پی ایم انڈیا

وزیر اعظم جناب نریندر مودی نے آج ویڈیو کانفرنسنگ کے ذریعے وکست بھارت سنکلپ یاترا(وی بی ایس وائی) کے استفادہ کنندگان سے بات چیت کی۔ حکومت کی فلیگ شپ اسکیموں کی سیر حاصل کرنے کے لیے ملک بھر میں وکست بھارت سنکلپ یاترا کا آغاز کیا جا رہا ہے تاکہ اس بات کو یقینی بنایا جا سکے کہ ان اسکیموں کے فائدے مقررہ وقت میں تمام اہداف شدہ استفادہ کنندگان تک پہنچے۔

آئی ٹی آئی سے تصدیق شدہ کسان اور ہارڈویئر انجینئرنگ میں ڈپلومہ ہولڈر، جناب الپیش بھائی چندو بھائی نظاما سے بات چیت کرنے پر، جو کہ بھروچ، گجرات سے وی بی ایس وائی کے استفادہ کنندہ ہیں، وزیر اعظم نے زراعت کے شعبے میں شامل ہونے کے ان کے فیصلے کے بارے میں دریافت کیا۔ الپیش بھائی نے جواب دیا کہ اس نے نوکری چھوڑنے اور 40 ایکڑ کی اپنی آبائی زمین پر کسان بننے کا فیصلہ کیا۔ انہوں نے وزیر اعظم کو مطلع کیا کہ انہوں نے ریاست اور مرکزی حکومت دونوں سے فائدہ اٹھایا جہاں انہوں نے رعایتی قیمتوں پر کاشتکاری کا سامان خریدا۔ انہوں نے مزید کہا کہ انہوں نے ڈرپ اریگیشن تکنیک میں 3 لاکھ روپے کی سبسڈی حاصل کی۔ وزیر اعظم نے کہا۔’’تمہاری عمر میں مجھے نہیں معلوم تھا کہ لاکھ روپیہ کیسا لگتا ہے اور تم لاکھوں کی بات کر رہے ہو۔ یہ ہے تبدیلی”۔

وزیر اعظم نے الپیش بھائی کی طرف سے حاصل کی گئی سبسڈی پر اطمینان کا اظہار کیا اور ان پر زور دیا کہ وہ اپنے ساتھی کسانوں کو کاشتکاری کی جدید ترین تکنیکوں اور جدید آلات کے بارے میں مشورہ دیں۔ جناب الپیش بھائی نے 2008 سے اے ٹی ایم اے (زرعی ٹیکنالوجی مینجمنٹ ایجنسی) کے پروجیکٹوں کے ساتھ اپنی وابستگی کے بارے میں بات کی جہاں انہوں نے دوسرے خطوں اور ریاستوں کی کاشتکاری کی تکنیکوں کے بارے میں علم حاصل کیا۔ انہوں نے یہ بھی بتایا کہ انہیں بھروچ میں وزیر اعظم کی موجودگی میں اے ٹی ایم اے کی طرف سے بہترین کسان کا ایوارڈ ملا ہے۔

وزیر اعظم نے پس منظر میں ان کی بیٹی کے مسکراتے چہرے کا نوٹس لیا اور اس کے ساتھ بات چیت بھی کی، اور اس سے کہا کہ وہ ’بھارت ماتا کی جئے‘ کے نعرے کی قیادت کریں۔ نتیجے کے طور پر، پورا ہجوم تعریف سے گونج اٹھا جس سے وزیر اعظم کو بے پناہ خوشی ہوئی۔

وزیر اعظم نے اس بات کا تذکرہ کرتے ہوئے اختتام کیا کہ جناب الپیش بھائی جیسے لوگ زراعت کی طرف متوجہ ہونے والے نوجوانوں کے لیے ایک تحریک ہیں۔ انہوں نے کسانوں کو جدید تکنیکوں، اختراعات اور نئی سوچ کے ساتھ کھیتوں سے بازار تک (بیج سے بازار تک) بہتر ماحول فراہم کرنے کا یقین دلایا۔ انہوں نے مزید کہا کہ “پڑھے لکھے نوجوانوں کا کاشتکاری میں داخلہ اس قرارداد کو تقویت دیتا ہے۔” وزیر اعظم نے کسانوں کو زراعت میں ڈرون کے استعمال کی طرف توجہ دینے کی بھی ترغیب دی۔ جناب مودی نے کسانوں پر بھی زور دیا کہ وہ اگلے 5 دیہاتوں میں ’مودی کی گارنٹی‘ گاڑی کے شاندار استقبال کی تیاری کریں۔

***

ش ح۔   ش ت۔ج

Uno-3020