پی ایم انڈیا

وزیر اعظم جناب نریندر مودی نے 27 جون 2022 کو جرمنی کے شہر شالز ایلماؤ میں جی-7 سربراہ اجلاس سے الگ جنوبی افریقہ کے صدر عالی مرتبت جناب سیرل رامافوسا سے ملاقات کی۔

دونوں رہنماؤں نے دونوں ملکوں کے درمیان دوطرفہ تعلقات میں، خاص طور پر 2019 میں تعاون کے اسٹریٹجک پروگرام پر دستخط کے بعد ہونے والی پیش رفت کا جائزہ لیا۔ انہوں نے دفاع، تعلیم اور زراعت کے شعبوں میں ہونے والی پیش رفت پر اطمینان کا اظہار کیا اور تجارت و سرمایہ کاری، خوراک کی حفاظت، دفاع، دواسازی، ڈیجیٹل مالیاتی شمولیت، مہارت کا فروغ، بیمہ، صحت اور عوام سے عوام کے درمیان رابطوں جیسے شعبوں میں باہمی اشتراک و تعاون کو مزید مستحکم اور گہرا کرنے کی ضرورت کا اعادہ کیا۔

 دونوں رہنماؤں نے جون 2022 میں طے پانے والے ڈبلیو ٹی او معاہدے کا بھی خیرمقدم کیا جو ترقی پذیر ممالک میں کووڈ 19 ویکسین تیار کرنے میں معاونت کرتا ہے۔ بھارت اور جنوبی افریقہ نے پہلی تجویز پیش کی تھی جس میں کووڈ 19 پر قابو پانے، اس کی روک تھام یا علاج کے سلسلے میں ٹی آر آئی پی ایس معاہدے کی بعض دفعات کے نفاذ پر عالمی تجارتی تنظیم (ڈبلیو ٹی او) کے تمام اراکین کے لیے چھوٹ کی تجویز دی گئی تھی۔

کثیرالجہتی اداروں میں مسلسل ہم آہنگی اور ان میں اصلاحات بالخصوص اقوام متحدہ کی سلامتی کونسل میں اصلاحات کی ضرورت پر بھی بات چیت ہوئی۔

۔۔۔۔۔۔۔۔۔۔۔۔۔۔۔۔۔۔۔۔۔

ش ح۔م ع۔ع ن

                                                                                                                                      (U: 6954)