పిఎంఇండియా

మ‌హారాష్ట్రలోని పుణె లో షుగర్ కేన్ వేల్యూ చెయిన్ – విజన్ 2025 షుగర్ పై అంత‌ర్జాతీయ స‌మావేశం మరియు ప్ర‌ద‌ర్శ‌నను ప్ర‌ధాన మంత్రి శ్రీ న‌రేంద్ర‌ మోదీ ఈ రోజు ప్రారంభించారు.

కార్యక్రమ స్థలి అయిన వసంత్ దాదా షుగ‌ర్ ఇన్‌స్టిట్యూట్‌లో చెరకు సాగుపై ప్ర‌త్య‌క్ష ప్ర‌ద‌ర్శ‌న‌ను కూడా ప్ర‌ధాన‌ మంత్రి తిల‌కించారు.

ఈ సంద‌ర్భంగా ప్రధాన మంత్రి మాట్లాడుతూ, ప‌రిశోధ‌న‌లు రైతులకు ఏ విధంగా ఉప‌యోగ‌పడగలుగుతాయన్న అంశంపై మ‌న‌మంతా ఆలోచించాల‌న్నారు. పంచ‌దార రంగంతో పాటు వెదురు ఉత్పత్తులు ప్ర‌పంచ‌ స్థాయిలో పోటీప‌డాలని కూడా మనం ఆలోచించాల‌ని ఆయ‌న సూచించారు.

భూమి అధికోత్పత్తి పైన శ్రద్ధ తీసుకోవాల‌ని ప్ర‌ధాన‌ మంత్రి పిలుపునిచ్చారు. దీంతోపాటు కాయ ధాన్యాల అవ‌స‌రాన్ని ప్ర‌స్తావిస్తూ, వీటికి స్థిర‌మైన గిరాకీ ఉంద‌ని స్ప‌ష్టంచేశారు.

చ‌క్కెర ప‌రిశ్ర‌మపై దృష్టి సారించేటప్పుడు ప్ర‌పంచ ఆర్థిక వ్య‌వస్థ‌ను మనం విస్మ‌రించ‌జాల‌మ‌ని ప్ర‌ధాన‌ మంత్రి అన్నారు.

వ్యవసాయదారుల సంక్షేమం కోసం కేంద్ర ప్ర‌భుత్వం భూ సార కార్డులు, సౌర‌ శ‌క్తి పంపుసెట్లు తదితర చర్యలను తీసుకొందని ప్రధాన మంత్రి వివ‌రించారు.

500 మరియు 1,000 రూపాయ‌ల నోట్ల చెలామణిని ర‌ద్దు చేయాలన్న కేంద్ర ప్ర‌భుత్వ ఇటీవలి నిర్ణ‌యం గురించి ప్రధాన మంత్రి మాట్లాడుతూ, వ్యవసాయదారులపై ప‌న్ను విధించబోమని హామీ ఇచ్చారు.