پی ایم انڈیا

وزیر اعظم جناب نریندر مودی نے آج ویڈیو پیغام کے ذریعے گجرات کے بھرواڑ سماج سے متعلق باولیالی دھام کے پروگرام کے دوران اپنے خیالات کا اظہار کیا ۔ اجتماع سے خطاب کرتے ہوئے جناب مودی نے مہنت شری رام باپو جی ، برادری کے قائدین اور وہاں موجود ہزاروں عقیدت مندوں کو دلی مبارکباد پیش کی ۔ انہوں نے بھرواڑ برادری کی روایات اور ان قابل احترام سنتوں اور مہنتوں کو خراج عقیدت پیش کرتے ہوئے شروعات کی جنہوں نے ان روایات کو برقرار رکھنے کے لیے اپنی زندگیاں وقف کر دی ہیں ۔ تاریخی مہاکمبھ سے وابستہ بے پناہ خوشی اور فخر کو اجاگر کرتے ہوئے ، جناب مودی نے اس پوتر تقریب کے دوران مہنت شری رام باپو جی کو مہامنڈیلیشور کا خطاب دیے جانے کے اہم موقع پر تبصرہ کرتے ہوئے اسے ایک یادگار کامیابی اور سب کے لیے بڑی خوشی کا ذریعہ قرار دیا ۔ انہوں نے مہنت شری رام باپو جی اور برادری کے اہل خانہ کو ان کے تعاون اور کامیابیوں کا جشن مناتے ہوئے اپنی نیک خواہشات کا اظہار کیا ۔

جناب مودی نے کہا کہ پچھلے ایک ہفتے کے دوران بھاؤ نگر کی زمین بھگوان کرشن کے ورنداون میں تبدیل ہوتی دکھائی دیتی ہے ، جس میں برادری کی طرف سے منعقد بھگوت کتھا کو اجاگر کیا گیا ہے ، جس میں ماحول کو عقیدت سےپُر بتایا گیا ہے ، جہاں لوگ کرشن بھگتی میں ڈوب جاتے ہیں ۔ انہوں نے مزید کہا کہ باولیالی محض ایک مذہبی مقام نہیں ہے بلکہ بھرواڑ برادری اور بہت سے دوسرے لوگوں کے لیے عقیدے ، ثقافت اور اتحاد کی علامت ہے ۔

وزیر اعظم نے زور دے کر کہا کہ ناگا لاکھا ٹھاکر کے آشیرواد سے باولیالی کے پوتر مقام نے ہمیشہ بھرواڑ برادری کو حقیقی سمت اور بے حد تحریک فراہم کی ہے ۔ انہوں نے شری ناگا لاکھا ٹھاکر مندر کی دوبارہ استھاپنا کے سنہری موقع پر روشنی ڈالتے ہوئے اسے ایک اہم موقع قرار دیا ۔ انہوں نے کمیونٹی کے جوش و خروش اور توانائی کی تعریف کرتے ہوئے گزشتہ ہفتے کے دوران متحرک تقریبات کا ذکر کیا ۔ انہوں نے ہزاروں خواتین کی طرف سے پیش کردہ راس پر مزید تبصرہ کرتے ہوئے اسے ورنداون کی زندہ  مثال اور عقیدے ، ثقافت اور روایت کا ہم آہنگ امتزاج قرار دیتے ہوئے اسے بے پناہ خوشی اور اطمینان کا ذریعہ قرار دیا ۔ انہوں نے پروگراموں میں حصہ لینے والے فنکاروں کے تعاون ، تقریبات کوپُر جوش بنانے اور معاشرے کو بروقت پیغامات فراہم کرنے پر روشنی ڈالی ۔ وزیر اعظم نے اس اعتماد کا اظہار کیا کہ برادری کو بھگوت کتھا کے ذریعے قیمتی پیغامات ملتے رہیں گے ۔ انہوں نے اس میں شامل تمام افراد کی دلی تعریف کرتے ہوئے کہا کہ ان کی کوششیں لامتناہی تعریف کی مستحق ہیں ۔

