پی ایم انڈیا

نئی دہلی،  06 ستمبر  ۔وزیر اعظم جناب نریندر مودی کی صدارت میں ہونے والے مرکزی کابینہ کے اجلاس میں  سرکار کے غریب نواز اقدامات  میں ایک مزید اضافے کو منظوری دے دی گئی ۔5ستمبر2018 کو ہونے والے مرکزی کابینہ کے اجلاس میں قومی مشن برائے مالی شمولیت  – پردھان منتری جن دھن یوجنا (پی ایم جے ڈی وائی ) کو درج ذیل تبدیلیوں کے ساتھ جاری رہنے  کی منظوری دے دی ہے ۔

• قومی کمیشن برائے مالی شمولیت (پی ایم جے ڈی وائی ) 14 اگست 2018  کے بعد بھی جاری رہے گا۔
• اوور ڈرافٹ (او ڈی ) کی موجودہ حد 5 ہزار وپے سے بڑھا کر 10 ہزارروپے کردی جائے گی۔
• 2000 روپے تک کے اوور ڈرافٹ کے لئے کوئی شرط نہیں ہوگی۔
• اوور ڈرافٹ کی سہولت کے لئے عمر کی حد 60-18 سال سے بڑھا کر 65-18 برس کردی گئی ہے ۔
• ’’ہرکنبے سے ہر بالغ تک‘‘ کے دائرے کے توسیع شدہ دائرے کے تحت  نیا روپیہ کارڈ    کے حامل  فرد کے لئے حادثہ بیمہ کی رقم ایک لاکھ سے بڑھاکر دو لاکھ کردی گئی ہےتاہم اس کا اطلاق 28  اگست 2018  کے بعد  نئے پی ایم جے ڈی والی  بینک کھاتوں پر ہی ہوگا۔

اثرات :

          اس مشن کے جاری رہنے سے ملک کے ہربالغ / ہرکنبے  کو کم از کم ایک بیسک بینک اکاؤنٹ  کھولنا ہوگا، جس کے تحت  دیگر مالی خدمات   ، سماجی سلامتی اسکیموں اور دس ہزار روپے تک کے اوور ڈرافٹ کی سہولت دی جائے گی۔اس طرح انہیں مالی خدمات کے مرکزی دھارے میں شامل کیا جاسکے گا اور مختلف سرکاری اسکیموں کے مالی فوائد کی منتقلی زیادہ موثر طریقے سے ہوسکے گی۔

پی ایم جے ڈی وائی کے تحت کامیابیاں :

• 81.200 کروڑروپےسے زائد کی رقم جمع کرائے جانے کے ساتھ تقریباََ 32.41 کروڑجن دھن کھاتے کھولے گئے ہیں۔
• جن دھن کھاتوں میں  53 فیصد خاتون کھاتے دار شامل ہیں اور 59 فیصد جن دھن کھاتے دیہی اورنیم شہری علاقوں میں کھولے گئے ہیں۔
• آسام ، میگھالیہ اور جموں وکشمیر کو چھوڑ کر 83فیصد جن دھن کھاتے آدھار سے جوڑدئے گئے ہیں  اوران کھاتےداروں کو 24.4 کروڑ روپیہ کارڈ  جاری کئے جاچکے ہیں ۔
• 7.5کروڑسے زائد جن دھن کھاتوں کو نقدی کی راست منتقلی کی سہولت  دی گئی ہے ۔
• دیہی علاقوں میں 1.26  لاکھ ذیلی خدمات کے شعبوں میں بنکاری نمائندے (بی سی) معین کئے گئے ہیں ۔ ان میں سے ہرایک میں  ایک ہزار سے لے کر 1500 تک کنبے شامل ہیں ۔تقریباََ  13.16  کروڑآدھار سے جُڑے  کھاتوں کی ادائیگی کے نظام (اے ای پی ایس )  کے تحت  سودے کئے جاچکے ہیں۔محض جولائی 2018  کے مہینے میں  ہی بنکاری نمائندوں کے ذریعہ یہ سودے کئے گئے ہیں۔
• پردھان منتری سرکشا بیمہ یوجنا   (پی ایم ایس بی وائی ) کے تحت  19436  دعووں کی ادائیگی کی گئی ۔388.72 کروڑروپے کی ادائیگی  13.98 کروڑصارفین کو کی گئی ۔
• اسی طرح پردھان منتری جیون جیوتی بیمہ یوجنا (پی ایم جے جے بی وائی ) کے 5.47  کروڑصارفین کے  1.10  لاکھ دعوے نمٹائے گئے اس کے تحت  2206.28  کروڑروپے  کی مالیت کے دعوے نمٹائے گئے ۔
• 1.11 کروڑافراد نے اٹل پنشن یوجنا (اے پی وائی میں اپنا اندراج کرایا ہے ۔

پی ایم جے ڈی وائی کی عمل آوری کے لئے ایک پائپ لائن تیار کی گئی ہے ۔جس کےذریعہ جن دھن کھاتوں  اور موبائل بینکنگ کو  آدھار (جے اے ایم) سے جوڑدیا گیا ہے ۔اس پائپ لائن سے نہ صرف بچت میں اضافہ ، قرض کے حصول  اور سماجی سلامتی  کو یقینی بنایا جارہا ہے بلکہ  غریب  افراد  کو مختلف سرکاری اسکیموں کے نقدی کے فوائد راست طور سے منتقل کرنے میں آسانی پیدا ہوگئی ہے۔

     سرکار کے زبردست مالی شمولیت کے پروگرام پی ایم جے ڈی وائی کو جاری رکھنے کا فیصلہ کیا گیا ہے جس کے تحت  ہر کنبے سے ہر بالغ تک کو بینکوں میں کھاتے کھولنے کی سہولت حاصل ہوگی ۔ جن دھن – آدھار – موبائل (جے اے ایم ) کی پائپ لائن ان سرگرمیوں  کے لئے ضروری ریڑھ کی ہڈی جیسی سہولت فراہم کرائی جائے  گی ۔اس طرح  ایک ڈجیٹائزڈ  ،مالی شمولیت  اور بیمے کی سہولت سے لیس سماج کی تشکیل کی جاسکے گی۔

پس منظر :

          بینکنگ خدمات میں اضافے ،  مالی  شمولیت کے فروغ  اور ملک کے ہر کنبے کو کم از کم ایک بینک کھاتہ کھولنے کی سہولت کی دستیابی کے لئے پردھان منتری جن دھن یوجنا (پی ایم جے ڈی وائی ) کے عنوان سے ایک قومی مشن برائے مالی شمولیت  کی تشکیل کا اعلان وزیر اعظم جناب نریندرمودی نے 15  اگست 2014  کو یوم آزادی کے موقع پر لال قلعہ کی فصیل سے اپنے خطاب میں کیا تھا ۔بعد میں 28 اگست 2014  کو وزیر اعظم نے قومی سطح پر اس کا رسمی آغاز کیا تھا ۔

۰۰۰۰۰۰۰۰۰۰۰۰۰۰۰۰۰۰۰

م ن ۔س ش ۔رم

U-4598