పిఎంఇండియా

ప్రధాన మంత్రి శ్రీ నరేంద్ర మోదీ త్వరలో నైజీరియాలో పర్యటించనున్నారు. ఈ నేపథ్యంలో, నైజీరియాలోని హిందీ భాషా ప్రేమికులు ఆయనకు స్నేహపూర్వకంగా స్వాగతం పలుకుతున్నందుకు ప్రధాన మంత్రి శ్రీ నరేంద్ర మోదీ తనలో రేకెత్తిన ఉత్సాహాన్ని ఈ రోజున సామాజిక మాధ్యమం ద్వారా తెలియజేశారు.

సామాజిక ప్రసార మాధ్యమం ‘ఎక్స్’ లో ఇటీవల పొందుపరిచిన ఒక సందేశంలో ప్రధాని ఈ కింది విధంగా పేర్కొన్నారు:

‘‘నైజీరియాలో హిందీ భాషా ప్రేమికులు అక్కడ నేను పర్యటించవలసి వుండగా అంతకు ముందే ఉత్సాహాన్ని వ్యక్తం చేసిన తీరు మనసుకు హత్తుకొనేలా ఉంది.  ఎప్పుడెప్పుడు ఈ పర్యటనకు బయలుదేరివెళ్తానా అని నా మనసు ఉరకలు వేస్తోంది.’’

ప్రధాన మంత్రి ఈ నెల 16, 17 తేదీలలో నైజీరియాలో అధికారికంగా పర్యటించనున్నారు. ఈ నేపథ్యంలో నైజీరియా ప్రజలు స్వాగతం పలకడం గురించి నైజీరియాలోని భారత హై కమిషన్ అధికారిక ఖాతా @india_nigeria లో హిందీ భాషలో ఓ సందేశాన్ని ఉంచగా దానికి ప్రధాని స్పందించి, తన సందేశాన్ని పొందుపరిచారు.