పిఎంఇండియా

ప్రధాన మంత్రి శ్రీ నరేంద్ర మోదీ దేశవ్యాప్తంగా పంచాయతీ రాజ్ సంస్థల ద్వారా సేవలు అందించేందుకు శ్రమిస్తున్న వారందరికీ వందనం చేశారు.

ప్రధాన మంత్రి తన సందేశంలో ఇలా పేర్కొన్నారు:

“జాతీయ పంచాయతీ రాజ్ దినం నాడు నేను దేశవ్యాప్తంగా పంచాయతీ రాజ్ సంస్థల ద్వారా సేవలు అందిస్తున్న వారందరికీ ఇవే నా నమస్కారములు.

గ్రామీణ భారతదేశ ప్రజల ఆకాంక్షలను నెరవేర్చడంలో పంచాయతీలు చక్కని సాధనాలు. అవి భారతదేశ పరివర్తనలో కీలకమైన పాత్రను పోషిస్తున్నాయి.

సర్వతోముఖ అభివృద్ధి సాధన ద్వారాను, అట్టడుగు స్థాయి ప్రాతినిధ్యం ద్వారాను మా ప్రభుత్వం ‘గ్రామ్ ఉదయ్ సే భారత్ ఉదయ్’ ని నిజం చేసే దిశగా పనిచేస్తోంది.’’