پی ایم انڈیا

 ہرے کرشنا – ہرے کرشنا!

ہرے کرشنا – ہرے کرشنا!

مہاراشٹر کے گورنر سی پی رادھا کرشنن جی، ہر دلعزیزوزیر اعلی جناب دیوا بھاؤ، نائب وزیر اعلی ایکناتھ شندے جی، محترم گرو پرساد سوامی جی، ہیما مالنی جی، سبھی معزز مہمانان، عقیدت مند بھائیو اور بہنو۔

آج اسکان کی کوششوں سے علم اور عقیدت کی اس عظیم سرزمین پر شری شری رادھا مدن موہن جی مندر کا افتتاح ہو رہا ہے۔ میں خوش قسمت ہوں کہ مجھے اس طرح کی روحانی رسم میں اپنا کردار ادا کرنے کا موقع ملا۔ یہ اسکان کے سنتوں کا بے پناہ پیار اور اپناپن ہے، شریلا پربھو پاد سوامی کے آشیرباد ہے، میں سبھی معزز سنتوں کا شکریہ ادا کرتا ہوں اور ان کے قدموں میں جھکتا ہوں۔ میں ابھی دیکھ رہا تھا کہ شری رادھا مدن موہن جی مندر کمپلیکس کا خاکہ، اس مندر کے پیچھے کا خیال، اس مندر کی شکل، روحانیت اور علم کی پوری روایت کی عکاسی کرتی ہے۔ مندر میں خدا کے مختلف مظاہر ہیں، جو ’ایکو آہم بہو سیام‘ کے ہمارے خیال کا اظہار بھی ہیں۔ نئی نسل کی دلچسپی اور کشش کے مطابق یہاں رامائن اور مہابھارت پر مبنی ایک میوزیم بھی تعمیر کیا جارہا ہے۔ ورنداون کے 12 جنگلوں پر مبنی ایک باغ بھی یہاں تیار کیا گیا ہے۔ مجھے یقین ہے کہ یہ مندر کمپلیکس عقیدے کے ساتھ ساتھ بھارت کے شعور کو ثروت مند بنانے کا ایک مقدس مرکز بنے گا۔ میں اس نیک مقصد کے لیے سبھی سنتوں اور اسکان کے ممبروں اور مہاراشٹر کے عوام کو مبارکباد پیش کرتا ہوں۔

ساتھیو،

آج اس موقع پر میں محترم گوپال کرشن گوسوامی مہاراج کو بھی جذباتی طور پر یاد کر رہا ہوں۔ ان کا وژن اس پروجیکٹ سے جڑا ہوا ہے، جو بھگوان کرشن کے تئیں ان کی لازوال عقیدت سے مالا مال ہے۔ آج، وہ بھلے ہی جسمانی جسم سے یہاں نہیں ، لیکن ان کی روحانی موجودگی ہم سب کو محسوس ہوتی ہے۔ ان کی محبت اور یادوں کا میری زندگی میں ایک الگ ہی مقام ہے۔ جب انھوں نے دنیا کی سب سے بڑی گیتا ریلیز کروائی تو انھوں نے مجھے اس کے لیے مدعو کیا تھا اور مجھے بھی وہ مقدس پرساد ملا تھا ۔ سریلا پربھو پاڑہ کی 125 ویں یوم پیدائش کے موقع پر مجھے بھی ان کیا پرساد ملا ۔ میں مطمئن ہوں کہ آج میں ان کے ایک اور خواب کی تکمیل دیکھ رہا ہوں، میں اس کا مشاہدہ کر رہا ہوں۔

