పిఎంఇండియా

ప్రపంచ జల దినోత్సవం సందర్భంగా జల సంరక్షణ కర్తవ్య నిర్వహణతోపాటు

సుస్థిర ప్రగతిని ప్రోత్సహించడంపై భారత్‌ నిబద్ధతను ప్రధానమంత్రి శ్రీ

నరేంద్ర మోదీ ఇవాళ పునరుద్ఘాటించారు. మానవ నాగరకతలో నీటికిగల కీలక

పాత్రను స్పష్టం చేస్తూ- భవిష్యత్తరాల కోసం ఈ అమూల్య వనరును

సంరక్షించడానికి సమష్టి కార్యాచరణ అవశ్యమని ఆయన పిలుపునిచ్చారు.

ఈ మేరకు సామాజిక మాధ్యమం ‘ఎక్స్‌’ ద్వారా పంపిన సందేశంలో:

“ఈ రోజు ప్రపంచ జల దినోత్సవం నేపథ్యంలో జల సంరక్షణ, సుస్థిర ప్రగతికి

ప్రోత్సాహంపై మా నిబద్ధతను పునరుద్ఘాటిస్తున్నాం. ప్రపంచ నాగరకతలన్నిటికీ

నీరు జీవనాడి.. కాబట్టి, భవిష్యత్తరాల కోసం ఈ అమూల్య వనరును సంరక్షించడం

అత్యంత అవశ్యం!” అని ప్రధానమంత్రి స్పష్టం చేశారు.