پی ایم انڈیا

وزیر اعظم جناب نریندر مودی نے آج نئی دہلی کے وگیان بھون میں نیشنل لاجسٹک پالیسی (این ایل پی) کا آغاز کیا۔

اس موقع پر اپنے خطاب میں وزیر اعظم نے نیشنل لاجسٹک پالیسی کے آغاز کو ہندوستان کے ایک ترقی یافتہ ملک ہونے کے ‘عہد’ کو پورا کرنے کے رُخ پر ایک اہم قدم قرار دیا۔

وزیراعظم نے کہا کہ”حتمی منزل تک فوری ڈیلیوری کو یقینی بنانے، نقل و حمل سے متعلق رکاوٹوں کو ختم کرنے، اشیاء سازوں کے وقت اور پیسے کی بچت، زرعی پیداواری ضیاع کو روکنے کیلئے ٹھوس کوششیں کی گئی ہیں اور آج کی نیشنل لاجسٹک پالیسی ان کوششوں کا ایک مظہر ہے”۔ نتیجتاً تال میل میں بہتری اس شعبے کو مطلوبہ رفتار عطا کرے گی۔

وزیر اعظم نے محسوس کیا کہ ہندوستان میں جو دنیا کی5ویں سب سے بڑی معیشت بن چکا ہے بہت کچھ تیزی سے بدل رہا ہے۔ آج صبح چیتوں کو ریلیز کرنے کا ذکر کرتے ہوئے وزیر اعظم نے کہا کہ ہم سب چاہتے ہیں کہ سامان چیتا کی طرح تیزی سے پہنچیں۔

وزیر اعظم نے کہا کہ ہر جگہ  ’’میک ان انڈیا اور ہندوستان کے خود انحصار بننے کی بازگشت ہے۔ ہندوستان برآمدات کے بڑے نشانے مقرر کر رہا ہے اور انہیں پار بھی کر رہا ہے۔ یہ تصور دنیا کے ذہنوں میں مستحکم کر رہا ہے کہ ہندوستان اشیاء  سازی مرکز کے طور پر ابھر رہا ۔ اگر ہم پی ایل آئی اسکیم کا مطالعہ کریں تو ہمیں پتہ چلے گا کہ دنیا نے اسے قبول کر لیا ہے‘‘۔

وزیراعظم نے کہا کہ ایسی صورت میں نیشنل لاجسٹک پالیسی تمام شعبوں کو نئی​​توانائی بخشے گی۔ انہوں نے کہا کہ پالیسی تو ایک آغاز ہے۔  پالیسی کے ساتھ  کارکردگی ترقی کے مساوی ہے۔ انہوں نے وضاحت کی کہ جب کارکردگی کے پیمانے، روڈ میپ اور ٹائم لائن اکٹھے ہو جاتے ہیں تو پالیسی کے ساتھ  کارکردگی ترقی کے مساوی ہو جاتی ہے۔

“آج کا ہندوستان کوئی بھی پالیسی سامنے لانے سے پہلے میدانِ عمل تیار کرتا ہے۔ اس کے بعد ہی پالیسی کو کامیابی سے نافذ کیا جاسکتا ہے۔  انہوں نے کہا کہ نیشنل لاجسٹک پالیسی ایکدم سے سامنے نہیں آئی۔ اس کے پیچھے 8 سال کی محنت ہے۔ پالیسی میں تبدیلیاں ہوتی ہیں، بڑے فیصلے ہوتے ہیں اور اگر میں اپنے بارے میں بات کروں تو اس کے پیچھے میرا 22 سال کا حکمرانی کا تجربہ ہے”۔

وزیر اعظم نے اس بات کا اعادہ کیا کہ ساگر مالا، بھارت مالا جیسی اسکیموں نے منظم بنیادی ڈھانچے کی ترقی کی خاطر لاجسٹک کنیکٹوٹی کو بہتر بنانے کے لئے وقف مال برداری کی راہ گزاریاں تیار کرنےکے کام کو تیز کیا ہے۔ جناب مودی نے نشاندہی کی کہ ہندوستانی بندرگاہوں کی کل صلاحیت میں نمایاں اضافہ ہوا ہے اور کنٹینر جہازوں کے کام پورا کرنے کا وقت 44 گھنٹے سے گھٹ کر 26 گھنٹے رہ گیا ہے۔ برآمدات کو فروغ دینے کے لئے 40 ایئر کارگو ٹرمینلز تعمیر کئے گئے ہیں۔ 30 ہوائی اڈوں کو کولڈ اسٹوریج کی سہولیات فراہم کی گئی ہیں۔ ملک میں35 ملٹی موڈل مرکز بن رہے ہیں۔

