పిఎంఇండియా

నమస్కారం.  పండుగల సందర్భంగా శుభాకాంక్షలు.

మిమ్మల్ని స్వాగతిస్తున్నందుకు నాకు ఆనందంగా ఉంది.  మాతో మీ భాగస్వామ్యాన్ని పెంచుకోవాలనే మీ ఆత్రుత చూసి నాకు సంతోషంగా ఉంది.  పరస్పర దృక్పథాల గురించి మనకున్న మంచి అవగాహన, మీ ప్రణాళికలు, మా  దృష్టి మధ్య మంచి అమరికకు దారితీస్తుందని నేను ఆశిస్తున్నాను.

మిత్రులారా,

ఈ సంవత్సరం, ప్రపంచ మహమ్మారిపై భారతదేశం ధైర్యంగా పోరాడడంతో, భారతదేశ జాతీయ స్వభావాన్ని, ప్రపంచం గమనించింది.  ప్రపంచం భారతదేశం యొక్క నిజమైన బలాన్ని తెలుసుకుంది.  ఇది భారతీయులకు ప్రసిద్ధి చెందిన లక్షణాలను విజయవంతంగా తెలియజేసింది : బాధ్యత యొక్క భావం.  ప్రేమ యొక్క స్ఫూర్తి.  జాతీయ సమైక్యత. ఆవిష్కరణ యొక్క మెరుపు.  వైరస్‌తో పోరాడటం లేదా ఆర్థిక స్థిరత్వాన్ని నిర్ధారించే విషయంలో, భారతదేశం, ఈ మహమ్మారి సమయంలో, గొప్ప స్థితిస్థాపకతను చూపించింది.  ఈ స్థితిస్థాపకత మా వ్యవస్థల బలం, మా ప్రజల మద్దతు మరియు మా విధానాల స్థిరత్వం ద్వారా సాధ్యమయ్యింది.  మా వ్యవస్థల బలం కారణంగా, మేము సుమారు 800 మిలియన్ల మందికి ఆహార ధాన్యాలు, 420 మిలియన్ల మందికి ఆర్ధిక సహాయంతో పాటు 80 మిలియన్ల కుటుంబాలకు ఉచిత వంట గ్యాస్ ను అందించగలిగాము.  సామాజిక దూరం పాటించడం, మాస్కులు ధరించడం వంటి జాగ్రత్తలను పాటించే ప్రజల మద్దతు కారణంగానే భారతదేశం వైరస్ కు వ్యతిరేకంగా బలమైన పోరాటాన్ని ఇచ్చింది.  మా విధానాల స్థిరత్వం కారణంగానే ప్రపంచంలో అత్యంత ఇష్టపడే పెట్టుబడి గమ్యస్థానాలలో ఒకటిగా భారతదేశం అవతరించింది.

మిత్రులారా,

మేము పాత పద్ధతులు లేని కొత్త భారతదేశాన్ని నిర్మిస్తున్నాము.  ఆర్థిక బాధ్యతారాహిత్యం నుండి ఆర్థిక వివేకం వరకు, అధిక ద్రవ్యోల్బణం నుండి తక్కువ ద్రవ్యోల్బణం వరకు,  నిర్లక్ష్యంగా రుణాలు ఇవ్వడం నుండి పనితీరు లేని ఆస్తులను మెరిట్ ఆధారిత రుణాలుగా మార్చడం,  మౌలిక సదుపాయాల లోటు నుండి మౌలిక సదుపాయాల మిగులు వరకు,  తప్పుగా నిర్వహించబడుతున్న పట్టణ వృద్ధి నుండి సంపూర్ణ మరియు సమతుల్య వృద్ధి వరకు, అదేవిధంగా, భౌతిక సదుపాయాల నుండి డిజిటల్ మౌలిక సదుపాయాల వరకు నేడు, భారతదేశం మంచి కోసం మారుతోంది. 

