پی ایم انڈیا

وزیر اعظم جناب نریندر مودی 10 مارچ 2023 کو شام ساڑھے چار بجے نئی دہلی کے وگیان بھون میں آفات کے خطرے میں کمی کے قومی پلیٹ فارم (این پی ڈی آر آر) کے تیسرے اجلاس کا افتتاح کریں گے۔ اس پلیٹ فارم کے تیسرے اجلاس کا مرکزی موضوع ’’بدلتی ہوئی آب و ہوا میں مقامی لچک پیدا کرنا‘‘ ہے۔

تقریب کے دوران، وزیر اعظم، سبھاش چندر بوس آپدا پربندھن پرسکار حاصل کرنےوالوں کو ایوارڈ تفویض کریں گے۔ 2023 پرسکار کے فاتح اوڈیشہ اسٹیٹ ڈیزاسٹر مینجمنٹ اتھارٹی ( او ایس ڈی ایم اے) اور لونگلی فائر اسٹیشن، میزورم ہیں۔ وزیر اعظم آفات کے خطرے میں کمی کے شعبے میں اختراعی نظریات اور اقدامات، ٹولز اور ٹیکنالوجیوں کی نمائش کرنےکے لیے ایک نمائش کا بھی افتتاح کریں گے۔

این پی ڈی آر آر، ایک کثیر شراکت داری کا پلیٹ فارم ہے جو حکومت ہند کی طرف سے مذاکرات کرانے، تجربات، خیالات، نظریات، عمل پر مبنی تحقیق کی شراکت کرنےاور آفات کے خطرے میں کمی کے شعبے میں مواقع تلاش کرنے میں سہولت فراہم کرنے کے لیے تشکیل دیا گیا ہے۔

*****

U.No. 2473

(ش ح – اع – ر ا)