పిఎంఇండియా

ప్రధానమంత్రి శ్రీ నరేంద్ర మోదీకి కువైట్ అమీరు శ్రీ షేక్ మెశల్ అల్–అహమద్ అల్–సబాహ్ ‘‘ది ఆర్డర్ ఆఫ్ ముబారక్ అల్–కబీర్’’ అవార్డును ప్రదానం చేశారు. ఈ పురస్కారం కువైట్‌లో అత్యున్నత జాతీయ పురస్కారం. ఈ కార్యక్రమంలో కువైట్ ప్రధాని శ్రీ షేక్ అహమద్ అల్–అబ్దుల్లా అల్–అహమద్ అల్–సబాహ్ కూడా పాల్గొన్నారు.

ప్రధాని ఈ అవార్డును భారత్, కువైట్‌ల మధ్య చాలాకాలంగా ఉంటున్న మైత్రికి, కువైట్‌లోని భారతీయ సముదాయంతోపాటు 1.4 బిలియన్ (140 కోట్ల) మంది భారతీయులకు అంకితం చేశారు.

భారతదేశ ప్రధానమంత్రి ఒకరు 43 సంవత్సరాల తరువాత కువైట్‌కు ఇలా చరిత్రాత్మక పర్యటనకు వచ్చిన సందర్భంగా ఈ పురస్కారాన్ని ప్రదానం చేయడం ఈ సందర్భానికి మరింత విశిష్టతను జోడించింది.

ఈ అవార్డును 1974లో నెలకొల్పారు. అప్పటినుంచి ఎంపిక చేసిన ప్రపంచ నేతలకు ఈ పురస్కారాన్ని ఇస్తూ వస్తున్నారు.

***