وزیر اعظم نے مزید کہا کہ “آبی راستوں کے ذریعے ہم ماحول دوست اور ارزاں نقل و حمل کر سکتے ہیں۔ اس کے لئے ملک میں بہت سے نئے آبی راستے بھی بنائے جا رہے ہیں”۔ انہوں نے کورونا کے دوران کسان ریل اور کسان اڑان کے تجربات کا بھی ذکر کیا۔آج 60 ہوائی اڈوں پر کرشی اڑان کی سہولت موجود ہے۔

لاجسٹک سیکٹر کو مضبوط بنانے کے لئے ٹیکنالوجی کو اپنانے کی ضرورت پر زور دیتے ہوئے وزیر اعظم نے کہا کہ حکومت نے ای-سنچٹ کے ذریعے پیپر لیس ایگزم ٹریڈ پروسیس، کسٹم کے لئے فیس لیس اسیسمنٹ، ای وے بلز کے لئے انتظامات، فاسٹ ٹیگ وغیرہ جیسے اقدامات کے لئے کام کئے ہیں جن سے لاجسٹک سیکٹر کی کارکردگی میں بہت بہتری آئی ہے۔ انہوں نے لاجسٹک سیکٹر کے معاملات احسن طور پر انجام دینے کیلئے  جی ایس ٹی جیسے مربوط ٹیکس نظام کی اہمیت پر بھی زور دیا۔ ڈرون پالیسی میں تبدیلی اور اسے پی ایل آئی اسکیم سے جوڑنے کا عمل لاجسٹک سیکٹر میں ڈرون کے استعمال کو فروغ دے رہا ہے۔ انہوں نے وضاحت کی کہ ’’اتنا کچھ کرنے کے بعد ہی ہم ایک قومی لاجسٹک پالیسی کے ساتھ  سامنےآئے ہیں” لاجسٹکس پر 13 تا 14 فیصد لاگت کو جلد از جلد اسے یک عددی بنانا ہم سب کا مقصد ہونا چاہیے۔ وزیر اعظم نے زور دے کر کہا کہ اگر ہمیں عالمی سطح پر مقابلے کا اہل بننا ہے تو یہ ایک طرح سے نسبتاً آسان کام تھے جو کئے گئے ہیں۔

وزیر اعظم نے کہا کہ یونیفائیڈ لاجسٹکس انٹرفیس پلیٹ فارم یو ایل آئی پی ٹرانسپورٹ کے شعبے سے متعلق تمام ڈیجیٹل خدمات کو ایک پورٹل پر لائے گا تاکہ برآمد کنندگان کو بہت طویل اور بوجھل عمل سے آزادی ملے۔ اسی طرح پالیسی کے تحت ایک نیا ڈیجیٹل پلیٹ فارم ایز آف لاجسٹکس سروس -ای -لاگس بھی شروع کیا گیا ہے۔ انہوں نے کہا کہ “اس پورٹل کے ذریعے، صنعتی انجمنیں ایسے کسی بھی معاملے کو براہ راست اٹھا سکتی ہیں جو سرکاری اداروں کے ساتھ ان کے کام اور کارکردگی میں دشواری کا باعث بن رہے ہیں۔ اس طرح کے معاملات جلد حل کرنے کے لئے ایک مکمل نظام بھی قائم کیا گیا ہے”۔

