پی ایم انڈیا

محترم اسپیکر صاحب!

یہ ایوان کی خوش قسمتی ہے کہ آپ دوسری بار اس نشست پرجلوا افروز ہورہے ہیں۔ آپ کو اور اس پورے ایوان کو میری طرف سےبہت بہت مبارکباد۔

محترم اسپیکرجی،

میں آپ کے لیے نیک خواہشات کا اظہار کرتا ہوں، لیکن اس پورے ایوان کی طرف سے بھی آپ کو بہت بہت نیک خواہشات۔ امرت کال کے اس اہم دور میں آپ کو دوسری بار اس عہدے پر فائز ہونے کی بڑی ذمہ داری ملی ہے اور آپ کے پانچ سال کے تجربے اور آپ کے ساتھ ہم لوگوں کا مطلب پانچ سال کا تجربہ، ہم سب کا یقین ہے کہ آنے والے پانچ  برسوں میں آپ ہماری رہنمائی بھی کریں گےاور ملک کی امیدوں اور توقعات پوری کرنےکے لئے اس ایوان میں اپنی ذمہ داری نبھانے میں آپ کا بہت بڑا رول رہے گا۔

محترم اسپیکرجی،

ہمارے شاستروں میں کہا گیا ہے کہ ایک شائستہ اور خوش اخلاق انسان آسانی سے کامیاب ہو تا ہے اورآپ کو تو اس کے ساتھ ساتھ ایک میٹھی میٹھی مسکراہٹ بھی  ملی ہوئی ہے۔ آپ کے چہرے  کو یہ میٹھی میٹھی مسکراہٹ پورے ایوان کو بھی خوش رکھتی ہے۔ مجھے یقین ہے کہ آپ ہر قدم پر نئی مثالیں اور نئے ریکارڈ قائم کرتے آئےہیں۔ ہم 18ویں لوک سبھا میں دوسری بار اسپیکر کا چارج سنبھال کر ایک نیا ریکارڈ بنتے دیکھ رہے ہیں۔جناب بلرام جاکھڑ جی پہلے اسپیکر تھے جنہیں اپنی پانچ سالہ میعاد مکمل کرنے کے بعد دوبارہ اسپیکر بننے کا موقع ملاتھا۔ پھر آپ ہیں، جنہیں پانچ سال مکمل کرنے کے بعد دوبارہ اس عہدے پر فائز ہونے کا موقع ملا ہے۔ پچھلے 20 سالوں میں ایک ایسا دور آیا ہے کہ بیشتر اسپیکریا تو اس کے بعدچناؤ نہیں لڑیں ہیں یا تو جیت کر واپس نہیں آئے ہیں۔ آپ سمجھ سکتے ہیں کہ اسپیکر کا کام کتنا مشکل ہے کہ اس کے لیے دوبارہ جیتنا مشکل ہو جاتا ہے۔ لیکن آپ جیت کر آئے ہیں، اس کے لیے آپ نے ایک نئی تاریخ رقم کی ہے۔

محترم اسپیکرجی،

اس ایوان میں ہمارے زیادہ تر معزز ممبران پارلیمنٹ آپ سے واقف ہیں، آپ کی زندگی سے بھی واقف ہیں اور پچھلی بار بھی میں نے آپ کے حوالے سے بہت سی باتیں اس ایوان میں رکھی تھیں اور میں آج انہیں دہرانا نہیں چاہتا، لیکن میں ایک بحیثیت رکن پارلیمنٹ اورہم سبھی رکن پارلیمنٹ کے طور پر  آپ جس طرح سے ایک رکن پارلیمنٹ کے طور پر کام کرتے ہیں وہ بھی جاننے کے قابل ہے اور بہت کچھ سیکھنے کے قابل ہے۔ مجھے یقین ہے کہ ایک ایم پی کے طور پر آپ کا کام کرنے کا انداز یقینی طور پر ہمارے فرسٹ ٹائمر ایم پیز اور ہمارے نوجوان ارکان پارلیمنٹ کوضرور  تحریک دےگا۔ آپ نے اپنے کام کی جگہ، پارلیمانی حلقے میں صحت مند ماؤں اور صحت مند بچوں کے عزم کے ساتھ جو مہم شروع کی ہے اور جس طرح آپ نے اپنے علاقے میں خود کو شامل کرکے اچھی پرورش والی ماؤں کی اس مہم کو ترجیح دی ہے، وہ واقعی باعث تحریک ہے۔ کوٹا کے دیہی علاقوں میں ہوسپٹل آن وہیلس بھی انسانی خدمت کا ایک بہترین کام ہے جسے آپ نے سیاسی کام کے علاوہ کرنے کا انتخاب کیا ہے، وہ بھی آپ کے علاقے کے ہر گاؤں میں لوگوں کو صحت کی خدمات فراہم کرنے میں مدد فراہم کر رہا ہے۔ آپ باقاعدگی سے غریبوں کو کپڑے، کمبل، موسم کے مطابق چھتری،جوتے ایسی بہت سے سہولیات سماج کے آخری طبقے کے جو لوگ ہیں ، ان کو تلاش کرکے پہنچاتے ہیں ۔ آپ نے اپنے علاقے کے نوجوانوں کے لیے کھیلوں کی حوصلہ افزائی کو ترجیح دی ہے۔