مہنت شری رام باپو جی اور باولیالی دھام تقریب کے منتظمین کا شکریہ ادا کرتے ہوئے کہ انہوں نے انہیں اس مبارک موقع پر شرکت کی دعوت دی ، وزیر اعظم نے پارلیمانی تقاضوں کی وجہ سے ذاتی طور پر شرکت کرنے سے قاصر ہونے کا اظہار کیا ۔ انہوں نے یقین دلایا کہ وہ مستقبل میں ان کے تئیں  اپنی عقیدت  کا اظہار کرنے کے لیے آئیں  گے۔

وزیر اعظم نریندر مودی نے بھرواڑبرادری اور باولیالی دھام کے ساتھ اپنے دیرینہ تعلق پر روشنی ڈالتے ہوئے کمیونٹی کی خدمت کے لیے لگن ، فطرت کے لیے ان کی محبت اور گائے کے تحفظ کے لیے ان کے عزم کی تعریف کرتے ہوئے ان اقدار کو الفاظ سے بالاتر قرار دیا ۔ انہوں نے مشترکہ جذبات پر تبصرہ کیا جو کمیونٹی میں گہرائی سے  پنہاں ہیں ۔

ناگا لاکھا ٹھاکر کی بیش بہا میراث کو اجاگر کرتے ہوئے جناب مودی نے ان کے تعاون کو خدمت اور تحریک کی  ایک کرن قرار دیا ۔ انہوں نے ٹھاکر کی کوششوں کے گہرے اثرات پر روشنی ڈالی ، جنہیں صدیوں کے بعد بھی یاد کیا جاتا ہے اور منایا جاتا ہے ۔ انہوں نے گجرات میں مشکل وقت کے دوران ، خاص طور پر شدید خشک سالی کے دوران پوجیہ اسو باپو کی قابل ذکر خدمات کے بارے میں بتایا جن کاوزیراعظم بذات خود مشاہدہ کیا تھا۔انہوں نے دھنڈھوکا اور رام پور جیسے علاقوں کو درپیش بے پناہ مشکلات کا ذکر کیا ، جہاں پانی کی قلت ایک مستقل مسئلہ تھی ۔ انہوں نے پجیہ اسو باپو کی غریبوں کے لیے بے لوث خدمت کی تعریف کرتے ہوئے اسے پورے گجرات میں تسلیم شدہ اور قابل احترام ایک روحانی عمل قرار دیا ۔ وزیر اعظم نے بے گھر برادریوں کی فلاح و بہبود ، ان کے بچوں کی تعلیم ، ماحولیاتی تحفظ اور گر کی گائیوں کے تحفظ کے لیے اسو باپو کی لگن کو مزید اجاگر کیا ۔ انہوں نے کہا کہ اسوباپو کے کام کا ہر پہلو خدمت اور ہمدردی کی گہری روایت کی عکاسی کرتا ہے ۔

