పిఎంఇండియా

ప్రధాన మంత్రి శ్రీ నరేంద్ర మోదీ గోవా లో తొలి వందే భారత్ ఎక్స్ ప్రెస్ రైలు కు జూన్ 3వ తేదీ న ఉదయం పదిన్నర గంటల కు వీడియో కాన్ఫరెన్సింగ్ మాధ్యం ద్వారా ప్రారంభసూచకంగా ఆకుపచ్చటి జెండా ను చూపెట్టి ఆ రైలు ను బయలుదేరదీయనున్నారు.

‘మేక్ ఇన్ ఇండియా’ మరియు ఆత్మనిర్భర్ భారత్ ల తాలూకు ప్రధాన మంత్రి దార్శనికత కు అనుగుణం గా, అధునాతనమైన వందే భారత్ ఎక్స్ ప్రెస్ ముంబయి– గోవా మార్గం లో సంధానాన్ని మెరుగుపరచనుంది; ఆ ప్రాంత ప్రజల కు వేగవంతమైనటువంటి మరియు సౌకర్యవంతమైనటువంటి ప్రయాణ మాధ్యాన్ని ఈ రైలు అందించనుంది. ఈ రైలు దేశం లో నడిచేటటువంటి 19వ వందే భారత్ రైలు కానున్నది.

ఈ రైలు ముంబయి లోని ఛత్రపతి శివాజీ మహారాజ్ టర్మినస్ మరియు గోవా లోని మడ్ గాఁవ్ స్టేశనుల మధ్య నడుస్తుంది. ఇది యాత్ర ను ఇంచుమించు ఏడున్నర గంటల లో పూర్తి చేస్తుంది. దీనితో ఈ రెండు స్థానాల మధ్య ప్రస్తుతం అత్యంత వేగం గా నడుస్తున్న రైలు తో పోలిస్తే సుమారు ఒక గంట యాత్రా కాలం ఆదా అవుతుంది.

దేశీయం గా తయారు చేసిన ఈ రైలు కు ప్రపంచ శ్రేణి సౌకర్యాలను మరియు కవచ్ సాంకేతికత సహా అత్యాధునిక భద్రత సాధనాల ను జతపరచడమైంది. ఈ రైలు రెండు రాష్ట్రాల లో పర్యటన ను ప్రోత్సహిస్తుంది.

***