ساتھیو،

دنیا بھر میں پھیلے اسکان کے پیروکار بھگوان کرشن کی عقیدت کے دھاگے سے جڑے ہوئے ہیں۔ ایک اور دھاگہ ہے جو ان سب کو ایک دوسرے سے جڑے رکھتا ہے، جو چوبیس گھنٹے ہر عقیدت مند کو سمت دکھاتا ہے۔ یہ سریلا پربھو پدا سوامی کے خیالات کا سوتر ہے۔ انھوں نے وید ویدانتا اور گیتا کی اہمیت کو ایک ایسے وقت میں آگے بڑھایا جب ملک غلامی کی زنجیروں میں جکڑا ہوا تھا۔ انھوں نے بھکتی ویدانت کو عام آدمی کے شعور سے جوڑنے کی رسم ادا کی۔ 70 سال کی عمر میں جب لوگوں نے اپنے فرائض کو سمجھتے ہیں کہ تکمیل ہوچکی ایسے وقت میں انھوں نے اسکان جیسا مشن شروع کیا۔ اس کے بعد انھوں نے مسلسل دنیا بھر کا سفر کیا اور شری کرشنا کے پیغام کو دنیا کے کونے کونے تک پہنچایا۔ آج دنیا کے کونے کونے میں کروڑوں لوگوں کو ان کی تپسیا کا پرساد مل رہا ہے۔ شریلا پربھوپدا سوامی کی سرگرمی، ان کی کوششیں آج بھی ہمیں تحریک دیتی ہیں۔

ساتھیو،

ہمارا بھارت ایک غیر معمولی اور حیرت انگیز سرزمین ہے۔ بھارت صرف زمین کا ایک خطہ نہیں جو جغرافیائی سرحدوں سے جڑا ہوا ہے۔ بھارت ایک متحرک سرزمین، ایک متحرک ثقافت، ایک زندہ روایت کا نام ہے۔ اور، اس ثقافت کا شعور یہاں کی روحانیت ہے۔ لہٰذا اگر ہم بھارت کو سمجھنا چاہتے ہیں تو ہمیں سب سے پہلے روحانیت کو اپنانا ہوگا۔ جو لوگ دنیا کو صرف مادی نقطہ نظر سے دیکھتے ہیں وہ بھارت کو مختلف زبانوں اور صوبوں کے مجموعہ کے طور پر دیکھتے ہیں۔ لیکن، جب آپ اپنی روح کو اس ثقافتی شعور سے جوڑتے ہیں، تو آپ کو بھارت کی وسیع شکل نظر آتی ہے۔ پھر آپ دیکھ سکتے ہیں کہ بنگال کی سرزمین پر مشرق بعید میں چیتنیہ مہا پربھو جیسے سنت اتر ے ۔ مہاراشٹر میں، مغرب میں، سنت نام دیو، تکارام اور گیان دیو جیسے سنت اترے۔ چیتنیہ مہاپربھو نے مہاواک منتر کو عوام تک پہنچایا۔ مہاراشٹر کے سنتوں نے ’رام کرشن ہری‘، رام کرشن ہری کے منتر کے ساتھ روحانی امرت تقسیم کیا۔ سنت دانیشور نے بھگوان کرشنا کے صوفیانہ علم کو دانیشوری گیتا کے ذریعے عوام کے لیے قابل رسائی بنایا۔ اسی طرح سریلا پربھوپادا نے گیتا کو اسکان کے ذریعے مقبول بنایا۔ انھوں نے گیتا پر تبصرے شائع کیے اور لوگوں کو اس کی روح سے جوڑا۔ مختلف مقامات پر پیدا ہونے والے یہ سبھی سنت اپنے اپنے طریقے سے کرشنا عقیدت کے دھارے کو تیز کرتے رہے ہیں۔ ان سنتوں کی پیدائش میں سالوں کا فرق ہے، مختلف زبانیں ہیں، مختلف طریقے ہیں، لیکن ادراک ایک ہے، سوچ ایک ہے، شعور ایک ہے۔ ان سب نے عقیدت کی روشنی سے معاشرے میں نئی جان پھونک دی، اسے ایک نئی سمت دی اور اسے مسلسل توانائی دی۔