17ویں لوک سبھا میں آپ کی پچھلی مدت کار میں، میں کہتا ہوں کہ یہ پارلیمانی تاریخ کا سنہری دور تھا۔ آپ کی سربراہی میں پارلیمنٹ میں جو تاریخی فیصلے ہوئے، آپ کی سربراہی میں ایوان کے ذریعے جو اصلاحات ہوئیں، وہ آپ کی اور ایوان کی میراث ہیں اور مستقبل میں 17ویں لوک سبھا کے تعلق سے جب تجزیہ کیا جائے گا،اس کے بارے میں لکھا جائے گاتو ہندوستان کے مستقبل کو نئی سمت دینے میں آپ کےاسپیکر کے طور پر 17ویں لوک سبھا کابہت بڑا رول ہوگا۔

محترم اسپیکرجی،

17ویں لوک سبھا میں ناری شکتی وندن ایکٹ 2023، جموں و کشمیر تنظیم نو بل،بھاریہ نیائے سنہیتا ،بھارتیہ ساکشیہ بل، بھارتیہ ناگرک سرکشاسنہیتا، سماجک سرکشا سنہیتا، ڈیجیٹل پرسنل ڈیٹا پروٹیکشن بل، مسلم ویمن میرج رائٹس پروٹیکشن بل، ٹرانس جینڈر پرسنز (پروٹیکشن آف رائٹس) بل، کنزیومر پروٹیکشن بل، ڈائریکٹ ٹیکس، ویواد سے وشواس ودھیک، سماجی، اقتصادی اور قومی اہمیت کے ایسے کتنے ہی اہم تاریخی قوانین 17ویں لوک سبھا میں آپ کے اسپیکر رہتے اس ایوان نے منظور کئے ہیں اور ملک کے لئے مضبوط بنیاد رکھی ہے۔جو کام آزادی کے 70 سال میں نہیں ہوئے ، آپ کی سربراہی میں اس ایوان نے اس کو کرکے دکھایا

محترم اسپیکرجی،

جمہوریت کے طویل سفر میں کئی مراحل آتےہیں۔ کچھ مواقع ایسے ہوتے ہیں جب ہمیں ریکارڈ قائم کرنے کا شرف حاصل ہوتا ہے۔ مجھے یقین ہے کہ ملک آج بھی اور مستقبل میں بھی 17ویں لوک سبھا کی کامیابیوں پر فخر کرے گا۔ آج جب ملک اپنی خواہشات کو پورا کرنے کے لیے ہندوستان کو جدید بنانے کی ہر ممکن کوشش کر رہا ہے، مجھے یقین ہے کہ پارلیمنٹ کی یہ نئی عمارت امرتکال کا مستقبل لکھنے کا کام بھی کرے گی اور وہ بھی آپ کے اسپیکررہتے ہوئے۔ ہم سب آپ کی سربراہی میں نئے پارلیمنٹ ہاؤس میں داخل ہوئے اور آپ نے پارلیمانی کام کو موثر اور جوابدہ بنانے کے لیے بہت سے اہم فیصلے کئے ہیں اور اس لیے جمہوریت کو مضبوط کرنے میں مدد ملی ہے۔ آج ہم لوک سبھا میں پیپر لیس ڈیجیٹل سسٹم کے ذریعے کام کر رہے ہیں۔ پہلی بار آپ نے تمام معزز اراکین اسمبلی کو بریفنگ دینے کا نظام بنایا۔ اس نے تمام معزز اراکین اسمبلی کو ضروری حوالہ جاتی مواد بھی فراہم کیا۔ اس کی وجہ سے ایوان میں مضبوط بحث ہوئی اور یہ آپ کا اچھاقدم تھا جس سے اراکین پارلیمنٹ میں اعتماد پیدا ہوا، میں بھی کچھ کہہ سکتا ہوں۔ایک آپ نے اچھے نظام کو فروغ دیا۔