మిత్రులారా,

ఆత్మ నిర్భర్ కావాలన్న భారతదేశం యొక్క తపన కేవలం ఒక ఆశయం మాత్రమే కాదు, చక్కటి ప్రణాళికతో కూడిన ఒక ఆర్థిక వ్యూహం, భారతదేశాన్ని ప్రపంచ ఉత్పాదక శక్తి కేంద్రంగా మార్చడానికి మా వ్యాపారాల సామర్థ్యాలను మరియు మా కార్మికుల నైపుణ్యాలను ఉపయోగించాలని లక్ష్యంగా పెట్టుకున్న వ్యూహం,  ఆవిష్కరణలకు అంతర్జాతీయ కేంద్రంగా మారడానికి సాంకేతిక పరిజ్ఞానంలో మా బలాన్ని ఉపయోగించాలని లక్ష్యంగా పెట్టుకున్న వ్యూహం,  మా అపారమైన మానవ వనరులను మరియు వారి ప్రతిభను ఉపయోగించి ప్రపంచ అభివృద్ధికి తోడ్పడాలని లక్ష్యంగా పెట్టుకున్న వ్యూహం.

మిత్రులారా,

నేడు, పెట్టుబడిదారులు అధిక పర్యావరణ, సామాజిక మరియు పాలన సామర్ధ్యం ఉన్న సంస్థల వైపు పయనిస్తున్నారు.  భారతదేశంలో ఇప్పటికే ఉన్నత సామర్ధ్యం గల వ్యవస్థలు మరియు కంపెనీలు ఉన్నాయి.  ఈ.ఎస్.జి. పై సమాన దృష్టితో వృద్ధి మార్గాన్ని అనుసరించాలని భారతదేశం విశ్వసిస్తోంది.  

మిత్రులారా,

భారతదేశం మీకు ప్రజాస్వామ్యం, జనాభా, డిమాండ్‌తో పాటు వైవిధ్యాన్ని అందిస్తుంది.  మా వైవిధ్యం కారణంగా, మీరు ఒక మార్కెట్లో బహుళ మార్కెట్లను పొందుతారు.  ఇవి బహుళ పాకెట్ పరిమాణాలు మరియు బహుళ ప్రాధాన్యతలతో వస్తాయి.  ఇవి బహుళ వాతావరణాలు మరియు బహుళ స్థాయి అభివృద్ధితో వస్తాయి.  ఈ వైవిధ్యం ప్రజాస్వామ్య, సమగ్ర మరియు చట్టాన్ని గౌరవించే వ్యవస్థలో బహిరంగ మనస్సులతో మరియు బహిరంగ మార్కెట్లతో వస్తుంది.

మిత్రులారా,

నేను కొన్ని ఉత్తమ ఆర్థిక విజ్ఞాన సమస్యలను పరిష్కరిస్తున్నానని నాకు తెలుసు.  ఆవిష్కరణ మరియు వృద్ధి యొక్క కొత్త రంగాలను స్థిరమైన వ్యాపార ప్రతిపాదనలుగా మార్చగల వారు ఉన్నారు.  అదే సమయంలో, మీ ట్రస్ట్‌లోని నిధులను, ఉత్తమమైన మరియు సురక్షితమైన దీర్ఘకాలిక రాబడిని అందించే మీ అవసరాన్ని నేను తెలుసుకున్నాను.

అందువల్ల మిత్రులారా,

సమస్యలకు దీర్ఘకాలిక మరియు స్థిరమైన పరిష్కారాలను కనుగొనడమే మా విధానమని నేను నొక్కి చెప్పాలనుకుంటున్నాను.  ఇటువంటి మా విధానం మీ అవసరాలకు బాగా ఉపయోగపడుతుంది.  ఈ సందర్భంగా నేను కొన్ని విషయాలను మీకు ఉదాహరణలతో వివరిస్తాను.

మిత్రులారా, 

మా ఉత్పాదక సామర్థ్యాన్ని మెరుగుపరచడానికి మేము బహుళ ప్రోత్సాహక కార్యక్రమాలు చేపట్టాము.  మేము జి.ఎస్.టి. రూపంలో ఒక దేశం ఒకటే పన్ను (వన్ నేషన్ మరియు వన్ టాక్స్) వ్యవస్థను ప్రవేశపెట్టాము,  అతి పన్ను రేట్లలో కార్పొరేట్ పన్ను ఒకటి, నూతన తయారీ సంస్థలకు అదనపు ప్రోత్సాహం. ఆదాయపు పన్ను అంచనా మరియు అప్పీల్ కోసం పరోక్ష విధానం.  కొత్త కార్మిక చట్టాల పాలన కార్మికుల సంక్షేమాన్ని సమతుల్యం చేస్తుంది మరియు యజమానుల కోసం సులభతర వ్యాపార విధానాలు. నిర్దిష్ట రంగాలలో ఉత్పత్తి ఆధారిత ప్రోత్సాహక పథకాలు. పెట్టుబడిదారులను పట్టుకోవటానికి అధికారం కలిగిన సంస్థాగత ఏర్పాటు.

