پی ایم انڈیا

وزیر اعظم جناب نریندر مودی نے بارباڈوس کی وزیر اعظم عزت مآب محترمہ میاں ایمور موٹلی سے  20 نومبر کو گیانا کے جارج ٹاؤن میں انڈیا-کیریکوم سربراہ اجلاس  کے موقع پر ملاقات کی ۔ اس اعلیٰ سطحی ملاقات نے دونوں لیڈروں کو ہندوستان اور بارباڈوس کے درمیان باہمی تعلقات کی توثیق اور مضبوط بنانے کا موقع فراہم کیا۔

رہنماؤں نے کئی اہم شعبوں میں جاری تعاون کا جائزہ لیا، جس میں صحت، فارما، آب وہوا تبدیلی سے متعلق کارروائی، ثقافت اور عوام سے عوام کے تعلقات شامل ہیں۔

وزیر اعظم موٹلی نے گلوبل ساؤتھ سے متعلق ہندوستان کی قیادت کی ستائش کی۔ دونوں رہنماؤں نے عالمی اداروں میں اصلاحات کے حوالے سے بھی تبادلہ ٔخیال کیا۔

************

ش ح۔ف ا ۔ ج ا

 (U: 2773)