడ్డు నంబ‌ర్ 7లో జ‌రిగిన ఒక కార్య‌క్ర‌మంలోమూడు బంగారం ప‌థ‌కాల‌ను ప్రారంభించారు. అవి గోల్డ్ మానిటైజేష‌న్ స్కీమ్‌, సావెరీన్ గోల్డ్ బాండ్ స్కీమ్‌, ఇండియా గోల్డ్ కాయిన్స్. మ‌న సంప‌ద‌కు విలువ జోడింపుగా ఆయ‌న ఈ ప‌థ‌కాల‌ను అభివ‌ర్ణించారు.

20 వేల ట‌న్నుల బంగారం ఉన్న భార‌త్‌ను ఒక పేద‌దేశంగా వ‌ర్గీక‌రించ‌డం త‌గ‌ద‌ని ప్ర‌ధాని అన్నారు. అయితే అందుబాటులో ఉన్న ఆ బంగారాన్ని ఉత్పాద‌కంగా మార్చాల్సిన అవ‌స‌రం ఉన్న‌ద‌ని, ఈ స్కీమ్‌లు మ‌న‌ని ఆ ల‌క్ష్యానికి చేరువ చేస్తాయ‌ని ఆయ‌న అన్నారు.

భార‌త స‌మాజంలో బంగారం మ‌హిళ‌ల సాధికార‌త‌కు ప్ర‌తీక అని ఆయ‌న పేర్కొన్నారు. ఈ స్కీమ్‌లు ఆ సాధికార‌త‌ను మ‌రింత శ‌క్తివంతం చేయ‌నున్న‌ట్టు చెప్పారు.

భార‌త్‌లో స్వ‌ర్ణ‌కారుల ప‌ట్ల‌ కుటుంబ వ్య‌వ‌స్థ‌లో ఎన‌లేని విశ్వాసం ఉంటుంద‌ని ప్ర‌ధాని అన్నారు. స్వ‌ర్ణ‌కారులు ఈ ప‌థ‌కాల‌ను అవ‌గాహ‌న చేసుకోగ‌లిగితే వారే ఈ స్కీమ్‌ల‌ను ముందుకు న‌డిపే ప్ర‌తినిధులుగా నిలుస్తార‌ని ఆయ‌న చెప్పారు.

అశోక చ‌క్రంతో ఇండియా బంగారు నాణెల‌ను విడుద‌ల చేయ‌డం జాతి యావ‌త్తుకు గ‌ర్వ‌కార‌ణ‌మ‌ని ప్ర‌ధాని వ్యాఖ్యానించారు. భార‌త ప్ర‌జ‌లు ఇంక ఏ మాత్రం విదేశాల్లో ముద్రించిన బంగారు నాణాల‌పై ఆధార‌ప‌డాల్సిన అవ‌స‌రం లేద‌ని ఆయ‌న పేర్కొన్నారు.

ఈ ప‌థ‌కాల వివ‌రాల‌తో కూడిన వెబ్‌సైట్‌ను ప్ర‌ధాని ఆవిష్క‌రించారు. తొలి ఆరుగురు ఇన్వెస్ట‌ర్ల‌కు ఇన్వెస్ట్‌మెంట్ స‌ర్టిఫికెట్లు అంద‌చేశారు.

కేంద్ర ఆర్థిక మంత్రి అరుణ్ జైట్లీ, వాణిజ్య శాఖ స‌హాయ‌మంత్రి నిర్మ‌లా సీతారామ‌న్‌, ఆర్థిక శాఖ స‌హాయ‌మంత్రి జ‌యంత్ సిన్హా ఈ కార్య‌క్ర‌మంలో పాల్గొన్నారు.