పిఎంఇండియా

భారత గణతంత్ర దినోత్సవ వేడుకల్లో ముఖ్య అతిథిగా పాల్గొనేందుకు వచ్చిన ఇండొనేషియా అధ్యక్షుడు శ్రీ ప్రబోవో సుబియాంటోకు స్వాగతం పలికిన ప్రధానమంత్రి శ్రీ నరేంద్ర మోదీ, ఆయనతో భారత – ఇండోనేషియా సమగ్ర వ్యూహాత్మక భాగస్వామ్యానికి సంబంధించిన వివిధ అంశాలపై చర్చించారు. భారతదేశ యాక్ట్ ఈస్ట్ పాలసీలో ఇండోనేషియా కీలక పాత్ర పోషించిందని, బ్రిక్స్ లో ఇండోనేషియా సభ్యత్వాన్ని భారత్ స్వాగతిస్తోందని ప్రధానమంత్రి పేర్కొన్నారు.

‘అధ్యక్షుడు ప్రబోవో సుబియాంటోకు స్వాగతం పలకడం భారత్ కు గర్వకారణం.”

“మనం మొదటి గణతంత్ర దినోత్సవాన్ని జరుపుకున్నప్పుడు, ఇండోనేషియా అతిథి దేశంగా ఉంది.  ఇప్పుడు, 75 సంవత్సరాల గణతంత్ర దినోత్సవం జరుపుకుంటున్న వేళ ఇండోనేషియా అధ్యక్షుడు సుబియాంటో ఈ వేడుకలకు ముఖ్య అతిథిగా హాజరవుతున్నారు. ఈ సందర్భంగా ఆయనతో భారత్–ఇండోనేషియా సమగ్ర వ్యూహాత్మక భాగస్వామ్యంలోని పలు అంశాలపై చర్చించాం’’.

“భద్రత, రక్షణ తయారీ, వాణిజ్యం, ఫిన్ టెక్, కృత్రిమ మేధస్సు తదితర రంగాల్లో భారత్–ఇండోనేషియా సంబంధాలను మరింత బలోపేతం చేసే మార్గాలపై మేము చర్చించాం. ఆహార భద్రత, ఇంధనం, విపత్తు నిర్వహణ వంటి రంగాల్లో కూడా కలిసి పనిచేయాలని చూస్తున్నాం”

“భారత్, ఇండోనేషియా దేశాలు  వివిధ అంతర్జాతీయ వేదికలపై కూడా పరస్పరం సహకరించుకుంటున్నాయి. ఇండోనేషియా మన యాక్ట్ ఈస్ట్ పాలసీకి కేంద్ర బిందువుగా ఉంది. ఇండోనేషియా బ్రిక్స్ లో సభ్యత్వం పొందడాన్ని మేము స్వాగతిస్తున్నాము” అని ప్రధానమంత్రి ‘ఎక్స్’ వేదికగా స్పందించారు.

India is honoured to welcome President Prabowo Subianto.

When we marked our first Republic Day, Indonesia was the guest nation and now, when we are marking 75 years of India being a Republic, President Subianto will be attending the celebrations. We discussed various aspects of… pic.twitter.com/8YiWA8zlQb

— Narendra Modi (@narendramodi) January 25, 2025

We discussed ways to deepen India-Indonesia relations in areas such as security, defence manufacturing, trade, FinTech, AI and more. Sectors like food security, energy and disaster management are also areas where we look forward to working closely. pic.twitter.com/wyYcSPtuYr

— Narendra Modi (@narendramodi) January 25, 2025

India and Indonesia are closely cooperating in various multilateral platforms as well. Indonesia is at the core of our Act East Policy and we welcome Indonesia’s BRICS membership.

— Narendra Modi (@narendramodi) January 25, 2025

***

MJPS/SR