పిఎంఇండియా
ప్రధానమంత్రి శ్రీ నరేంద్ర మోదీ అధ్యక్షతన ఇవాళ సమావేశమైన కేంద్ర మంత్రిమండలి- ఎరువులపై సూక్ష్మ పోషకాధారిత సబ్సిడీ (ఎన్‌బీఎస్‌) పరిమితికి ఆమోదం తెలిపింది. ఈ మేరకు నత్రజని (ఎన్‌), భాస్వరం (పి), పొటాష్ (కె), గంధకం (ఎస్‌) సూక్ష్మ పోషక ఎరువులకుగాను కిలోగ్రాముకు వర్తించే సబ్సిడీపై కేంద్ర ఎరువుల మంత్రిత్వశాఖ ప్రతిపాదించిన రేట్లకు ఆమోదముద్ర వేసింది. తదనుగుణంగా రబీ సీజన్-2022-23 (01.10.2022 నుంచి 31.03.2023 వరకు)లో ఫాస్పేట్‌, పొటాష్, సల్ఫర్ ఎరువులపై సబ్సిడీ రేట్లు కిందివిధంగా ఉంటాయి.
|
రబీ 2022-23 (01.10.2022 నుంచి 31.03.2023 వరకు) |
ఎన్‌ |
పి |
కె |
ఎస్‌ |
|
98.02 |
66.93 |
23.65 |
6.12 |
సంవత్సరం | కిలోగ్రాముకు రూపాయలలో |
|---|
ఆర్థిక భారం
రబీ-2022 (01.10.2022 నుండి 31.03.2023 వరకు)కుగాను మంత్రిమండలి ఆమోదించిన ‘ఎన్‌బీఎస్‌’ సబ్సిడీ మొత్తం రూ. 51,875 కోట్లు. కాగా, దేశవాళీ ఎరువుల (ఎస్‌ఎస్‌పి) రవాణాపై ఇచ్చే సబ్సిడీ కూడా ఇందులో భాగంగా ఉంటుంది.
ప్రయోజనాలు
ఈ నిర్ణయంతో 2022-23 రబీలో రైతులకు ‘పి అండ్ కె’ ఎరువులన్నీ సబ్సిడీ/సరసమైన ధరలకు సజావుగా లభిస్తాయి. తద్వారా వ్యవసాయ రంగానికి చేయూత ఉంటుంది. ఆ మేరకు ఎరువులు, ముడి పదార్థాల అంతర్జాతీయ ధరలలో అస్థిరత్వ భారాన్ని ప్రధానంగా కేంద్ర ప్రభుత్వం భరిస్తుంది.
నేపథ్యం
దేశంలోని ఎరువుల తయారీ/దిగుమతిదారుల ద్వారా రైతులకు సబ్సిడీ ధరతో యూరియా సహా 25 గ్రేడ్‌ల ఎరువులను ప్రభుత్వం అందుబాటులో ఉంచుతుంది. వీటిలో ‘పి అండ్ కె’ ఎరువులపై సబ్సిడీని 01.04.2010 నుంచి ‘ఎన్‌బీఎస్‌’ పథకం కింద పర్యవేక్షిస్తోంది. ఆ విధంగా తన కర్షకహిత విధానాలకు అనుగుణంగా రైతుకు సరసమైన ధరలతో ‘పి అండ్ కె’ ఎరువులు లభించేలా చూసే బాధ్యతను నిర్వర్తిస్తోంది. ఎరువులు, ఉత్పాదక సరంజామా.. అంటే- యూరియా, డిఎపి, ఎంఓపి, సల్ఫర్‌ల అంతర్జాతీయ ధరలు బాగా పెరిగిన నేపథ్యంలో రైతులపై భారం పడుతుంది. కాబట్టి ‘డిఎపి’ సహా ‘పి అండ్ కె’ ఎరువులపై సబ్సిడీ పెంపు ద్వారా ఆ భారాన్ని స్వీకరించాలని ప్రభుత్వం నిర్ణయించింది. ఈ మేరకు సరసమైన ధరతో రైతాంగానికి ఎరువులు లభ్యమయ్యేలా ఆమోదిత ధరల ప్రకారం ఎరువుల కంపెనీలకు సబ్సిడీ మొత్తాన్ని విడుదల చేస్తుంది.
******
