పిఎంఇండియా

భారత క్రికెట్ జట్టు ఇవాళ టి20 ప్రపంచ కప్ విజేతగా నిలవడంపై ప్రధానమంత్రి శ్రీ నరేంద్ర మోదీ అభినందనలు తెలిపారు. మన జట్టు సాధించిన అపూర్వ విజయంతో యావద్దేశం గర్విస్తున్నదని పేర్కొంటూ ఒక వీడియోను కూడా ఆయన పోస్ట్ చేశారు. ఈ టోర్నమెంటులో ప్రతి మ్యాచ్ నీ సొంతం చేసుకుంటూ తనకు తిరుగే లేదని చాటిందన్నారు. ఆద్యంతం అప్రతిహత విజయాలతో మన జట్టు అద్భుత ప్రతిభను ప్రదర్శించిందని కొనియాడారు.

ఈ మేరకు సామాజిక మాధ్యమం ‘ఎక్స్’ ద్వారా పంపిన సందేశంలో:

“చాంపియన్లు!

    మన జట్టు తనదైన శైలిలో తిరుగులేని విజయాలతో టి20 ప్రపంచ కప్ ను దేశానికి కానుకగా తెస్తోంది! భారత క్రికెట్ జట్టును చూసి మేమంతా గర్విస్తున్నాం. ముఖ్యంగా విజేతను నిర్ణయించే తుది పోరు చరిత్రాత్మకం” అని ప్రధానమంత్రి ప్రశంసలు కురిపించారు.