పిఎంఇండియా
శ్రీ అన్న లేదా చిరుధాన్యాల్లో ఆరోగ్యం-శ్రేయస్సు పుష్కలమని ప్రధానమంత్రి శ్రీ నరేంద్ర మోదీ అన్నారు. ఐక్యరాజ్య సమితి 2023ను అంతర్జాతీయ చిరుధాన్య సంవత్సరంగా ప్రకటించడంలో ప్రధానమంత్రి చూపిన చొరవ స్ఫూర్తితో గ్రామీ అవార్డ్ విజేత భారతీయ-అమెరికన్ గాయకురాలు ఫాలూ ఒక గీతాన్ని రూపొందించారు. చిరుధాన్యాలకు విస్తృత ప్రాచుర్యం, ఆ పంటల సాగుపై రైతులకు ప్రోత్సాహంతోపాటు ప్రపంచ క్షుద్బాధ అంతం లక్ష్యంగా తాను ఈ గీతాన్ని రచించడంలో ప్రధానమంత్రి సహకారాన్ని కొనియాడుతూ ఆమె ట్వీట్ చేశారు.
ఈ ట్వీట్‌కు స్పందనగా ప్రధానమంత్రి పంపిన సందేశంలో:
“మీ ప్రయత్నం అద్భుతం @FaluMusic! శ్రీ అన్న లేదా చిరుధాన్యాల్లో ఆరోగ్యం-శ్రేయస్సు పుష్కలం. ప్రపంచ ఆహార భద్రత-ఆకలి నిర్మూలన సదాశయాలతో సృజనాత్మకత మేళవించి ఆమె ఈ గీతాన్ని రూపొందించడం హర్షణీయం” అని పేర్కొన్నారు.
Excellent effort @FaluMusic! There is abundance of health and well-being in Shree Ann or millets. Through this song, creativity has blended with an important cause of food security and removing hunger. https://t.co/wdzkOsyQjJ
— Narendra Modi (@narendramodi) June 16, 2023