جناب مودی نے توجہ دلاتے ہوئے کہا کہ پی ایم گتی شکتی نیشنل ماسٹر پلان قومی لاجسٹک پالیسی کی بھرپور حمایت کرے گا۔ وزیر اعظم نے ریاستوں اور مرکز کے زیر انتظام علاقوں کے تعاون اور تقریباً تمام محکموں کے مل کر کام کرنا شروع کرنے پر بھی خوشی کا اظہار کیا۔ وزیر اعظم نے بتایا کہ “ریاستی حکومتوں کے مختلف بنیادی ڈھانچے کے منصوبوں سے متعلق معلومات کا ایک بہت بڑا ڈیٹا تیار کیا گیا ہے۔ آج، مرکزی اور ریاستی حکومتوں کے اعداد و شمار تقریباً 1500 پرتوں میں پی ایم گتی شکتی پورٹل پر آ رہے ہیں۔ انہوں نے مزید کہا کہ “گتی شکتی اور نیشنل لاجسٹک پالیسی مل کر اب ملک کو ایک نئے ورک کلچر کی طرف لے جا رہے ہیں۔ حال ہی میں منظور شدہ گتی شکتی یونیورسٹی سے جو ذہانت سامنے آئے گی وہ بھی اس کی بہت مدد کرے گی۔

وزیر اعظم نے کہا کہ آج دنیا ہندوستان کو ایک ‘جمہوری سُپر پاور’ کے طور پر دیکھ رہی ہے۔ انہوں نے ہندوستان کے ‘غیر معمولی طور پر ذہین ماحولیاتی نظام’ پر روشنی ڈالی جس نے فیلڈ ماہرین کو متاثر کیا ہے جو ہندوستان کے ‘عزم’ اور ‘ترقی’ کی تعریف کرتے ہیں۔ وزیر اعظم نے کہا کہ آج ہندوستان کے تئیں دنیا کا رویہ بدل رہا ہے۔ آج دنیا ہندوستان کا بہت مثبت انداز میں جائزہ لے رہی ہے اور بہت سی توقعات وابستہ کر رہی ہے۔

وزیر اعظم نے کہا  کہ عالمی بحران کے درمیان ہندوستان اور ہندوستانی معیشت نے جس صلاحیت کا مظاہرہ کیا ہے اس نے دنیا کو نیا اعتماد بخشا ہے۔ وزیر اعظم نے کہا کہ ہندوستان نے گزشتہ برسوں میں جو اصلاحات کی ہیں اور جو پالیسیاں نافذ کی گئی ہیں وہ بے مثال ہیں۔ یہی وجہ ہے کہ ہم پر دنیا کا اعتماد بڑھ گیا ہے۔ انہوں نے قوم پر زور دیا کہ وہ پوری دنیا کے اعتماد پر پورا اترے۔ انہوں نے مزید کہا کہ “یہ ہماری اور ہم سب کی ذمہ داری ہے۔  آج شروع کردہ قومی لاجسٹک پالیسی اس رُخ پر ملک کی بہت مدد کرے گی”۔

وزیر اعظم نے ہندوستانیوں میں مسابقتی رویے پر زور دیا اور کہا کہ ہندوستان کو جو ترقی یافتہ بننے کے لئے پرعزم ہے، ترقی یافتہ ممالک سے زیادہ مقابلہ کرنا ہے۔ اس لیے ہر چیز مسابقتی ہونی چاہیے۔ سلسلہ کلام جاری رکھتے ہوئے انہوں نے کہا کہ خدمت کا شعبہ ہو، اشیاء سازی کا شعبہ، آٹوموبائل یا الیکٹرانکس ہمیں ہر شعبے میں بڑے نشانے مقرر کرنے ہیں اور انہیں پار کرنا ہے۔ وزیر اعظم نے ہندوستان میں بننے والی مصنوعات کی طرف دنیا کی بڑھتی ہوئی کشش کی طرف بھی اشارہ کیا اور کہا کہ خواہ وہ ہندوستان کی زرعی مصنوعات ہوں، ہندوستان کا موبائل ہو یاہندوستان کا براہموس میزائل، آج دنیا میں ان سب کا چرچا ہے۔ وزیر اعظم نے میڈ ان انڈیا کوویڈ ویکسین اور ادویات کا بھی تذکرہ کیا جنہوں نے پوری دنیا میں لاکھوں جانیں بچانے میں مدد کیں۔

