پی ایم انڈیا

نئیدہلی11فروری۔وزیراعظم نے اروناچل ،آسام اور تریپورہ   کے اپنے دورے کے ایک حصے کے طور پر گواہاٹی کا دورہ کیا۔ انہوں نے شمال مشرقی  گیس گرڈ  کا سنگ بنیاد رکھا ۔انہوں نے ریاست  میں دیگر مختلف النوع ترقیاتی پروجیکوں  کی رونمائی بھی انجام دی ۔

          اس موقع پر اظہار خیال کرتے ہوئے انہوں نے کہا کہ  آج شمال مشرقی خطے کی ترقی  کی تاریخ کا ایک نیا باب وا ہورہا ہے اور اس  خطے کی تیز رفتار ترقی میری حکومت کی اولین ترجیح رہی ہے ۔ انہوں نے کہا کہ آسام ترقی کے راستے پر گامزن ہے ۔ شمال  مشرقی خطے  کے لئے ہماری وابستگی کا اظہار  بجٹ میں  شمال مشرقی خطے کے لئے  تخصیص سے  ہی ہوتا ہے جسے  21  فیصد سے زائد بڑھادیا گیا ہے ۔

          وزیر اعظم نے کہا کہ ان کی حکومت نے شمال مشرقی ریاستوں  کی  ہمہ گیر ترقی  کا عہد کررکھا ہے ۔انہوں  نے یقین دہانی کرائی کہ  اس خطے کی ثقافت  ،مسائل اور زبانوںکا تحفظ کیا جائے گا۔

          شہریت سے متعلق بل  کے متعلق  یقین دہانی کراتے ہوئے وزیر اعظم نے عوام سے گزارش کی کہ و ہ شہریت سے متعلق بل  کے بارے میں  پھیلائی جانے والی افواہوں سے گمراہ نہ ہوں ۔ انہوں نے  کہا کہ 36  برس  گزر گئے لیکن آسام معاہدے پر آج تک  عمل نہیں ہوسکا اور صرف مودی حکومت ہی اسے عملی جامہ پہنائے گی۔ وزیر اعظم نے سیاسی پارٹیوں سے درخواست کی کہ و ہ سیاسی مفاد اور ووٹ بینک کے لئے  آسام  کے عوام کے جذبات سے کھلواڑ نہ کریں  ۔ انہوں نے شمال مشرق کے عوام کو یقین دہانی کرائی کہ  ان کی ریاست  کو  سٹی زن شپ  ( ترمیمی )  بل سے  کسی طرح کا کوئی نقصان نہیں پہنچے گا۔ انہوں نے بتایا کہ آسام معاہدے  کے نفاذ کے لئے  آپ کے مطالبے کو عملی  جامہ  پہنایا جائے گا۔

          اس موقع  پر بدعنوانی کے خلاف  اظہار خیال کرتے ہوئے وزیر اعظم نے کہا کہ چوکیدار، بدعنوان عناصر  کے کارروائی کررہا ہے ۔  سابقہ حکومت نے بدعنوانی کو ایک عام صورتحال   کے طور پر نافذ کررکھا تھا تاہم  اسے معاشرے سے  جڑ سے اکھاڑ پھینکنے کے لئے کام کررہے ہیں ۔  وزیر اعظم نے شمال مشرقی گیس گرڈ کا سنگ بنیاد رکھا جو  پورے خطے میں  قدرتی گیس کی دستیابی کو  یقینی بنائے گا اور اس خطے میں صنعتی نمو کو فروغ  دے گا۔ انہوں نے  تنسکھیا میں   ہولونگ موڈولر گریس پروسسیسنگ پلانٹ   کا سنگ بنیاد کا افتتاح کیا ،جو آسام میں  پیدا کی جانے والی 15 فیصد  مجموعی گیس کی بہم رسانی کرے گا۔ وزیر اعظم نے شمال ،شمالی گواہاٹی میں  ماؤنٹیڈ اسٹوریج ویسل  کی  ایل  پی جی صلاحیت  کو منظم بنانے کے عمل کا بھی افتتاح کیا ۔

          نمالی گڑھ میں  این آر ایل  بایو ریفائنری  کا سنگ  بنیاد اور برونی – گواہاٹی   تک کی گیس پائپ لائن بچھانے   کے کام کا سنگ بنیاد  بھی رکھا گیا جس کی طوالت  729  کلومیٹر کے بقدر ہے اور یہ  گیس  پائپ لائن  بہار ، مغربی  بنگال ،سکم اور آسام  سے ہوکر گزرے گی۔ 

          وزیر اعظم نے کہا کہ نومالی گڑھ   ملک بھر میں تعمیر ہونے والی  بارہ  بایو ریفائنری   کارخانوںمیں   سے سب سے بڑا کارخانہ ہوگا ۔ یہ سہولت آسام کو  تیل اور قدرتی گیس کا ہب بنادے گی اور  بھارت کی معیشت کو فروغ دے گی۔  انہوں نے  10  فیصد تک کی ایتھنول کی آمیزش کے لئے حکومت کے منصوبوں  پر بھی روشنی ڈالی ۔

          انہوں  نے  کامروپ ، کیچر ،  ہیلا کھنڈی  اور کریم گنج اضلاع میں   سٹی گیس ڈسٹریبیوشن نیٹ ورک کا بھی  سنگ بنیاد رکھا ۔ انہوں نے کہا کہ جہاں 2014 میں صرف  25  لاکھ  پی این جی  کنکشن تھے ، وہیں صرف چار برسوںمیں ا ن کی تعداد 46  لاکھ تک پہنچ گئی ۔ سی این جی  کی  ازسرنو بھر پائی کے اسٹیشنوںکی تعداد  اس مدت کے دوران  950 سے بڑھ کر 1500  ہوگئی ہے ۔

          وزیر اعظم نے  دریائے برہمپتر پر چھ لینوں والے  پُل کی تعمیر  کا بھی سنگ بنیاد رکھا ۔ اس موقع پر انہوں  نے کہا کہ  آج ہم  برہمپتر ندی کے اوپر  چھ گلیاروں  والی شاہراہ کا کام شروع کررہے ہیں   ،جو دونوں  دریاؤں کے کنارے  صرف ہونے والا  وقت کم کردے گی اور یہ وقت  1.30  گھنٹے سے گھٹ کر محض  15  منٹ رہ جائے گا۔ وزیر اعظم نے کہا کہ انہیں  اس بات پر فخر ہے کہ ان کی حکومت نے گوپی  ناتھ بارہدولی   ، بھوپن ہزاریکا کو       بھارت رتن کا ایوارڈ تفویض کیا ہے ۔ انہوں نے کہا کہ شاید بھوپن ہزاریکا یہ ایوارڈ از  خودوصول کرتے تاہم  بھارت رتن کے طور پر  سابقہ حکومت  انہیں ایوارڈ سے نوازنے میں ناکام رہی   کیونکہ اس وقت یہ ایوارڈ  چند افراد کے لئے مخصوص تھا ۔ اس ملک کا نام جنہوں نے روشن کیا ہے ، ان کے اعزاز میں   کچھ کرنے  میں دہائیاں  نکل گئیں ۔

۰۰۰۰۰۰۰۰۰۰۰۰۰۰۰۰۰۰۰۰۰

م ن ۔س ش ۔رم

U-851