پی ایم انڈیا

وزیر اعظم جناب نریندر مودی 26 دسمبر 2024 کو بھارت منڈپم، نئی دہلی میں تقریباً 12 بجے دوپہر کو بھارت کے مستقبل کی بنیاد کے طور پر بچوں کو اعزاز دینے والے ملک گیر جشن ویر بال دیوس میں شرکت کریں گے۔ اس موقع پر وہ اجتماع سے خطاب بھی کریں گے۔

وزیر اعظم ’سپوشت گرام پنچایت ابھیان‘ کا آغاز کریں گے۔ اس کا مقصد غذائیت سے متعلق خدمات کے نفاذ کو مضبوط بنانے اور کمیونٹی کی فعال شرکت کو یقینی بنا کر غذائیت کے نتائج اور بہبود کو بہتر بنانا ہے۔

نوجوان ذہنوں کو مشغول کرنے، اس دن کی اہمیت کے بارے میں بیداری کو فروغ دینے اور ملک کے تئیں ہمت اور لگن کے کلچر کو فروغ دینے کے لیے ملک بھر میں مختلف اقدامات بھی کئے  جائیں گے۔ مائی گواور مائی بھارت پورٹلز کے ذریعے آن لائن مقابلوں کا ایک سلسلہ منعقد کیا جائے گاجس میں انٹرایکٹو کوئززبھی شامل ہیں۔ اسکولوں، بچوں کی دیکھ بھال کے اداروں اور آنگن واڑی مراکز میں دلچسپ سرگرمیاں جیسے کہانی سنانے، تخلیقی تحریر، پوسٹر سازی وغیرہ کا آغاز کیا جائے گا۔

پروگرام کے دوران پردھان منتری راشٹریہ بال پرسکار (پی ایم آر بی پی) کے ایوارڈ یافتگان بھی موجود ہوں گے۔

***

(ش ح۔اص)

UR No4553