పిఎంఇండియా

గుజ‌రాత్ నుండి విచ్చేసిన 50 మంది మ‌హిళా మోటార్ బైక్ రైడ‌ర్ల తో కూడిన బృందం ‘‘ది బైకింగ్ క్వీన్స్‌’’ ప్ర‌ధాన మంత్రి శ్రీ న‌రేంద్ర మోదీ తో ఈ రోజు న్యూ ఢిల్లీ లో స‌మావేశమైంది.

ఈ బృందం సభ్యురాళ్లు తాము 13 రాష్ట్రాలు/కేంద్ర పాలిత ప్రాంతాల గుండా 10,000 కిలో మీట‌ర్ల‌కు పైగా దూరం యాత్ర చేసి, ‘భేటీ బ‌చావో – భేటీ ప‌ఢావో’ మ‌రియు ‘స్వ‌చ్ఛ భార‌త్’ ల వంటి సామాజిక కార్య‌క్ర‌మాల‌ గురించి ప్ర‌జ‌ల‌తో మాట్లాడి ఆ పథకాల స్ఫూర్తిని వ్యాప్తి చేయడంలో పాలుపంచుకొన్నట్లు తెలిపారు. 2017 ఆగ‌స్టు 15న ల‌ద్దాఖ్ లోని ఖార్‌ దుంగ్ లా లో త్రివ‌ర్ణ ప‌తాకాన్ని ఎగుర‌వేసిన‌ట్లు కూడా వారు ఈ సందర్భంగా వెల్ల‌డించారు.

మహిళా బైక్ రైడర్ల ప్ర‌య‌త్నాన్ని ప్ర‌ధాన మంత్రి అభినందించారు. వారు ఇక ముందు చేప‌ట్టే కార్య‌క్ర‌మాలు విజ‌య‌వంతం కావాల‌ని ఆయ‌న ఆకాంక్షించారు.