بھرواڑ برادری کی محنت اور قربانی کے لیے ان کے عزم مصمم کی تعریف کرتے ہوئے ، ان کی مسلسل ترقی اور لچک پر زور دیتے ہوئے ، وزیر اعظم نے برادری کے ساتھ اپنی ماضی کی بات چیت کو یاد کیا ، جہاں انہوں نے انہیں تعلیم کی اہمیت کی علامت کے طور پر لاٹھیوں سے قلم کو گلے لگانے کی طرف منتقلی کی ترغیب دی ۔ انہوں نے اس وژن کو اپنانے کے لیے بھرواڑ برادری کی نئی نسل پر فخر کا اظہار کیا ، جس میں بچے تعلیم کے ذریعے آگے بڑھ رہے ہیں ۔ جناب مودی نے مزید ترقی کی ضرورت پر روشنی ڈالتے ہوئے کہا کہ اب کمیونٹی کی بیٹیوں کو بھی کمپیوٹر اپنے ہاتھوں میں رکھنا چاہیے ۔ انہوں نے ’’اتیتھی دیوؤ بھوا‘‘ روایت کے جذبے کی تعریف کرتے ہوئے فطرت اور ثقافت کے محافظوں کے طور پر کمیونٹی کے کردار پر زور دیا ۔ انہوں نے بھرواڑ برادری کی منفرد اقدار کا ذکر کیا ، جہاں مشترکہ خاندانوں میں بزرگوں کی دیکھ بھال کی جاتی ہے ، جو پرماتما کی خدمت کرنے کے جذبے کی عکاسی کرتا ہے ۔ جدیدیت کو اپناتے ہوئے روایات کے تحفظ میں کمیونٹی کی کوششوں کو تسلیم کرتے ہوئے ، جناب مودی نے بے گھر خاندانوں کے بچوں کے لیے ہاسٹل کی سہولیات فراہم کرنے اور کمیونٹی کو عالمی سطح پر نئے مواقع سے جوڑنے جیسے اقدامات کی تعریف کی ۔ انہوں نے کمیونٹی کی لڑکیوں کے کھیلوں میں مہارت حاصل کرنے کی خواہش کا اظہار کیا اور گجرات کے کھیل مہاکمبھ کے دوران ان کی صلاحیتوں کو اجاگر کیا ۔ انہوں نے مویشی پروری کے لیے کمیونٹی کی لگن ، خاص طور پر گر گائے کی نسل کے تحفظ میں ان کی کوششوں پر بھی زور دیا ، جو ملک کے لیےباعث فخر ہے ۔ انہوں نے گر گائیوں کی عالمی شناخت پر تبصرہ کیا اور کمیونٹی پر زور دیا کہ وہ اپنے بچوں کی بھی اتنی ہی دیکھ بھال کریں جتنی وہ اپنے مویشیوں کی کرتے ہیں ۔

بھرواڑ برادری کے ساتھ اپنے گہرے تعلق پر زور دیتے ہوئے ، انہیں اپنے خاندان اور شراکت دار قرار دیتے ہوئے ، جناب مودی نے باولیالی دھام میں ہونے والے اجتماع پر تبصرہ کرتے ہوئے اس یقین کا اظہار کیا کہ یہ برادری اگلے 25 سالوں میں وکست بھارت کے لیے ان کے وژن میں مدد کر ے گی۔ انہوں نے ’’سب کا پریاس‘‘ کے ملک کی سب سے بڑی طاقت ہونے کے بارے میں لال قلعہ سے اپنے بیان کا اعادہ کرتے ہوئے اجتماعی کوششوں کی اہمیت پر روشنی ڈالی ۔ وزیر اعظم نے وکست بھارت کی تعمیر کی طرف پہلے قدم کے طور پر دیہاتوں کی ترقی کی ضرورت پر زور دیا ۔ انہوں نے کھر اور منہ کی بیماری سے نمٹنے کے لیے مویشیوں کے لیے حکومت کے مفت ٹیکہ کاری پروگرام پر روشنی ڈالی اور کمیونٹی پر زور دیا کہ وہ اپنے مویشیوں کے لیے باقاعدہ  ٹیکہ کاری کو یقینی بنائیں ۔ انہوں نے اس پہل کو ہمدردی کا ایک عمل اور بھگوان کا آشرواد حاصل کرنے کا ایک طریقہ قرار دیا ۔ وزیراعظم نریندرمودی نے مویشی پالنے والوں کے لیے کسان کریڈیٹ کارڈ متعارف کرانے کا بھی ذکر کیا ، جس سے وہ اپنے کاروبار کو بڑھانے کے لیے کم سود پر قرض حاصل کر سکیں گے ۔ انہوں نے مقامی مویشیوں کی نسلوں کے تحفظ کی اہمیت پر زور دیا اور نیشنل گوکل مشن کو ان کے تحفظ اور ترقی کے لیے ایک اہم پہل کے طور پر اجاگر کیا ۔ انہوں نے کمیونٹی پر زور دیا کہ وہ ان پروگراموں سے مکمل فائدہ اٹھائیں ۔ وزیر اعظم نے شجرکاری کی اہمیت کا اعادہ کرتے ہوئے کمیونٹی کو اپنی ماؤں کے اعزاز میں درخت لگانے کی ترغیب دی ۔ انہوں نے اسے مادر زمین کی صحت کو بحال کرنے کا ایک طریقہ قرار دیا ، جو ضرورت سے زیادہ استحصال اور کیمیائی استعمال کی وجہ سے متاثر ہوئی ہے ۔ انہوں نے قدرتی کاشتکاری کی اہمیت پر زور دیا اور کمیونٹی پر زور دیا کہ وہ زمین کی بحالی کے لیے اس عمل کو اپنائیں ۔ جناب مودی نے بھرواڑ برادری کی خدمت کے تئیں لگن کی تعریف کرتے ہوئے مٹی کو ذرخیزبنانے کے لیے ایک وسیلہ کے طور پر مویشیوں کے گوبر کی صلاحیت کو اجاگر کیا ۔ انہوں نے قدرتی کاشتکاری کو فروغ دینے میں گجرات کے گورنر جناب آچاریہ دیوورت کی کوششوں کی تعریف کی اور کمیونٹی سے اس مقصد میں تعاون کرنے کی اپیل کی ۔

