پی ایم انڈیا

وزیر اعظم جناب نریندر مودی28 جنوری کو اوڈیشہ اور اتراکھنڈ کا دورہ کریں گے ۔ صبح تقریباً11 بجے وہ بھونیشور کے جنتا میدان میں اتکرش اوڈیشہ-میک ان اوڈیشہ کانکلیو2025 کا افتتاح کریں گے ۔ اس کے بعد وہ اتراکھنڈ کے شہر دہرادون جائیں گے اور شام تقریباً6 بجے وہ 38 ویں  نیشنل گیمز کا افتتاح کریں گے ۔

اوڈیشہ میں وزیر اعظم

وزیر اعظم بھونیشور میں اتکرش اوڈیشہ-میک ان اوڈیشہ کانکلیو2025 کا افتتاح کریں گے ۔ حکومت اوڈیشہ کی میزبانی میں ہونے والی فلیگ شپ گلوبل انویسٹمنٹ سمٹ کا مقصد ریاست کو پوروودیہ وژن کا اینکر کا درجہ دلانا اور اسے ہندوستان میں سرمایہ کاری کا اہم  مقام اور صنعتی مرکز بنانا ہے ۔

وزیر اعظم میک ان اوڈیشہ نمائش کا بھی افتتاح کریں گے جو ایک متحرک صنعتی  ایکو سسٹم کی ترقی میں ریاست کی کامیابیوں کو اجاگر کرے گی ۔ دو روزہ کانکلیو28 سے 29 جنوری تک منعقد ہوگی ۔ یہ صنعت کے قائدین ، سرمایہ کاروں اور پالیسی سازوں کے لیے ایک پلیٹ فارم کے طور پر کام کرے گا تاکہ اوڈیشہ  کے ذریعہ  سرمایہ کاری کی ترجیحی منزل کے طور پر پیش کردہ مواقع پر تبادلہ خیال کیا جا سکے ۔ یہ کانکلیو سی ای اوز اور لیڈرس راؤنڈ ٹیبلز ، سیکٹرل سیشنز ، بی2 بی میٹنگز  اور پالیسی مباحثوں کی میزبانی کرے گی ، جس سے دنیا بھر کے سرمایہ کاروں کے ساتھ ٹارگٹڈ معاملات طے کئے جانے کو یقینی بنایا جائے گا۔

اتراکھنڈ میں وزیر اعظم

وزیر اعظم دہرادون میں38 ویں  نیشنل گیمز کا افتتاح کریں گے ۔ اس کی میزبانی اتراکھنڈ میں اس کے سلور جوبلی سال کے دوران کی جا رہی ہے اور یہ 28 جنوری سے 14 فروری تک اتراکھنڈ کے 8 اضلاع کے 11 شہروں میں منعقد ہوگی ۔

36 ریاستیں اور ایک مرکز کے زیر انتظام علاقہ  نیشنل گیمز میں حصہ لیں گے ۔ 17 دنوں میں کھیلوں کے 35 شعبوں کے مقابلے منعقد کیے جائیں گے ۔ جن میں سے 33 کھیلوں کے لیے تمغے دیے جائیں گے ، جبکہ دو نمائشی کھیل ہوں گے ۔ یوگا اور ملکھمب کو پہلی بار قومی کھیلوں میں شامل کیا گیا ہے ۔ اس تقریب میں ملک بھر سے 10,000 سے زیادہ کھلاڑی حصہ لیں گے ۔

پائیداری پر توجہ مرکوز کرتے ہوئے  اس سال  نیشنل گیمز کا موضوع ‘‘گرین گیمز’’ ہے ۔ اس مقام کے قریب اسپورٹس فاریسٹ کے نام سے ایک خصوصی پارک بنایا جائے گا ، جہاں کھلاڑیوں اور مہمانوں کے ذریعے10,000 سے زیادہ پودے لگائے جائیں گے۔ کھلاڑیوں کے لیے تمغے اور سرٹیفکیٹ ماحول دوست اور بائیوڈیگریڈیبل مواد سے بنائے جائیں گے ۔

******

(ش ح۔ ا گ۔ش ت)

U:5720