పిఎంఇండియా

ప్రధాన మంత్రి శ్రీ నరేంద్ర మోదీ అధ్యక్షతన జరిగిన కేంద్ర మంత్రివర్గం ప్రధాన మంత్రి జనజాతి ఆదివాసీ న్యాయ మహా అభియాన్ కు (పీ ఎం జన్మన్ ) 9 లైన్ మంత్రిత్వ శాఖల ద్వారా 11 ప్రధాన సమస్యలపై దృష్టి పెట్టడానికి మొత్తం రూ.24,104 కోట్లు (కేంద్ర వాటా:రూ.15,336 కోట్లు మరియు రాష్ట్ర వాటా: రూ.8,768 కోట్లు)నిధుల మంజూరును ఆమోదించింది. ఖుంతి నుండి జంజాతీయ గౌరవ్ దివస్ నాడు ప్రధాన మంత్రి అభియాన్‌ను ప్రకటించారు.

బడ్జెట్ ప్రసంగం 2023-24లో ప్రకటించినట్లుగా, “ముఖ్యంగా బడుగు గిరిజన సమూహాల (పీ వీ టీ జీలు) సామాజిక-ఆర్థిక పరిస్థితులను మెరుగుపరచడానికి, ప్రధాన మంత్రి పీ వీ టీ జీ అభివృద్ధి మిషన్ ప్రారంభించబడుతుంది. ఇది పీ వీ టీ జీ గృహాలు మరియు నివాసాలను సురక్షిత గృహాలు, స్వచ్ఛమైన తాగునీరు మరియు పారిశుధ్యం, విద్య, ఆరోగ్యం మరియు పోషకాహారానికి మెరుగైన ప్రాప్యత, రహదారి మరియు టెలికాం అనుసంధానత మరియు సుస్థిరమైన జీవనోపాధి అవకాశాల వంటి ప్రాథమిక సౌకర్యాలతో సంతృప్తీకరణ చెందేల కృషి చేస్తుంది. షెడ్యూల్డ్ తెగల అభివృద్ధి కార్యాచరణ ప్రణాళిక కింద రాబోయే మూడేళ్లలో మిషన్‌ను అమలు చేయడానికి రూ.15,000 కోట్లు అందుబాటులో ఉంచబడతాయి.

భారతదేశంలో 2011 జనాభా లెక్కల ప్రకారం 10.45 కోట్ల మంది ఎస్ టీ జనాభా ఉంది, వీటిలో 18 రాష్ట్రాలు మరియు అండమాన్ మరియు నికోబార్ దీవుల కేంద్రపాలిత ప్రాంతాలలో ఉన్న 75 కమ్యూనిటీలు ప్రత్యేకించి దీన గిరిజన సమూహాలుగా (పీ వీ టీ జీలు) వర్గీకరించబడ్డాయి. ఈ పీ వీ టీ జీలు సామాజిక, ఆర్థిక మరియు విద్యా రంగాలలో దుర్బలత్వాన్ని ఎదుర్కొంటూనే ఉన్నాయి.

పీ ఎం – జన్మన్ (కేంద్ర రంగం మరియు కేంద్ర ప్రాయోజిత పథకాలతో కూడినది) గిరిజన వ్యవహారాల మంత్రిత్వ శాఖతో సహా 9 మంత్రిత్వ శాఖల ద్వారా 11 ప్రధాన సమస్యలపై దృష్టి సారిస్తుంది:

పైన పేర్కొన్న జోక్యాలు కాకుండా, ఇతర మంత్రిత్వ శాఖల క్రింది జోక్యం మిషన్‌లో భాగంగా ఉంటుంది:

ఆయుష్ మంత్రిత్వ శాఖ ప్రస్తుత నిబంధనల ప్రకారం ఆయుష్ వెల్నెస్ సెంటర్‌ను ఏర్పాటు చేస్తుంది మరియు మొబైల్ మెడికల్ యూనిట్ల ద్వారా పివిటిజి నివాసాలకు ఆయుష్ సౌకర్యాలను విస్తరిస్తుంది. 

నైపుణ్యాభివృద్ధి మరియు వ్యవస్థాపకత మంత్రిత్వ శాఖ ఈ కమ్యూనిటీలకు తగిన నైపుణ్యాల ప్రకారం పివిటిజి ఆవాసాలు, మల్టీపర్పస్ కేంద్రాలు మరియు హాస్టళ్లలో నైపుణ్యం మరియు వృత్తిపరమైన శిక్షణను సులభతరం చేస్తుంది.

***