محترم اسپیکرجی،

جی20 ہندوستان کی کامیابی کا ایک اہم باب ہے۔ لیکن اس پر بہت کم بحث ہوئی ہے ،وہ ہے پی20 اور آپ کی سربراہی میں جی 20 ممالک کے پریزائیڈنگ افسران ہیں اسپیکرز ہیں  ان کی کانفرنس آپ کی صدارت میں ہوئی اور اب تک پی20 کی جتنی  کانفرنس ہوئی ہیں ان میں یہ ایسا موقع تھا کہ دنیا کہ بیشتر ملک آپ کی دعوت پر ہندوستان آئے اور بہت ہی بہترین فیصلے اس کانفرنس میں ہوئے اور اس نے دنیا میں  ہندوستان کی جمہوریت کی جو ساکھ ہے اسے بلند کرنے میں بڑا کردار ادا کیا ہے۔

محترم اسپیکرجی،

یہ ہماری عمارت ہے، یہ صرف چہار دیواری نہیں ہے۔ ہماری یہ پارلیمنٹ 140 کروڑ ہم وطنوں کی امیدوں کا مرکز ہے۔ پارلیمنٹ کی کارروائی، احتساب اور طرز عمل ہمارے ہم وطنوں کی جمہوریت کے تئیں وفاداری کو مزید تقویت دیتے ہیں۔ آپ کی رہنمائی میں 17ویں لوک سبھا،اس کی پروڈکٹوٹی،25 سال کی بلند ترین سطح پر 97فیصدرہی اور اس کے لئے سبھی معزز ممبران مبارکباد کے مستحق ہیں لیکن آپ خصوصی مبارکباد کے مستحق ہیں۔ کورونا جیسے مشکل دور میں آپ نے ہر ایم پی سے ذاتی طور پر فون پر بات کی اور ان کا حال پوچھا۔ جب بھی کسی رکن اسمبلی کی بیماری کی خبر آئی تو آپ نے  ایوان کے اسپیکر کی حیثیت سے ذاتی طور پر اس کا خیال رکھا اور جب بھی میں تمام پارٹیوں کے ایم پیز کی بات سنتا تھا تو مجھے بہت فخر محسوس ہوتا تھا جیسے آپ اس خاندان کے سربراہ ہوں۔ یہ ایوان جیسا کہ ہمیں اس کورونا کے دور میں بھی ذاتی طورپر فکر کرتے تھے۔ کورونا کے دور میں بھی آپ نے ایوان کا کام نہیں رکنے دیا۔ اراکین پارلیمنٹ نے بھی آپ کی ہر تجویزکااحترام کیا، کسی کو اوپر بیٹھنے کا کہا گیا تو وہ وہاں جا کر بیٹھ گیا، کسی کو دوسری جگہ جا کر بیٹھنے کا کہا گیا تو وہ بھی بیٹھ گیا، لیکن کسی نے ملک کا کام نہیں ہونے دیا۔ لیکن آپ نےیہ جو فیصلوں کئے ، اس کا نتیجہ ہے کہ ہم اس مشکل دور میں بھی کام کرپائے اور اسیہ خوش کی بات ہے کہ کورونا کے دور میں ایوان نے 170 فیصدپروڈکٹوٹی،یہ اپنے آپ میں  دنیا کے لوگوں کے لئے ایک ایک بہت بڑی خبر ہے۔

محترم اسپیکرجی،

ہم سب چاہتے ہیں کہ  ایوان میں اچھا طرز عمل ، ہم سب ایوان کے اصولوں پر عمل کریں  اور آپ نے بہت درست طریقے سے، متوازن انداز میں اور بعض اوقات سختی سے بھی فیصلے کئے ہیں۔ میں جانتا ہوں کہ ایسے فیصلوں سے آپ کو بھی تکلیف ہوتی ہے۔ لیکن ذاتی دکھ اور ایوان کے وقار کے درمیان آپ نے ایوان کے وقار کو عزیز رکھا اور ایوان کی روایات کوبرقرار رکھنے کی کوشش کی، اس جرأت مندانہ کام کے لیے بھی محترم اسپیکرجی، آپ مبارکباد کے مستحق ہیں۔ مجھے یقین ہے کہ محترم اسپیکرجی، آپ تو کامیاب ہونے والے ہیں لیکن آپ کے اسپیکرکے طورپریہ 18ویں لوک سبھابھی  کافی کامیابی کے ساتھ ملک کے شہریوں کے خوابوں کو پورا کرےگی۔

میں ایک بار پھر آپ کو اس اہم ذمہ داری  کےلئے اور ملک کو ترقی کی نئی بلندیوں پر لے جانے والے اس ایوان کا اسپیکر بننے پر تہہ دل سے  نیک خواہشات پیش کرتا ہوں ۔

بہت بہت مبارکباد پیش کرتاہوں!

ش ح-ف ا-م ش

U.N.-7837