پی ایم انڈیا

وزیراعظم جناب نریندر مودی نے آئندہ گرم لہر کے سیزن کے لئے تیاریوں کا جائزہ لینے کی خاطر ایک میٹنگ کی صدارت کی۔

وزیراعظم کو اپریل سے جون 2024 کے دورانیے کے درجہ حرارت کے آؤٹ لک کے بارے میں جانکاری فراہم کی گئی  جس میں آنے والے موسم گرماکے سیزن (اپریل تا جون) کی پیشن گوئی بھی شامل ہے، ملک کے بیشتر حصوں میں خاص طور پر زیادہ امکان کے ساتھ۔ وسطی ہندوستان اور مغربی جزیرہ نما ہندوستان پرزیادہ سے زیادہ درجہ حرارت معمول سے زیادہ رہنے کا امکان ہے،

صحت کے شعبے میں ضروری ادویات، نس میں مائعات، آئس پیک، او آر ایس اور پینے کے پانی کے حوالے سے تیاریوں کا جائزہ لیا گیا۔

ٹیلی ویژن، ریڈیو اور سوشل میڈیا جیسے تمام پلیٹ فارمز کے ذریعے خاص طور پر علاقائی زبانوں میں ضروری آئی ای سی/آگاہی مواد کی بروقت ترسیل پر زور دیا گیا۔ چونکہ 2024 میں عام موسم گرما  میں  زیادہ گرمی کی توقع ہے، جو کہ عام انتخابات کے ساتھ موافق ہے، اس لیے یہ محسوس کیا گیا کہ ایم او ایچ ایف ڈبلیو اور این ڈی ایم اے کی طرف سے جاری کردہ ایڈوائزریز کا علاقائی زبانوں میں ترجمہ کیا جائے اور وسیع پیمانے پر پھیلایا جائے۔

وزیر اعظم نے پورے حکومتی نقطہ نظر پر زور دیا۔ انہوں نے کہا کہ مرکزی، ریاستی اور ضلعی سطحوں پر حکومت کے تمام بازو اور مختلف وزارتوں کو اس پر ہم آہنگی کے ساتھ کام کرنے کی ضرورت ہے۔ وزیراعظم نے  اسپتالوں میں مناسب تیاری کے ساتھ بیداری پیدا کرنے پر بھی زور دیا۔ انہوں نے جنگل میں لگی آگ کا فوری پتہ لگانے اور بجھانے کی ضرورت پر بھی روشنی ڈالی۔

وزیر اعظم کے پرنسپل سکریٹری، ہوم سکریٹری، ہندوستانی محکمہ موسمیات(آئی ایم ڈی) اور نیشنل ڈیزاسٹر مینجمنٹ اتھارٹی کے حکام نے میٹنگ میں شرکت کی۔

*************

( ش ح ۔ح ا۔ رض (

U. No.6518