پی ایم انڈیا

وزیر اعظم جناب نریندر مودی 12؍اکتوبر 2021کوصبح 11 بجے ویڈیو کانفرنسنگ کے ذریعے 28 ویں قومی انسانی حقوق کمیشن (این ایچ آر سی) کے یوم تاسیس کے موقع پر منعقد تقریب میں شرکت کریں گے۔ وہ اس موقع پر خطاب بھی کریں گے۔

تقریب کے دوران مرکزی وزیر داخلہ اور این ایچ آر سی کے چیئرپرسن بھی موجود ہوں گے۔

قومی انسانی حقوق کمیشن (این ایچ آر سی) کے بارے میں

قومی انسانی حقوق کمیشن (این ایچ آر سی) 12؍اکتوبر 1993 کو انسانی حقوق کے تحفظ سے متعلق ایکٹ 1993 کے تحت انسانی حقوق کے فروغ اور تحفظ کے لیے قائم کیا گیا تھا۔ کمیشن انسانی حقوق کی کسی بھی قسم کی خلاف ورزی کا نوٹس لیتا ہے، انکوائری اور جانچ پڑتال کرتا ہے اور انسانی حقوق کی خلاف ورزیوں کی صورت میں متاثرین کو معاوضے کی ادائیگی کے لیے سرکاری حکام سے سفارش کرتا ہے ، ان سرکاری ملازمین کے خلاف اصلاحی اور قانونی اقدامات بھی کرتا ہے جن سے کسی قسم کی انسانی حقوق کی خلاف ورزیاں سرزد ہوتی ہیں۔

*******************

ش ح –  س ک

U. No. 9942