پی ایم انڈیا

وزیر اعظم جناب نریندر مودی کی زیر صدارت مرکزی کابینہ نے پردھان منتری جنجاتی آدیواسی نیا مہا ابھیان (پی ایم جے اے این ایم اے این) کو کل 24,104 کروڑ روپے (مرکزی حصہ: 15,336 کروڑ روپے اور ریاستی حصہ: 8,768 کروڑ روپے) کی منظوری دے دی ہے تاکہ  9 وزارتوں کے ذریعے 11 اہم دخل اندازیوں پر توجہ مرکوز کی جائے۔ وزیر اعظم نے کھنٹی سے جنجاتیہ گورو دیوس پر ابھیان کا اعلان کیا تھا۔

جیسا کہ بجٹ تقریر 24-2023 میں کمزور قبائلی گروپوں (پی وی ٹی جیز) کے سماجی و اقتصادی حالات کو بہتر بنانے کے لیے اعلان کیا گیا ہے ،  ترقیاتی مشن کے پردھان منتری پی وی ٹی جی کو شروع کیا جائے گا۔ اس سے پی وی ٹی جی گھرانوں اور رہائش گاہوں کو بنیادی سہولیات جیسے محفوظ رہائش، پینے کا صاف پانی اور صفائی، تعلیم تک بہتر رسائی، صحت اور غذائیت، سڑک اور ٹیلی کام کنیکٹیویٹی، اور دیرپا  ذریعہ معاش کے  مکمل مواقع فراہم ہوں گے۔ درج فہرست قبائلیوں کے لیے ترقیاتی عملی منصوبہ (ڈی اے پی ایس ٹی) کے تحت اگلے تین سالوں میں مشن کو نافذ کرنے کے لیے 15,000 کروڑ روپے کی رقم دستیاب کرائی جائے گی۔

2011 کی مردم شماری کے مطابق ہندوستان کی 10.45 کروڑ کی درج فہرست قبائلیوں کی آبادی ہے، جس میں سے 18 ریاستوں اور انڈمان اور نکوبار جزائر کے مرکزی علاقے میں واقع 75 کمیونٹیز کو خاص طور پر کمزور قبائلی گروپ (پی وی ٹی جیز) کے طور پر درجہ بندی کیا گیا ہے۔ یہ پی وی ٹی جیز سماجی، اقتصادی اور تعلیمی شعبوں میں بدستور کمزور طبقات میں شامل ہیں۔

پی ایم -جے اے این ایم اے این (مرکزی شعبے اور مرکزی طور پر اعانت یافتہ اسکیموں پر مشتمل) 9 وزارتوں کے ذریعے 11 اہم دخل اندازیوں پر توجہ مرکوز کرے گا جس میں قبائلی امور کی وزارت بھی شامل ہے:

مذکورہ بالا دخل اندازیوں کے علاوہ، دیگر وزارتوں کی درج ذیل اقدامات  مشن کا حصہ ہوں گے :

1. آیوش کی وزارت موجودہ اصولوں کے مطابق آیوش فلاح و بہبود کا مرکز قائم کرے گی اور آیوش کی سہولیات کو موبائل میڈیکل یونٹس کے ذریعے پی وی ٹی جی رہائش گاہوں تک بڑھایا جائے گا۔
2. ہنر مندی کی ترقی اور صنعت کاری کی وزارت، پی وی ٹی جی رہائش گاہوں، کثیر مقصدی مراکز اور ہاسٹلوں میں ان کمیونٹیز کی مناسب مہارت کے مطابق ہنر اور پیشہ ورانہ تربیت کی سہولت فراہم کرے گی۔

*************

ش ح ۔ع ح۔ ت ح

U. No.1549