పిఎంఇండియా

ప్ర‌ధాన మంత్రి శ్రీ న‌రేంద్ర మోదీ ఈ ఉదయం జమ్ము & కశ్మీర్ లోని ఉరీ లో జరిగిన ఉగ్రవాద దాడిని తీవ్రంగా ఖండించారు.

“ఉరీ లో జరిగిన పిరికిపంద తరహా ఉగ్రవాది దాడిని మేం తీవ్రంగా ఖండిస్తున్నాము. ఈ హేయమైన దాడి వెనుక ఉన్న వారు శిక్ష నుండి తప్పించుకోలేరు అని నేను దేశానికి హామీని ఇస్తున్నాను.

ఉరీ లో మృతవీరులందరికీ మేము నమస్కరిస్తున్నాము. దేశానికి వారు చేసిన సేవను ఎప్పటికీ స్మరించుకోవడం జరుగుతుంది. సన్నిహితులను కోల్పోయిన కుటుంబాల దు:ఖంలో నేను పాలుపంచుకొంటున్నాను.

పరిస్థితిని గురించి హోం మంత్రితోను, రక్షణ మంత్రి తోను నేను మాట్లాడాను. రక్షణ మంత్రి పరిస్థితిని పరిశీలించడం కోసం స్వయంగా జమ్ము & కశ్మీర్ కు వెళ్లనున్నారు ” అని ప్రధాన మంత్రి తమ సందేశంలో పేర్కొన్నారు.