پی ایم انڈیا

ڈاکٹر  امبیڈکر نیشنل میموریل کا افتتاح کریں گے

نئی دہلی،12 ؍اپریل؍ڈاکٹر بابا صاحب امبیڈکر  کے یوم پیدائش کے موقع پر وزیراعظم نریندر مودی  13؍اپریل کو دہلی میں واقع 26 علی پورروڈ پر ڈاکٹر امبیڈکر نیشنل میموریل کا افتتاح کریں گے۔ یہ وہی مقام ہے، جہاں ڈاکٹر امبیڈکر نے 6؍دسمبر 1956 کو مہا پَری نِروان حاصل کیا تھا۔

26 علی پور روڈ پر واقع ڈاکٹر امبیڈکر مہا پَری نِروان استھل کو دسمبر 2003 میں اُس وقت کے  وزیراعظم جناب اٹل بہاری واجپئی کے ذریعے ملک و قوم کے نام  وقف کیا گیا تھا۔ وزیراعظم نریندر مودی نے 21؍مارچ 2016 کو اِس میموریل  کی تعمیر کے لئے سنگ بنیاد رکھا تھا۔ آئین ہند کے معمار بابا صاحب امبیڈکر کے اِس میموریل کو کتاب کی شکل میں  تعمیر کیاگیا ہے۔

 اس میموریل میں واقع  میوزیم  کا مقصد  غیر حرکت پذیر میڈیا، ڈائنامک میڈیا، صوتی – بصری مواد اور ملٹی میڈیا ٹیکنالوجیوں کے ذریعے ڈاکٹرامبیڈکر کی زندگی کے  وسیع تجربات اور ہندوستان کیلئے ان کے گراں قدر خدمات   کو پیش کرناہے۔ اس میموریل میں ایک میڈیٹیشن ہال بھی بنایا گیا ہے۔ علاوہ ازیں تورن دوار، ایک بودھی درخت ، ایک میوزیکل فاؤنٹین اور مجسم روشنی ا س میموریل کی دیگراہم خصوصیات ہیں۔

U- 2071