పిఎంఇండియా

మాజీ రాష్ట్రప‌తి డాక్ట‌ర్ ఎపిజె అబ్దుల్ క‌లాం “రాష్ట్ర ప‌తి” కావ‌డానికి ముందే ” రాష్ట్ర‌ర‌త్న‌ ” అని ప్ర‌ధాని శ్రీ న‌రేంద్ర‌ మోదీ కొనియాడారు. న్యూఢిల్లీలోని డీఆర్ డీవో భ‌వ‌న్‌లో డాక్ట‌ర్ క‌లాం జ‌యంతి వేడుక‌ల్లో ప్ర‌ధాని ప్ర‌సంగించారు.
భ‌విష్య‌త్ త‌రాల‌ను ఉత్తేజితం చేసేందుకు రామేశ్వ‌రంలో డాక్ట‌ర్ క‌లాం స్మార‌కాన్ని నిర్మించ‌నున్న‌ట్టు ప్ర‌ధాని ప్ర‌క‌టించారు.

చాలా మంది జీవితంలో అవ‌కాశాల కోసం ఎదురు చూస్తార‌ని, కాని క‌లాం అధిగ‌మించ‌డానికి కావ‌ల‌సిన తాజా స‌వాళ్ళ కోసం ఎదురు చూసే వార‌ని ప్ర‌ధాని అన్నారు. క‌చ్‌లో భూకంపం త‌ర్వాత చేప‌ట్టిన పున‌ర్నిర్మాణ కార్య‌క్ర‌మాల్లో తాను క‌లాంతో స‌న్నిహితంగా క‌లిసి ప‌ని చేసిన సంద‌ర్భాన్ని ప్ర‌ధాని శ్రీ న‌రేంద్ర‌ మోదీ గుర్తు చేసుకున్నారు.

భ‌విష్య‌త్ త‌రాల‌ను తీర్చి దిద్ద‌డంపై చైత‌న్యం గ‌ల వ్య‌క్తి కావ‌డం వ‌ల్ల‌నే డాక్ట‌ర్ క‌లాం ఎప్పుడూ ఉపాధ్యాయుడుగానే గుర్తుండిపోవాల‌ని ఆశించేవార‌ని ప్ర‌ధాని గుర్తు చేశారు. డాక్ట‌ర్ క‌లాం జ‌యంతి సంద‌ర్భంగా మ‌నం భార‌త్‌లో న‌వ్య‌త‌ను ఎలా ప్రోత్స‌హించాలా అన్న‌ది ప‌రిశీలించాల‌ని ఆయ‌న సూచించారు.

సైబ‌ర్ సెక్యూరిటీ, అంద‌రికీ నివాస గృహాలు, న‌దుల అనుసంధానం, వ్య‌వ‌సాయ ఉత్పాద‌క‌త‌ల పెంపు, బ్లూ ఎకాన‌మీ, జీరో డిఫెక్ట్, జీరో ఎఫెక్ట్ మాన్యుఫాక్చ‌రింగ్ వంటి కీల‌క విభాగాల్లో న‌వ్య‌త అవ‌స‌రాన్ని ఆయ‌న నొక్కి చెప్పారు.

డాక్ట‌ర్ క‌లాం స‌మాజంలో అట్ట‌డుగు స్థాయి నుంచి అత్యున్న‌త స్థాయికి వ్య‌క్తిగ‌తంగా ఎద‌గ‌డ‌మే కాకుండా వ్య‌ర్థం నుంచి అత్యున్న‌త స్థాయి సంస్థ‌ల‌ను నిర్మించార‌ని ప్ర‌ధాని చెప్పారు. ఆయ‌న చూపిన మార్గం నుంచి మ‌నంద‌రం స్ఫూర్తిని పొందాల‌ని ఆయ‌న సూచించారు.

అంత‌కు ముందు డీఆర్ డీవో భ‌వ‌న్ వ‌ద్ద డాక్ట‌ర్ అబ్దుల్ క‌లాం విగ్ర‌హాన్ని ప్ర‌ధాని ఆవిష్క‌రించారు. డాక్ట‌ర్ క‌లాం జీవిత విశేషాల‌తో కూడిన ఒక ఫొటో ప్ర‌ద‌ర్శ‌న‌ను ఆయ‌న ప్రారంభించి వీక్షించారు. డాక్ట‌ర్ క‌లాం పేరిట ఒక స్మార‌క త‌పాలా బిళ్ళ‌ను ఆయ‌న ఆవిష్క‌రించారు.

కేంద్ర‌మంత్రులు శ్రీ ఎం.వెంక‌య్య‌నాయుడు, శ్రీ మ‌నోహ‌ర్ పారిక‌ర్‌, శ్రీ ర‌విశంక‌ర్ ప్ర‌సాద్‌, డాక్ట‌ర్ హ‌ర్ష‌ వ‌ర్థ‌న్ ఆ కార్య‌క్ర‌మంలో పాల్గొన్నారు.