ساتھیو،

آپ سبھی خدمت کے جذبے سے آشنا ہیں، جو ہماری روحانی ثقافت کی بنیاد ہے۔ روحانیت میں عوامی خدمت اور عوامی خدمت یکجا ہو جاتے ہیں۔ ہماری روحانی ثقافت سادھکوں کو معاشرے سے جوڑتی ہے، ان میں دردمندی کا احساس پیدا کرتی ہے۔ یہ عقیدت انھیں خدمت کے جذبے کی طرف لے جاتی ہے۔

दातव्यम् इति यत् दानम दीयते अनुपकारिणे देशे काले च पात्रे च तत् दानं सात्त्विकं स्मृतम्।।

شری کرشن نے ہمیں اس شلوک میں سچی خدمت کا مطلب بتایا ہے۔ انھوں نے بہت خوبصورت انداز میں سمجھایا ہے کہ سچی خدمت وہ ہے جس میں آپ کو کوئی خود غرضی نہ ہو۔ خدمت کا جذبہ بھی ہماری تمام مذہبی کتابوں اور صحیفوں کے مرکز میں ہے۔ یہاں تک کہ اسکان جیسی بڑی تنظیم بھی خدمت کے اسی جذبے کے ساتھ کام کرتی ہے۔ تعلیم، صحت اور ماحولیات سے متعلق بہت سے کام آپ کی کوششوں سے ہوئے ہیں۔ اسکان کمبھ میں خدمت کے بہت سے عظیم کام کر رہا ہے۔

ساتھیو،

مجھے اطمینان ہے کہ ہماری حکومت بھی اسی خدمت کے جذبے کے ساتھ پوری لگن کے ساتھ ہم وطنوں کے مفاد میں مسلسل کام کر رہی ہے۔ ہر گھر میں بیت الخلا بنانا، ہر غریب عورت کو اجولا گیس کنکشن فراہم کرنا، ہر گھر کو نل کے پانی کی سہولت فراہم کرنا، ہر غریب کو 5 لاکھ روپے تک کا مفت علاج فراہم کرنا، 70 سال سے زیادہ عمر کے ہر بزرگ کو اس سہولت کے تحت لانا، ہر بے گھر شخص کو پکا گھر فراہم کرنا۔ یہ کام خدمت کے اس جذبے کے ساتھ، اسی لگن کے ساتھ کیے گئے ہیں، جو میرے لیے ہماری عظیم ثقافتی روایت کی پیش کش ہے۔ خدمت کا یہ جذبہ، جو حقیقی سماجی انصاف لاتا ہے، حقیقی سیکولرازم کی علامت ہے۔

ساتھیو،

ہماری حکومت کرشنا سرکٹ کے ذریعے ملک کی مختلف زیارتوں اور مذہبی مقامات کو جوڑ رہی ہے۔ یہ سرکٹ گجرات، راجستھان، ہریانہ، اتر پردیش اور اوڈیشہ تک پھیلا ہوا ہے۔ ان مقامات کو سودیش درشن اور پرساد یوجنا کے ذریعہ ترقی دی جارہی ہے۔ ان مندروں میں بھگوان کرشن کی مختلف شکلیں نظر آتی ہیں۔ کہیں وہ بچوں کی شکل میں نظر آتے ہیں تو کہیں ان کے ساتھ رادھا رانی کی پوجا بھی کی جاتی ہے۔ کچھ مندروں میں ان کا کرم یوگی روپ نظر آتا ہے تو کہیں انھیں راجا کے طور پر پوجا جاتا ہے۔ ہماری کوشش ہے کہ بھگوان کرشن کی زندگی سے جڑے مختلف مقامات تک پہنچنا اور مندروں کا دورہ کرنا آسان ہو۔ اس مقصد کے لیے خصوصی ٹرینیں بھی چلائی جارہی ہیں۔ اسکان کرشنا سرکٹ سے جڑے ان عقائد کے مراکز میں عقیدت مندوں کو لانے میں بھی مدد کرسکتا ہے۔ میں آپ سے درخواست کرتا ہوں کہ آپ کے مرکز میں شامل ہونے والے تمام عقیدت مندوں کو بھارت میں کم از کم 5 ایسے مقامات پر بھیجیں۔