وزیر اعظم نے اس بات پر زور دیا کہ ہندوستان میں تیار ہونے والی مصنوعات کو عالمی منڈی پر غلبہ حاصل کرنے کے لئے ایک مضبوط سپورٹ سسٹم کا ہونا بہت ضروری ہے۔ انہوں نے کہا کہ نیشنل لاجسٹک پالیسی اس سپورٹ سسٹم کو جدید بنانے میں ہماری بہت مدد کرے گی۔ جناب مودی نے یہ بھی بتایا کہ لاجسٹکس سے متعلق دشواریاں کم ہوئی ہیں اور جب ملک کی برآمدات بڑھ جاتی ہیں تو چھوٹی صنعتوں اور ان میں کام کرنے والے لوگوں کو سب سے زیادہ فائدہ ہوتا ہے۔ وزیر اعظم نے مزید کہا کہ لاجسٹک سیکٹر کو مضبوط بنانے سے نہ صرف عام آدمی کی زندگی آسان ہو گی بلکہ مزدوروں اور کارکنوں کے احترام میں بھی اضافہ ہو گا۔

اپنا خطاب مکمل کرتے ہوئے وزیر اعظم نے کہا کہ نیشنل لاجسٹک پالیسی میں بنیادی ڈھانچے کی ترقی، کاروبار کی توسیع اور روزگار کے مواقع بڑھانے کی بے پناہ صلاحیت ہے۔ ہمیں مل کر ان امکانات کا ادراک کرنا ہوگا۔

لاجسٹک سیکٹر کے نمائندے، جناب آر دنیش، منیجنگ ڈائریکٹر، ٹی وی ایس سپلائی چین سلوشنز؛ جناب رمیش اگروال، سی ای او، اگروال پیکرز اینڈ موورز؛ ایکسپریس بیز لاجسٹکس کے بانی اور سی ای او جناب امیتابھ ساہا نے بھی اس موقع پر اپنے خیالات کا اظہار کیا۔

تجارت اور صنعت کے مرکزی وزیر جناب پیوش گوئل، نقل و حمل اور شاہراہوں کے مرکزی وزیر جناب نتن گڈ کری، شہری ہوابازی کے مرکزی وزیر جناب جیوترادتیہ سندھیا، ریلوے کے مرکزی وزیر جناب اشونی وشنو، بندرگاہ، جہاز رانی اور آبی گزرگاہوں کے مرکزی وزیر جناب سربانند سونووال، مرکزی وزیر تعلیم جناب دھرمیندر پردھان اور تجارت اور صنعت کے مرکزی وزیر مملکت جناب سوم پرکاش  اس موقع پر موجود تھے۔

بیک گراؤنڈ

ایک قومی لاجسٹک پالیسی کی ضرورت اس لئے محسوس کی گئی کہ ہندوستان میں لاجسٹک لاگت دیگر ترقی یافتہ معیشت والے ملکوں کے مقابلے میں زیادہ ہے۔گھریلو اور برآمداتی منڈیوں میں ہندوستانی سامان کی مسابقت کو بہتر بنانے کے لئے ہندوستان میں لاجسٹک لاگت کو کم کرنا ضروری ہے۔ لاجسٹک لاگت میں کمی معیشت کے مختلف شعبوں میں کارکردگی میں کمی کو بہتر بناتی ہے اور افزونیِ قدر کے ساتھ  صنعتوں کی حوصلہ افزائی کرتی ہے۔

سال 2014سے حکومت نے کاروبار اور گزر بسر دونوں میں آسانی کو بہتر بنانے پر خاص زور دیا ہے۔ نیشنل لاجسٹک پالیسی جو ایک وسیع بین الضابطہ ترتیب دے کر، پورے لاجسٹک ماحولیاتی نظام کی ترقی کے لئے کراس سیکٹرل اور کثیر دائرہ اختیاری فریم ورک تیار کر کے زیادہ لاگت اور غیر مؤثریت کے معاملات کو حل کرنے کے رُخ پر ایک جامع کوشش ہے، اس سمت میں ایک اور قدم ہے۔ اس پالیسی کا تعلق ہندوستانی سامان کی مسابقت کو بہتر بنانے، اقتصادی ترقی کو بڑھانے اور روزگار کے مواقع بڑھانے کی کوشش سے ہے۔