وزیر اعظم نے بھرواڑ برادری کے لیے دلی نیک خواہشات کا اظہار کیا اور سب پر ناگا لاکھا ٹھاکر کے مسلسل آشیرواد کے لیے دعا کی ۔ انہوں نے باولیالی دھام سے وابستہ تمام افراد کی فلاح و بہبود اور ترقی کی امید کا اظہار کیا ۔ جناب مودی نے تعلیم کی اہمیت پر زور دیتے ہوئے کمیونٹی کے بچوں ، خاص طور پر بیٹیوں پر زور دیا کہ وہ تعلیمی طور پر بہترین کارکردگی کا مظاہرہ کریں اور ایک مضبوط معاشرے کی تعمیر میں اشتراک کریں۔ انہوں نے کہا کہ جدیدیت اور طاقت کے ذریعے کمیونٹی کو بااختیار بنانا ہی آگے بڑھنے کا راستہ ہے ۔ انہوں نے اس مبارک موقع کا حصہ بننے پر خوشی اور شکر گزاری کا اظہار کرتے ہوئے یہ تسلیم کرتے ہوئے اپنی بات ختم کی کہ ذاتی طور پر ان کی موجودگی انہیں اور بھی زیادہ خوشی دیتی ۔

Sharing my remarks during a programme of Bavaliyali Dham in Gujarat. https://t.co/JIsIUkNtGS

— Narendra Modi (@narendramodi) March 20, 2025

ટેકનોલોજીની મદદથી આજે, હું ઠાકરધામ બાવળીયાળી ખાતે ઉપસ્થિત વિશાળ જનસમુદાય સાથે સંવાદ કરી શક્યો. આ સ્થળ ભરવાડ સમુદાય માટે શ્રદ્ધાનું કેન્દ્ર છે.

પુનઃ પ્રાણ પ્રતિષ્ઠા મહોત્સવ અને શ્રીમદ્ ભગવદ્ જ્ઞાન ગોપ ગાથા કાર્યક્રમનું આયોજન કરવા બદલ હું સમુદાયના તમામ સભ્યોને અભિનંદન આપું છું.… pic.twitter.com/UvvMnMekID

— Narendra Modi (@narendramodi) March 20, 2025

*******

UR-8631

(ش  ح۔  ا ع خ۔ اش  ق)