اصل مواد کو دیکھیں
Search
فہرست
ہوم

پی ایم انڈیاپی ایم انڈیا

مزید دیکھیں

متن خودکار طور پر پی آئی بی سے حاصل ہوا ہے

وزیر اعظم  نےگیانا کی پارلیمنٹ سے خطاب کیا

وزیر اعظم  نےگیانا کی پارلیمنٹ سے خطاب کیا


وزیر اعظم جناب نریندر مودی نے آج گیانا کی پارلیمنٹ کی قومی اسمبلی سے خطاب کیا۔ وہ ایسا کرنے والے پہلے ہندوستانی وزیر اعظم ہیں۔خطاب کیلئے  پارلیمنٹ کا خصوصی اجلاس عزت مآب اسپیکر جناب منظور نادر نے طلب کیا تھا۔

اپنے خطاب میں وزیر اعظم نے ہندوستان اور گیانا کے درمیان دیرینہ تاریخی تعلقات کو یاد کیا۔ انہوں نے ملک کے اعلیٰ ترین اعزاز سے نوازے جانے پر گیانا کے عوام کا شکریہ ادا کیا۔ انہوں نے کہا کہ ہندوستان اور گیانا کے درمیان جغرافیائی فاصلے کے باوجود مشترکہ وراثت اور جمہوریت کی وجہ سے دونوں ممالک ایک دوسرے کے قریب ہیں۔ دونوں ممالک کے مشترکہ جمہوری اخلاقیات اور مشترکہ انسانی بنیادوں پر مبنی نقطہ نظر کو اجاگر کرتے ہوئے، انہوں نے ذکر کیا کہ ان اقدار نے انہیں ایک جامع راستے پر آگے بڑھنے میں مدد فراہم کی۔

وزیر اعظم نے کہا کہ ہندوستان کا  انسانیت مقدم‘‘ہیومینٹی فرسٹ’’ کا منتر بشمول برازیل میں حالیہ جی ٹوئنٹی سربراہی اجلاس اسے گلوبل ساؤتھ کی آواز کو وسعت دینے کی ترغیب دیتا ہے،۔ انہوں نے مزید کہا کہ ہندوستان، وِشوبندھوکے طور پر انسانیت کی خدمت کرنا چاہتا ہے، اور اس بنیادی سوچ نے عالمی برادری کے تئیں اس کے نقطہ نظر کو تشکیل دیا ہے،  جہاں وہ چھوٹے اور بڑے تمام ملکوں کو یکساں اہمیت دیتا ہے چاہے۔

وزیر اعظم نے عالمی ترقی اور خوشحالی لانے کے لیے خواتین کی زیر قیادت ترقی کو ترجیح دینے پر زور دیا۔ انہوں نے دونوں ممالک کے درمیان تعلیم اور اختراع کے شعبے میں زیادہ سے زیادہ تبادلوں پر زور دیا تاکہ نوجوانوں کی صلاحیتوں کو مکمل طور پر بروئے کار لایا جا سکے۔ کیریبین خطے کے لیے ہندوستان کی مسلسل حمایت کا اظہار کرتے ہوئے، انھوں نے دوسری انڈیا-کیریکوم چوٹی کانفرنس کی میزبانی کے لیے صدر علی کا شکریہ ادا کیا۔ ہندوستان-گیانا کے تاریخی تعلقات کو مزید مضبوط بنانے کے لئے ہندوستان کی گہری وابستگی پر زور دیتے ہوئے، انہوں نے کہا کہ گیانا ہندوستان اور لاطینی امریکی براعظم کے درمیان مواقع کا پل بن سکتا ہے۔ انہوں نے اپنے خطاب کا اختتام گیانا کے عظیم فرزند جناب  چھیدی جگن کا حوالہ دیتے ہوئے کیا ، جنہوں نے کہا تھا کہ ‘‘ہمیں ماضی سے سبق سیکھنا ہوگا اور اپنے حال کو بہتر بنانا ہوگا اور مستقبل کے لیے ایک مضبوط بنیاد تیار کرنی ہوگی’’۔  انہوں نے گیانا کے اراکین پارلیمنٹ کو ہندوستان آنے کی  دعوت دی۔

وزیر اعظم کا مکمل خطاب یہاں دیکھا جا سکتا ہے۔

***

ش ح۔ ک ا۔ ع ن

U NO 2788