మిత్రులారా, 

జాతీయ మౌలిక సదుపాయాల కార్యక్రమం కింద 1.5 ట్రిలియన్ డాలర్లు పెట్టుబడి పెట్టాలనే ఒక ప్రతిష్టాత్మక ప్రణాళికతో మేము ఉన్నాము.  మార్గదర్శక మల్టీ-మోడల్ అనుసంధాన మౌలిక సదుపాయాల కల్పనకు ఒక బృహత్ ప్రణాళిక ఖరారు దశలో ఉంది. దేశవ్యాప్తంగా రహదారులు, రైల్వేలు, మెట్రోలు, నీటి మార్గాలు, విమానాశ్రయాల కల్పనతో ఒక  భారీ మౌలిక సదుపాయాల నిర్మాణానికి భారతదేశం నడుం బిగించింది.  మేము మధ్యతరగతి ప్రజల కోసం మిలియన్ల సంఖ్యలో అందుబాటు ధరల్లో గృహాలను నిర్మిస్తున్నాము.  పెద్ద నగరాల్లోనే కాకుండా చిన్న నగరాలు మరియు పట్టణాల్లో కూడా పెట్టుబడులు పెట్టాలని మేము కోరుకుంటున్నాము.  గుజరాత్ ‌లోని “గిఫ్ట్ సిటీ” దానికి ఒక మంచి ఉదాహరణ.  అటువంటి నగరాల అభివృద్ధి కోసం మేము యుద్ధ ప్రాతిపదికన పథకాలను అమలు చేస్తున్నాము.

మిత్రులారా, 

ఉత్పాదక రంగాన్ని బలోపేతం చేయడానికి మరియు ప్రపంచ స్థాయి మౌలిక సదుపాయాలను నిర్మించడానికి మేము అనుసరిస్తున్న వ్యూహం మాదిరిగా, ఆర్థిక రంగానికి కూడా మా వ్యూహం సమగ్రంగా ఉంది.  మేము చేపట్టిన కొన్ని భారీ చర్యల్లో, సమగ్ర బ్యాంకింగ్ రంగ సంస్కరణలు, ఆర్థిక మార్కెట్లను బలోపేతం చేయడం,  అంతర్జాతీయ ఆర్థిక సేవల కేంద్రానికి ఏకీకృత అధికారం కల్పించడం వంటివి  కూడా ఉన్నాయి. విదేశీ మూలధనం కోసం నిరపాయమైన పన్ను విధానం అనేది, అత్యంత ఉదారవాద ఎఫ్.‌డి.ఐ. చర్యల్లో ఒకటి. ప్రభుత్వం చేపట్టిన ఇతర చర్యల్లో – మౌలిక సదుపాయాల పెట్టుబడుల ట్రస్టు మరియు రియల్ ఎస్టేట్ పెట్టుబడుల ట్రస్ట్ వంటి పెట్టుబడి ట్రస్టులకు తగిన విధాన నియమాలు; దివాలా కోడ్ అమలు; నేరుగా ప్రయోజన బదిలీ ద్వారా ఆర్థిక సాధికారత; రు-పే కార్డులు మరియు భిమ్-యు.పి.ఐ. వంటి ఫిన్-టెక్ ఆధారిత చెల్లింపు వ్యవస్థలు కూడా ఉన్నాయి. 

మిత్రులారా, 

ఆవిష్కరణలు, డిజిటల్  చుట్టూ ఉన్న కార్యక్రమాలు ఎల్లప్పుడూ ప్రభుత్వ విధానాలు మరియు సంస్కరణలను ఆకర్షిస్తూనే ఉంటాయి.  మనకు ప్రపంచంలో అత్యధిక సంఖ్యలో అంకుర సంస్థలు, యునికార్న్‌లు ఉన్నాయి.  మేము ఇంకా చాలా వేగంగా పెరుగుతున్నాము.  2019 లో వృద్ధి రేటు ప్రకారం ప్రతిరోజూ సగటున 2 నుండి 3 అంకురసంస్థలు ఏర్పాటయ్యాయి. 

