پی ایم انڈیا

وزیرِ اعظم جناب نریندر مودی نے 20 نومبر کو گیانا کے شہر جورج ٹاؤن میں دوسرے ہندوستان-کیریکوم سربراہی اجلاس کے دوران، سورینام کے صدر محترم چندرکاپرساد سنٹوکھی سے ملاقات کی۔

دونوں رہنماؤں نے جاری دوطرفہ اقدامات کی پیش رفت کا جائزہ لیا اور دفاع و سیکیورٹی، تجارت و کاروبار، زراعت، ڈیجیٹل اقدامات اور یو پی آئی، اطلاعاتی و مواصلاتی ٹیکنالوجی (آئی سی ٹی)، صحت کی دیکھ بھال اور ادویات، صلاحیت سازی، ثقافت اور عوامی تعلقات کے شعبوں میں تعاون بڑھانے پر اتفاق کیا۔ صدر سنٹوکھی نے سورینام کو ترقیاتی تعاون میں ہندوستان کی مسلسل حمایت پر شکریہ ادا کیا، خاص طور پر کمیونٹی ترقی کے منصوبوں، غذائی تحفظ کے اقدامات اور چھوٹے و درمیانے درجے کے کاروباروں کے لیے۔

دونوں رہنماؤں نے علاقائی اور عالمی ترقیات پر بھی تبادلہ خیال کیا۔ وزیرِ اعظم نے صدر سنٹوکھی کا شکریہ ادا کیا کہ سورینام نے اقوامِ متحدہ کی سیکیورٹی کونسل کی رکنیت کے لیے ہندوستان کی حمایت کی۔

*************

(ش ح ۔ ا س ک ‎۔  ت ع

U.No 2780