پی ایم انڈیا

نئی دہلی، 7؍دسمبر، وزیراعظم جناب  نریندر مودی کی صدارت میں مرکزی کابینہ نے پنجاب میں دریائے راوی پر شاہ پور کنڈی باندھ پروجیکٹ کے نفاذ کو منظوری دے دی ہے۔ اس کے لئے 485.38 کروڑ روپے کی مرکزی امداد (آبپاشی کیلئے)امداد فراہم کی جائے گی، جو سال 19-2018 سے 23-2022 تک 5سال پر محیط ہوگی۔

اس پروجیکٹ کے نفاذ سے راوی دریا کے اس پانی کو کم سے کم کرنے میں مدد ملے گی، جو فی الحال مدھوپور ہیڈورکس سے بے کار پاکستان چلا جاتا ہے۔

تفصیلات:

• پروجیکٹ کی تکمیل سے پنجاب میں 5000 ہیکٹر آراضی کی آبپاشی جبکہ جموں و کشمیر میں  32173ہیکٹر آراضی کی آبپاشی کی سہولت میسر ہوگی۔
• شاہ پور کنڈی باندھ پروجیکٹ کے لئے مرکزی امداد نبارڈ کے ذریعے موجودہ پی ایم کے ایس وائی–اے آئی بی پی 99 نظام کے تحت ایل ٹی آئی ایف کے پروجیکٹ کے لئے فراہم کی جائے  گی۔
• مرکزی آبی کمیشن کے موجودہ نگرانی نظام کے علاوہ مرکزی آبی کمیشن کے رکن کی سربراہی میں ایک کمیٹی، جس میں پنجاب اور جموں و کشمیر کے متعلقہ چیف انجینئر اور دیگر عہدیدار شامل ہوں گے، پروجیکٹ کے نفاذ کی نگرانی کے لئے تشکیل دی جائے گی ۔
• آبی وسائل کی وزارت کی ایڈوائزری کمیٹی، آبپاشی سے متعلق آرڈی اینڈ جی آر ، سیلاب کی روک  تھام اور کثیر مقصدی پروجیکٹوں کی مشاورتی کمیٹی نے اپنی 138ویں میٹنگ میں، جو 31؍اکتوبر 2018 کو منعقد ہوئی، نظرثانی شدہ لاگت کے تخمینے کو منظور کر لیا ہے، جو (فروری 2018 کی قیمت کی سطح پر)2715.70کروڑروپے ہے۔
• اس پروجیکٹ کو پنجاب حکومت کے ذریعے نافذ کیا جائے گا، جس کے لئے 485.38 کروڑروپے کی مرکزی امداد دی جائے گی۔ یہ پروجیکٹ جون 2022 تک مکمل ہو جائے گا ۔

اثرات:

• فی الحال مدھوپور ہیڈورکس کے ذریعے دریائے راوی کا کچھ پانی بے کار پاکستان کی جانب چلا جاتا ہے، جبکہ  اس پانی کو پنجاب اور جموں و کشمیر میں استعمال کرنے کی ضرورت ہے۔ اس پروجیکٹ کے نفاذ سے پانی کے زیاں کو کم سے کم کیا جا سکے گا  ۔
• اس پروجیکٹ کی تکمیل سے پنجاب میں 5000ہیکٹر آراضی اور  جموں و کشمیر میں 32173ہیکٹر آراضی پر آب پاشی کی سہولیات میسر آ سکے گی۔
• اس کے علاوہ یو بی ڈی سی نظام کے تحت پنجاب میں 1.18 لاکھ ہیکٹر آراضی پر آپباشی فراہم کرنے کے لئے جاری کئے جانے والے پانی کو مؤثر طور پر منضبط کیا جائے گااور اس سے علاقے میں آبپاشی کو فائدہ ہوگا۔ پروجیکٹ کی تکمیل سے پنجاب 206میگاواٹ پن بجلی بھی پیدا کرسکے گا۔

اخراجات:

شاہ پور کنڈی باندھ پروجیکٹ پر  باقی تعمیراتی کام کی لاگت 1973.53کروڑروپے ہے۔ (آبپاشی کے لئے 564.63، بجلی کے 1408.90کروڑروپے)اس میں سے 485.38کروڑروپے مرکزی امداد کے طور پر فراہم کئے جائیں گے۔

فیض کنندگان:

پنجاب میں 500ہیکٹر اضافی آراضی پر جبکہ جموں و کشمیر میں 32172ہیکٹرآراضی پر آبپاشی فراہم کی جائے گی۔ اسکیم کے نفاذ سے غیر تربیت یافتہ ورکروں کے لئے 6.2 لاکھ افرادی دہاڑی ، نیم تربیت یافتہ افراد کے لئے 6.2؛لاکھ افرادی دہاڑی، سیمی اسکلڈ                 افراد کے لئے 6.2لاکھ، جبکہ باصلاحیت ورکروں کے لئے 1.67لاکھ افرادی دہاڑیوں کا روزگار فراہم ہوگا

 6130U-