پی ایم انڈیا

وزیر اعظم جناب نریندر مودی نے آج سری لنکا کے صدر محترم انورا کمارا دسنائیکا کے ہمراہ انورادھاپورا میں بھارت کے تعاون سے تعمیر کیے گئے دو ریلوے منصوبوں کے افتتاح اور سنگ بنیاد کی تقریب میں شرکت کی۔

رہنماؤں نے 128 کلومیٹر طویل ماہو-اومانتھائی ریلوے لائن کا افتتاح کیا، جس کی تجدید بھارت کے 91.27 ملین امریکی ڈالر کے تعاون سے کی گئی ہے۔ اس کے بعد ماہو سے انورادھاپورا تک جدید سگنلنگ سسٹم کی تعمیر کا سنگ بنیاد رکھا گیا، جو بھارت کے 14.89 ملین امریکی ڈالر کے گرانٹ سے تعمیر کیا جا رہا ہے۔

یہ اہم ریلوے جدید کاری کے منصوبے بھارت-سری لنکا ترقیاتی شراکت داری کے تحت عمل میں لائے جا رہے ہیں، اور سری لنکا میں شمال-جنوب ریلوے رابطے کو مضبوط بنانے کی سمت ایک اہم سنگ میل کی حیثیت رکھتے ہیں۔ یہ منصوبے ملک بھر میں مسافروں اور مال برداری کی تیز اور مؤثر نقل و حمل کو فروغ دیں گے۔

******

ش ح۔ ش ا ر۔ ول

Uno-9602