پی ایم انڈیا

 وزیراعظم جناب نریندر مودی کی قیادت میں مرکزی کابینہ نے مالی سال 2024-25 کے لیے  فرد سے  تاجر  کو کئے جانے والےکم قیمت والے بھیم-یوپی آئی  لین دین   کے لیے ترغیباتی اسکیم کو درجہ ذیل طریقے سے منظوری دی ہے۔

1. کم قیمت والے بھیم-یوپی آئی  لین دین  ( پی 2 ایم) کو فروغ دینے کی ترغیبی اسکیم یکم اپریل 2024 سے 31 مارچ 2025 تک 1,500 کروڑ کے تخمینہ پر لاگو کی جائے گی۔
2. اس اسکیم کے تحت چھوٹے تاجروں کے لیے 2,000 روپے تک کا ہی یو پی آئی (پی 2 ایم) لین دین کا احاطہ کیا گیا ہے ۔

چھوٹے تاجروں کے زمرے سے متعلق 2,000 روپے تک کے لین دین کے لیے 0.15 فیصد فی  لین دین کی قیمت  کی شرح سے مراعات فراہم کی جائیں گی۔

3. اسکیم کے تمام سہ ماہیوں کے لیے، حاصل کرنے والے بینکوں کے ذریعے داخل کردہ دعویٰ کی رقم کا 80فیصد بغیر کسی شرط کے تقسیم کیا جائے گا۔
4. ہر سہ ماہی کے لیے قبول شدہ دعوی ٰکی رقم کے بقیہ 20فیصد کی واپسی درج ذیل شرائط کی تکمیل پر منحصر ہوگی:

1. داخل کردہ دعوے کا 10فیصد صرف اس وقت فراہم کیا جائے گا جب حاصل کرنے والے بینک کی تکنیکی کمی 0.75 فیصد سے کم ہوگی۔ اور
2. تسلیم شدہ دعوؤں کا بقیہ 10 فیصدصرف اس وقت فراہم کیا جائے گا جب حاصل کرنے والے بینک کا سسٹم اپ ٹائم 99.5فیصد سے زیادہ ہوگا۔

فوائد

1. آسان ، محفوظ ، تیز نقد بہاؤ  اور ڈیجیٹل فوٹ پرنٹس کے ذریعے کریڈٹ تک رسائی میں اضافہ ۔
2.  عام شہری بغیر کسی اضافی چارج کے بلا رکاوٹ ادائیگی کی سہولیات سے مستفید ہوں گے ۔
3. چھوٹے تاجروں کو بغیر کسی اضافی لاگت کے یو پی آئی خدمات حاصل کرنے کے قابل بنانا ، چونکہ چھوٹے تاجر قیمت کے بارے میں حساس ہوتے ہیں ، اس لیے ترغیبات انہیں یو پی آئی ادائیگی قبول کرنے کی ترغیب دیں گی ۔
4. ڈیجیٹل شکل میں لین دین کو باضابطہ بنانے اور حساب کتاب کے ذریعے کم نقد معیشت کے حکومت کے وژن کی حمایت کرتا ہے ۔
5. کارکردگی کا فائدہ-20 فیصد ترغیبات بینکوں کے اعلی نظام، اپ ٹائم اور کم تکنیکی کمی کو برقرار رکھنے پر منحصر ہے ۔ اس سے شہریوں کو ادائیگی کی خدمات کی چوبیس گھنٹے دستیابی کو یقینی بنایا جا سکے گا ۔
6. یو پی آئی لین دین کی نمو اور سرکاری خزانے پر کم از کم مالی بوجھ دونوں کا معقول توازن۔

مقاصد

• دیسی ساختہ بھیم -یو پی آئی پلیٹ فارم کا فروغ۔ مالی سال 2024-25 میں 20,000 کروڑ کل لین دین کے حجم کے ہدف کو حاصل کرنا۔
• ایک مضبوط اور محفوظ ڈیجیٹل ادائیگی کے بنیادی ڈھانچے کی تعمیر میں ادائیگی کے نظام کے شرکاء کی مدد کرنا۔
• • فیچر فون پر مبنی (یو پی آئی           123پے) اور آف لائن (یو پی آئی لائٹ/یو پی آئی لائٹ ایکس) ادائیگی کے حل جیسی اختراعی مصنوعات کو فروغ دے کر، خاص طور پر دیہی اور دور دراز کے علاقوں میں درجے کے 3 سے 6 شہروں میں یو پی آٗی کی رسائی۔
• ایک اعلی سسٹم اپ ٹائم کو برقرار رکھنا اور تکنیکی کمی کو کم سے کم کرنا۔

پس منظر

ڈیجیٹل ادائیگیوں کا فروغ حکومت کی مالی شمولیت اور عام آدمی کو ادائیگی کے وسیع اختیارات فراہم کرنے کی حکمت عملی کا ایک لازمی حصہ ہے۔ ڈیجیٹل ادائیگی کی صنعت کی طرف سے اپنے صارفین/تاجر کو خدمات فراہم کرنے کے دوران کیے جانے والے اخراجات کی وصولی مرچنٹ ڈسکاؤنٹ ریٹ (ایم ڈی آر) کے ذریعے کی جاتی ہے۔

آر بی آئی کے مطابق، تمام کارڈ (ڈیبٹ کارڈز کے لیے) نیٹ ورکس پر لین دین کی قیمت کا 0.90فیصد تک ایم ڈی آر نافذ ہوتا ہے۔ ۔ این پی سی آئی کے مطابق، یو پی آئی پی 2 ایم لین دین پر 0.30فیصد تک لین دین کی قدر کا ایم ڈی آر نافذ ہوتا ہے۔ جنوری 2020 سے، ڈیجیٹل لین دین کو فروغ دینے کے لیے، پیمنٹس اینڈ سیٹلمنٹ سسٹمز ایکٹ، 2007 میں سیکشن 10 اے اور انکم ٹیکس ایکٹ، 1961 کے سیکشن 269 ایس یو میں ترمیم کے ذریعے ایم ڈی آر  کو رو-پے ڈیبٹ کارڈز اور بھیم-یو پی آئی لین دین کے لیے صفر کر دیا گیا تھا۔

خدمات کی مؤثر فراہمی میں ادائیگی کے ماحولیاتی نظام کے شرکاء کی مدد کرنے کے لیے، “رو-پے ڈیبٹ کارڈز اور کم قیمت والے بھیم-یو پی آئی لین دین (پی2ایم) کے فروغ کے لیے ترغیبی اسکیم” کابینہ کی مناسب منظوری کے ساتھ نافذ کی گئی ہے۔ پچھلے تین مالی سالوں کے دوران حکومت کی طرف سے سال وار ترغیبی ادائیگی (کروڑ روپے میں):

یہ ترغیبات حکومت کی طرف سے حصول  شدہ بینک (مرچنٹس بینک) کو ادا کی جاتی ہیں اور اس کے بعد دیگر شراکتداروں: جاری کنندہ بینک (کسٹمر بینک) پیمنٹ سروس پرووائیڈر بینک (یو پی آئی ایپ/اے پی آئی انضمام پر کسٹمر کو آن بورڈنگ کی سہولت فراہم کرتا ہے) اور ایپ پرووائیڈرز (ٹی پی اے پی) کے درمیان شیئر کی جاتی ہیں۔

*****

)ش ح –    م ش      –  م ذ(

U.N. 8513