ساتھیو،

پچھلی دہائی میں ملک میں ترقی اور ورثے نے بیک وقت رفتار پکڑی ہے۔ ورثے سے ترقی کے اس مشن کو اسکان جیسے اداروں سے نمایاں حمایت مل رہی ہے۔ ہمارے مندر یا مذہبی مقامات صدیوں سے سماجی شعور کے مراکز رہے ہیں۔ ہمارے گروکلوں نے تعلیم اور ہنر مندی کی ترقی کو فروغ دینے میں اہم کردار ادا کیا ہے۔ اسکان اپنے پروگراموں کے ذریعے نوجوانوں کو روحانیت کو اپنی زندگی کا حصہ بنانے کی ترغیب بھی دیتا ہے۔ اور ان کی روایت کی پیروی کرتے ہوئے ، یہ دیکھنا حیرت انگیز ہے کہ اسکان کے نوجوان سادھک کس طرح جدید ٹکنالوجی کو اپناتے ہیں۔ اور آپ کا انفارمیشن نیٹ ورک دوسروں کے لیے سیکھنے کے قابل ہے. مجھے یقین ہے کہ اسکان کی سرپرستی میں نوجوان خدمت اور لگن کے جذبے کے ساتھ قومی مفاد میں کام کریں گے۔ لوگوں کو اس کمپلیکس میں بھکتی ویدانتا آیورویدک ہیلنگ سینٹر کی سہولت بھی ملے گی۔ میرا ماننا ہے کہ میں نے ہمیشہ دنیا کو ایک پیغام دیا ہے کہ ’ہیل ان انڈیا‘۔ شوشروشا کے لیے، اور ہمہ جہت صحت مند رہنے کے لیے، صحت کے لیے ’ہیل ان انڈیا‘۔ بھکتی ویدانتا کالج فار ویدک ایجوکیشن بھی یہاں قائم کیا گیا ہے۔ اس سے ہر معاشرے کو، پورے ملک کو فائدہ ہوگا۔

ساتھیو،

ہم سب دیکھتے ہیں کہ موجودہ معاشرہ جتنا جدید ہوتا جا رہا ہے، اس کے لیے حساسیت کی بھی اتنی ہی ضرورت ہے۔ ہمیں حساس انسانوں کا معاشرہ بنانا ہے۔ ایک ایسا معاشرہ جو انسانی خوبیوں پر پھلتا پھولتا ہے۔ ایک ایسا معاشرہ جہاں اپنائیت کا احساس پھیلتا ہے۔ اسکان جیسا ادارہ اپنی بھکتی ویدانتا کے ذریعے دنیا کی حساسیت کو نئی زندگی دے سکتا ہے۔ آپ کی تنظیم دنیا بھر میں انسانی اقدار کو پھیلانے کے لیے اپنی صلاحیتوں کو استعمال کر سکتی ہے۔ مجھے یقین ہے کہ اسکان کی عظیم شخصیات پربھو پدا سوامی کے نظریات کو زندہ رکھنے کے لیے ہمیشہ آمادہ رہیں گی۔ میں ایک بار پھر رادھا مدن موہن جی مندر کے لیے پورے اسکان خاندان اور تمام ہم وطنوں کو مبارکباد دیتا ہوں۔

بہت بہت شکریہ۔

ہرے کرشنا – ہرے کرشنا!

ہرے کرشنا – ہرے کرشنا!

ہرے کرشنا – ہرے کرشنا!

***

(ش ح – ع ا)

U. No. 5252