پی ایم انڈیا

وزیر اعظم جناب نریندر مودی نے یوروپین کونسل کے صدر عالی جناب چارلس مائیکل کے ساتھ فون پر گفتگو کی۔

دونوں رہنماﺅں نے ہندوستان اور یوروپی یونین میں کووڈ-19 جیسی عالمی وبا کی صورتحال اور اس سے نمٹنے کے بارے میں تبادلہ خیال کیا۔ دونوں رہنماﺅں نے لازمی دواﺅں کی سپلائی کو یقینی بنانے سمیت عالمی وبا کے تناظر میں جاری آپسی تعاون کی ستائش کی۔

وزیر اعظم جناب مودی اور یوروپی کونسل کے صدر جناب چارلس مائیکل نے کووڈ-19 کے صحت اور اقتصادی اثرات سے موثر ڈھنگ سے نمٹنے کے لیے علاقائی اور عالمی تال میل کی اہمیت کو تسلیم کیا۔

دونوں رہنماﺅں نے ہندوستان، یوروپی یونین کے درمیان کلیدی شراکت داری کو مستحکم کرنے کے لیے اپنے عزم کو دہرایا۔ دونوں نے اِس بات سے بھی اتفاق کیاکہ ان کے افسران ہندوستان اور یوروپی یونین کے درمیان اگلی سربراہ میٹنگ کے لیے ایک کارگر ایجنڈا تیار کرنے کے لیے مل کر کام کریں گے۔ انہوں نے کووڈ-19 کے بعد کی صورتحال کے ساتھ ساتھ اِس بحران کے سلسلے میں ایک دوسرے سے رابطہ بنائے رکھنے پر اتفاق کیا۔

م ن، ح ا، ع ر

U-2356