పిఎంఇండియా

ఆరోగ్య రంగంలో సహకారంపై భారతదేశానికి, జర్మనీకి మధ్య జాయింట్ డిక్లరేషన్ ఆఫ్ ఇన్ టెంట్ (జెడిఐ) కి ప్రధాన మంత్రి శ్రీ నరేంద్ర మోదీ అధ్యక్షతన సమావేశమైన కేంద్ర మంత్రివర్గం ఎక్స్-పోస్ట్ ఫ్యాక్టో ఆమోదం తెలిపింది. ఈ జెడిఐ పై 2017 జూన్ 1వ తేదీన సంతకాలయ్యాయి.

ఈ కింద పేర్కొన్న రంగాలలో పరస్పర సహకారం జెడిఐ పరిధిలో ఉంటుంది:

1). స్నాతకోత్తర విద్య;

2). వైద్య సిబ్బందికి శిక్షణ;

3). ఫార్మాస్యూటికల్స్ మరియు ఫార్మాకోఇకనామిక్స్; ఇంకా

4). హెల్త్ ఇకనామిక్స్.

ఈ జెడిఐ అమలును పర్యవేక్షించడంతో పాటు పరస్పర సహకారానికి సంబంధించిన వివరాలను మరింత విస్తృతపరచేందుకుగాను ఒక వర్కింగ్ గ్రూపును ఏర్పాటు చేస్తారు.