پی ایم انڈیا

وزیر اعظم جناب نریندر مودی 15 نومبر کو،ایس اے آئی اندرا گاندھی اسپورٹس کمپلیکس، نئی دہلی میں، شام تقریباً 6:30 بجے، پہلے بوڈولینڈ مہوتسو کا افتتاح کریں گے۔ اس موقع پر وہ اجتماع سے خطاب بھی کریں گے۔

دو روزہ مہوتسو کا انعقاد 15 اور 16 نومبر کو کیا جا رہا ہے۔ یہ امن کو برقرار رکھنے اور ایک متحرک بوڈو سوسائٹی کی تعمیر کے لیے زبان، ادب اور ثقافت پر ایک میگا ایونٹ ہے۔ اس کا مقصد نہ صرف بوڈولینڈ بلکہ آسام، مغربی بنگال، نیپال کے دیگر حصوں اور شمال مشرق کے دیگر بین الاقوامی سرحدی علاقوں میں رہنے والے مقامی بوڈو لوگوں کو مربوط کرنا ہے۔ مہوتسو کا تھیم ہے ‘خوشحال بھارت کے لیے امن اور ہم آہنگی’ جس میں بوڈو لینڈ ٹیریٹوریل ریجن(بی ٹی آر) کی دیگر کمیونٹیز کے ساتھ ساتھ بوڈو کمیونٹی کی بھرپور ثقافت، زبان اور تعلیم پر توجہ مرکوز کی گئی ہے۔ اس کا مقصد ثقافتی اور لسانی ورثے، ماحولیاتی حیاتیاتی تنوع اور بوڈولینڈ کی سیاحتی صلاحیتوں سے فائدہ اٹھانا ہے۔

اہم بات یہ ہے کہ مہوتسو وزیر اعظم جناب نریندر مودی کی متحرک قیادت میں 2020 میں بوڈو امن معاہدے پر دستخط کے بعد سے بحالی اور لچک کے قابل ذکر سفر کا جشن منانے کے بارے میں بھی ہے۔ اس امن معاہدے نے نہ صرف بوڈولینڈ میں کئی دہائیوں کے تنازعات، تشدد اور جانوں کے ضیاع کو حل کیا بلکہ دیگر پرامن بستیوں کے لیے بھی ایک محرک کے طور پر کام کیا۔

‘‘بھارتی بوڈو ثقافت، روایت اور ادب کا ہندوستانی ورثہ اور روایات میں تعاون’’ کے موضوع پر سیشن مہوتسو کی خاص بات ہوگی اور اس میں بوڈو ثقافت، روایات، زبان اور ادب کی وسیع اقسام پر غور و خوض کیا جائے گا۔ ‘‘قومی تعلیمی پالیسی 2020 کے ذریعہ مادری زبان کے ذریعہ تعلیم کے چیلنجز اور مواقع’’ پر ایک اور سیشن بھی منعقد کیا جائے گا۔ بوڈولینڈ خطے کی سیاحت اور ثقافت کو فروغ دینے کے مقصد کے ساتھ ‘‘مقامی ثقافتی میٹنگ اور ثقافت اور سیاحت کے ذریعہ ’وائبرنٹ بوڈولینڈ’ خطہ کی تعمیر پر بحث’’ پر موضوعی بحث بھی منعقد کی جائے گی۔

اس اجتماع میں بوڈولینڈ کے علاقے، آسام، مغربی بنگال، تریپورہ، ناگالینڈ، میگھالیہ، اروناچل پردیش، ہندوستان کے دیگر حصوں اورمنجملہ دیگر کے پڑوسی ریاستوں نیپال اور بھوٹان سے بھی تقریباً پانچ ہزار ثقافتی، لسانی اور فن کے شائقین شرکت کریں گے۔

********

ش ح۔ ا ک ۔ف ر

 (U: 2461)