یہ وزیر اعظم کا وژن رہا ہے کہ وہ تمام ذمہ داران کو جامع منصوبہ بندی اور عمل درآمد میں شامل کرکے عالمی معیار کا جدید انفراسٹرکچر تیار کریں۔ پی ایم گتی شکتی – ملٹی ماڈل کنیکٹیویٹی کے لئے قومی ماسٹر پلان – جو وزیر اعظم نے پچھلے سال شروع کیا تھا، اس سمت میں ایک اہم قدم تھا۔  قومی لاجسٹک پالیسی کے آغاز سے پی ایم گتی شکتی کو مزید فروغ اور کمال حاصل ہوگا۔

National Logistics Policy is a comprehensive effort to enhance efficiency of the logistics ecosystem in India. https://t.co/70ZlTMQILp

— Narendra Modi (@narendramodi) September 17, 2022

Make in India और आत्मनिर्भर होते भारत की गूंज हर तरफ है।

भारत export के बड़े लक्ष्य तय कर रहा है, उन्हें पूरे भी कर रहा है।

भारत manufacturing hub के रूप में उभर रहा है, वो दुनिया के मन में स्थिर हो रहा है: PM @narendramodi

— PMO India (@PMOIndia) September 17, 2022

ऐसे में National Logistics Policy सभी sectors के लिए नई ऊर्जा लेकर आई है: PM @narendramodi

— PMO India (@PMOIndia) September 17, 2022

Logistic connectivity को सुधारने के लिए, systematic Infrastructure development के लिए हमने सागरमाला, भारतमाला जैसी योजनाएं शुरू कीं, Dedicated Freight Corridors के काम में अभूतपूर्व तेजी लाए: PM @narendramodi

— PMO India (@PMOIndia) September 17, 2022

आज भारतीय Ports की Total Capacity में काफी वृद्धि हुई है और container vessels का औसत टर्न-अराउंड टाइम 44 घंटे से अब 26 घंटे पर आ गया है।

वॉटरवेज के जरिए हम Eco-Friendly और Cost Effective ट्रांसपोर्टेशन कर पाएं, इसके लिए देश में अनेकों नए वॉटरवेज भी बनाए जा रहे हैं: PM

— PMO India (@PMOIndia) September 17, 2022

सरकार ने technology की मदद से भी logistics sector को मजबूत करने का प्रयास किया है।

ई-संचित के माध्यम से paperless EXIM trade process हो,

Customs में faceless assessment हो,

e-way bills, FASTag का प्रावधान हो,

इन सभी ने logistics sector की efficiency बहुत ज्यादा बढ़ा दी है: PM

— PMO India (@PMOIndia) September 17, 2022

नेशनल लॉजिस्टिक्स पॉलिसी को सबसे ज्यादा सपोर्ट अगर किसी से मिलने वाला है, तो वो है पीएम गतिशक्ति नेशनल मास्टर प्लान।

मुझे खुशी है कि आज देश के सभी राज्य और केंद्र शासित इकाइयां इससे जुड़ चुके हैं और लगभग सभी विभाग एक साथ काम करना शुरु कर चुके हैं: PM @narendramodi

— PMO India (@PMOIndia) September 17, 2022

दुनिया के बड़े-बड़े एक्सपर्ट कह रहे हैं कि भारत आज ‘democratic superpower’ के तौर पर उभर रहा है।

एक्सपर्ट्स, भारत के ‘extraordinary talent ecosystem’ से बहुत प्रभावित हैं।

एक्सपर्ट्स, भारत की ‘determination’ और ‘progress’ की प्रशंसा कर रहे हैं: PM @narendramodi

— PMO India (@PMOIndia) September 17, 2022

भारत में बने प्रॉडक्ट्स दुनिया के बाजारों में छाएं, इसके लिए देश में Support System का मजबूत होना भी उतना ही जरूरी है।

नेशनल लॉजिस्टिक्स पॉलिसी हमें इस सपोर्ट सिस्टम को आधुनिक बनाने में बहुत मदद करेगी: PM @narendramodi

— PMO India (@PMOIndia) September 17, 2022

****

U.No: 10380

ش ح۔رف۔س ا