پی ایم انڈیا

وزیر اعظم جناب نریندر مودی کی سربراہی میں  مرکزی کابینہ نے  طبی مصنوعات سے متعلق ضابطے کے شعبے میں تعاون کے بارے میں  جمہوریہ ہندوستان کی صحت اور خاندانی بہبود کی وزارت  کے  سینٹرل  ڈرگ  اسٹینڈرڈ  کنٹرول آرگنائزیشن (سی ڈی ایس سی او) اور ڈومینکن جمہوریہ کے  سوشل اسسٹنٹ اور  عوامی صحت کی وزارت  کے  میڈیسن، خوراک اور  سینٹری  مصنوعات کی تنظیموں کے  ڈائریکٹر جنرل کے درمیان ایک مفاہمت نامے کو منظوری دے دی ہے۔

اس مفاہمت نامے سے  طبی  مصنوعات  سے متعلق شعبوں میں معلومات  اور تعاون کے تبادلے کو فروغ ملے گا اور  فریقین کے  دائرہ اختیار کے اندر  موجودہ انتظامی  اور انضباطی معاملات  کے  تبادلے کو بھی فروغ ملے گا۔ غیر معیاری  معاملات کو حل کرنے کی غرض سے  بین الاقوامی  بازار میں  جاری  نقلی دواؤں  کے بارے میں  انضباطی ایجنسیوں کے درمیان بات چیت  کو  اس مفاہمت نامے پر دستخط کے ذریعہ آسان بنایا گیا ہے۔

انضباطی طریقہ کار اور  عمل آوری میں  تال میل ہندوستان سے  دواؤں کی  برآمدات میں  اضافے  کے سلسلے میں مدد گار ثابت ہو سکتی ہے اور اس کے نتیجے میں دوا سازی کے شعبے میں تعلیم یافتہ پیشہ ور افراد کے لئے  روز گار کے بہتر موا قع پیدا ہونے میں مدد مل سکتی ہے۔

یہ مفاہمت نامہ  طبی  مصنوعات کی برآمدات کو  آسان بنائے گا، جس سے غیر ملکی  زر مبادلہ  میں  اضافہ ہوگا ۔ یہ مفاہمت نامہ ایک آتم نر بھر بھارت کی جانب ایک اہم قدم ثابت ہوگا۔

۔۔۔۔۔۔۔۔۔۔۔۔۔۔۔۔۔۔

 (ش ح- ح ا – ق ر)

U-3742