పిఎంఇండియా
ఆసియా పారాగేమ్స్‌ పురుషుల ‘షాట్పుట్ ఎఫ్-55’లో కాంస్య పతకం గెలుచుకున్న ముత్తురాజాను ప్రధానమంత్రి శ్రీ నరేంద్ర మోదీ ఇవాళ అభినందించారు. అతడి శక్తి, పట్టుదల ప్రపంచ వేదికపై భారత్ ప్రతిభను ప్రకాశింపజేశాయని ఆయన ఈ సందర్భంగా ప్రశంసించారు.
ఈ మేరకు ‘ఎక్స్‌’ ద్వారా పంపిన సందేశంలో:
“ఆసియా పారా గేమ్స్‌ పురుషుల ‘షాట్పుట్ ఎఫ్-55’లో అద్భుత ప్రతిభతో కాంస్యం సాధించిన ముత్తురాజాకు అభినందనలు. అతని శక్తి, పట్టుదల ప్రపంచ వేదికపై భారత్ ప్రతిభా ప్రదర్శనను ప్రతిబింబించాయి. ఇతర క్రీడాకారులు కూడా అసమాన రీతిలో రాణిస్తూ తమ కలలు నెరవేర్చుకునే విధంగా ఈ విజయం స్ఫూర్తినిస్తుంది” అని ప్రధానమంత్రి పేర్కొన్నారు.
Congratulations to Muthuraja for his remarkable Bronze in Men's Shot Put-F55 event. His strength and determination have led to showcasing of India's talent on the global stage. May this victory motivate others pursue excellence and never give up on their dreams. pic.twitter.com/Sl2lRg6YJl
— Narendra Modi (@narendramodi) October 26, 2023