మిత్రులారా,

ప్రైవేటు సంస్థలు అభివృద్ధి చెందడానికి మా ప్రభుత్వం అనేక చర్యలు తీసుకుంది.  వ్యూహాత్మక పెట్టుబడులు పెట్టడం మరియు గతంలో చూడని విధంగా ఆస్తుల ద్వారా ధనాన్ని ఆర్జించడం.  ప్రభుత్వ రంగ సంస్థలలో మన వాటాను 51 శాతాని కంటే తక్కువకు తీసుకురావన్న చరిత్రాత్మక నిర్ణయం. బొగ్గు, అంతరిక్షం, అణుశక్తి, రైల్వేలు, పౌర విమానయానం, రక్షణ వంటి కొత్త రంగాలలో ప్రైవేటు భాగస్వామ్యం కోసం విధాన పరిపాలనా విధానం. ప్రభుత్వ రంగం యొక్క హేతుబద్ధమైన విధాన రూపకల్పన కోసం ప్రభుత్వ రంగ సంస్థల విధానం.

మిత్రులారా, 

భారతదేశంలోని ప్రతి రంగం – తయారీ, మౌలిక సదుపాయాలు, సాంకేతికత, వ్యవసాయంతో పాటు ఆర్థిక మరియు ఆరోగ్యం మరియు విద్య వంటి సామాజిక రంగాలు కూడా ఈ రోజున ఎదురుచూస్తున్నాయి.  వ్యవసాయం రంగంలో ఇటీవలి మా సంస్కరణలు భారత రైతులతో భాగస్వామ్యం కావడానికి కొత్త అవకాశాలను తెరుస్తాయి.  సాంకేతిక పరిజ్ఞానం మరియు ఆధునిక ప్రాసెసింగ్ పరిష్కారాల సహాయంతో, భారతదేశం త్వరలో వ్యవసాయ ఎగుమతి కేంద్రంగా అవతరిస్తుంది.  మా జాతీయ విద్యా విధానం ఇక్కడ విదేశీ విశ్వవిద్యాలయాల ప్రాంగణాలను ఏర్పాటు చేయడానికి అనుమతిస్తుంది. జాతీయ డిజిటల్ ఆరోగ్య పధకం “ఫిన్-టెక్” లకు అవకాశం కల్పిస్తుంది. 

మిత్రులారా, 

ప్రపంచ పెట్టుబడిదారుల సమాజం మా భవిష్యత్తుపై విశ్వాసం చూపుతున్నందుకు నాకు సంతోషంగా ఉంది. గత ఏడాదితో పోలిస్తే, గత 5 నెలల్లో విదేశీ ప్రత్యక్ష పెట్టుబడులు 13 శాతం పెరిగాయి. ఈ రౌండ్-టేబుల్‌ సమావేశంలో మీరు చురుకుగా పాల్గొనడం మా విశ్వాసాన్ని మరింత పెంచింది. 

మిత్రులారా, 

మీకు విశ్వసనీయతతో రాబడి కావాలంటే, భారతదేశం దానికి అనుకూలమైన ప్రదేశం.  మీకు ప్రజాస్వామ్యంతో డిమాండ్ కావాలంటే, భారతదేశం అందుకు అనుకూలమైన ప్రదేశం.  మీరు సుస్థిరతతో స్థిరత్వాన్ని కోరుకుంటే, భారతదేశం దానికి అనుకూలమైన ప్రదేశం.  మీరు హరిత విధానంతో వృద్ధిని కోరుకుంటే, భారతదేశం అందుకు అనుకూలమైన ప్రదేశం.

మిత్రులారా,

భారతదేశం యొక్క వృద్ధి ప్రపంచ ఆర్థిక పునరుజ్జీవనాన్ని ఉత్ప్రేరకపరిచే సామర్థ్యాన్ని కలిగి ఉంది.  భారతదేశం సాధించే ఏ సాధన అయినా ప్రపంచ అభివృద్ధి మరియు సంక్షేమం ప్రభావాన్ని ద్విగుణీకృతం చేస్తుంది. ప్రపంచ ఆర్థిక క్రమాన్ని స్థిరీకరించడానికి బలమైన మరియు శక్తివంతమైన భారతదేశం దోహదపడుతుంది. భారతదేశాన్ని ప్రపంచ వృద్ధి పునరుజ్జీవనం యొక్క సాధనంగా మార్చడానికి మేము ఏమైనా చేస్తాము.  పురోగతి యొక్క ఉత్తేజకరమైన కాలం ఉంది.  అందులో భాగం కావాలని నేను మిమ్మల్ని ఆహ్వానిస్తున్నాను.

మీకు అనేక కృతజ్ఞతలు !

*****