پی ایم انڈیا
نئیدہلی۔29؍جولائی۔ میانمار کی دفاعی خدمات کے کمانڈر۔اِن۔ چیف سینئر جنرل مِن اَنگ ہینگ نے وزیراعظم جناب نریندر مودی سے ملاقات کی ہے۔
سینئر جنرل نے حالیہ پارلیمانی انتخابات میں وزیراعظم کی کامیابی پر انہیں مبارکباد پیش کی۔ انہوں نےگزشتہ چند برسوں کے دوران بھارت میں رونما ہوئی تیز رفتار ترقی اور پیش رفت کا ذکر کیا اور دونوں ہمسایوں کے مابین ہمہ گیر پیمانے پر منفرد تعلقات جن میں دفاع اور سلامتی تعاون بھی شامل ہیں، کی بالیدگی کا بھی ذکر کیا۔
وزیراعظم نے میانمار کے اپنے دورے کے دوران گرمجوشانہ میزبانی کا تذکرہ کیا ۔ انہوں نے کہا کہ انسداد شورش ، صلاحیت سازی ، فوج سے فوج کے مابین تعلقات اور بحری تعاون نیز اقتصادی شعبے اور ترقیاتی تعاون جیسے شعبوں میں دونوں ممالک کے مابین عمدہ ترین باہمی تعاون کی روایت قائم رہی ہے۔
وزیراعظم نے یونین آف میانمار کے ساتھ منفرد باہمی شراکت داری کو مزید فروغ دینے کیلئے اپنی عہدبندگی کا اعادہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔
U-3499
