పిఎంఇండియా

   శ్రీలంకలో జాఫ్నా సాంస్కృతిక కేంద్రాన్ని ఇవాళ జాతికి అంకితం చేయడం ఒక ముఖ్యమైన కార్యక్రమమని ప్రధానమంత్రి శ్రీ న‌రేంద్ర మోదీ పేర్కొన్నారు. శ్రీలంక అధ్యక్షుడు ర‌ణిల్ విక్ర‌మ‌సింఘే ఇందులో పాల్గొనడంపై ఆయన హర్షం ప్రకటించారు. కాగా, ప్రధానమంత్రి 2015లో ఈ కేంద్రం నిర్మాణానికి శంకుస్థాపన చేసిన నేపథ్యంలో ఆ ప్రత్యేక పర్యటన సంబంధిత చిత్రాలు కొన్నిటిని ప్రజలతో పంచుకున్నారు.

ఈ కార్యక్రమం నేపథ్యంలో ఒక ట్వీట్‌ ద్వారా సందేశమిస్తూ:

“జాఫ్నా సాంస్కృతిక కేంద్రం భారత-శ్రీలంక దేశాల మధ్య సన్నిహిత సాంస్కృతిక సహకారాన్ని సూచించే కీలక కార్యక్రమం. ఇది పెద్ద సంఖ్యలో ప్రజలకు ప్రయోజనం చేకూరుస్తుంది. అధ్యక్షుడు రణిల్‌ విక్రమ సింఘే సగౌరవంతో పాల్గొనడం ఈ కార్యక్రమానికి మరింత ప్రత్యేకత తెచ్చిపెట్టింది. జాఫ్నాలో 2015నాటి నా పర్యటన జ్ఞాపకాలు ఎన్నటికీ నాకు గుర్తిండిపోతాయి. జాఫ్నా సాంస్కృతిక కేంద్రానికి నేను అక్కడే పునాది వేశాను. ఇదిగో.. దానికి సంబంధించిన కొన్ని చిత్రాలను చూడండి” అని  ప్రధానమంత్రి పేర్కొన్నారు.