பி.எம்.இந்தியா

பிரதமர் திரு நரேந்திர மோடி அவர்கள் தலைமையில் கூடிய மத்திய அமைச்சரவைக் குழு, மாநில முதலமைச்சர்களின் துணைக் குழுவின் மத்திய திட்டங்களை ஒழுங்குபடுத்துதல் குறித்த பரிந்துரைக்கு ஒப்புதல் அளித்தது.    முதலமைச்சர்களின் துணைக் குழு 66 மத்திய திட்டங்களை பரிசீலனை செய்து, மத்திய திட்டங்கள் 30க்கும் மிகாமல் இருக்க வேண்டும் என்று பரிந்துரை செய்துள்ளது.    பல்வேறு முக்கிய அம்சங்களில் இத்துணைக் குழுவில் பங்கேற்ற மாநிலங்கள் அல்லாமல் இதர மாநிலங்கள் மற்றும் யூனியன் பிரதேசங்கள் மற்றும் மத்திய அரசுத் துறைகளோடு கலந்தாலோசனை செய்து ஒரு ஒருமித்த கருதது எட்டப்பட்டது.  

 மத்திய திட்டங்களை ஒழுங்குபடுத்துதல் மத்திய அரசின் நிதிகளை சரியான முறையில் பயன்படுத்த உதவுவதோடு, அதனால் விளையும் பயன்களையும் அதிகரிக்கும்.   இதன் மூலம் பயனாளிகளுக்கு பரவலான முறையில் பலன் சென்றடைய இது உதவும்.  

8 பிப்ரவரி 2015 அன்று நடந்த நித் ஆயோக் நிர்வாகக் குழுவின் முதல் கூட்டத்தில் முதலமைச்சர்களின் துணைக் குழு உருவாக்கப்பட்டது.    இந்த துணைக் குழுவின் முக்கிய நோக்கம், மாநில அரசுகள் மற்றும் யூனியன் பிரதேசங்கள் மற்றும் மத்திய அரசுக்கிடையே உள்ள வேறுபாடுகளை களைந்து ஒன்றுபட்ட இந்தியாவாக செயல்படுவதே.     இந்தியா 75வது சுதந்திர தினத்தை கொண்டாடுகையில், குடியரசுத் தத்துவத்தின் உண்மையான பிரதிபலிப்பை உணர்ந்து விஷன் இந்தியா 2022ன் இலக்குகளை அடைவதே.    விஷன் இந்தியா 2022ன் முக்கிய இலக்குகள் (அ) சுய கவுரவத்தோடும் சுயமரியாதையோடும் அனைத்து அடிப்படை வசதிகளோடு வாழ்வை உத்தரவாதம் செய்வது. (ஆ) அனைத்து குடிமக்களின் தகுதிக்கேற்ப வாய்ப்புகளை உருவாக்குவது.  

4) துணைக்குழுவின் முக்கியமான பரிந்துரைகள் பின் வருமாறு  

அ) திட்டங்களின் எண்ணிக்கை : மொத்த திட்டங்களின் எண்ணிக்கை 30ஐ தாண்டக் கூடாது

ஆ) திட்டங்களை வகைப்படுத்துதல் : தற்போதுள்ள மத்திய அரசின் திட்டங்கள் அடிப்படை திட்டங்கள், விருப்பத் திட்டங்கள் என்று வகைப்படுத்த வேண்டும்.

இ) அடிப்படை திட்டங்கள் : தேசிய வளர்ச்சியை மையமாகக் கொண்ட திட்டங்களில் மத்திய அரசும் மாநில அரசுகளும், ஒன்றுபட்ட இந்தியா என்ற எண்ணத்தில் செயல்படுத்த வேண்டும்.

ஈ) அடிப்படை திட்டங்களில் முக்கியமானவை : சமூக பாதுகாப்பு மற்றும் சமூக உள்ளடக்கம் ஆகியற்றை அடிப்படையாகக் கொண்ட திட்டங்கள் அடிப்படை திட்டங்களிலேயே முக்கியமானவையாக கருதப்பட்டு, தேசிய வளர்ச்சித் திட்டத்தின் நிதியில் முன்னுரிமை வழங்கப்பட வேண்டும்.

உ) விருப்பத் திட்டங்கள் : இத்திட்டங்களில் மாநில அரசுகள் விரும்பினால் பங்கெடுக்கும் வாய்ப்பு அளிக்கப்பட வேண்டும்.   இத்திட்டங்களின் கீழ் தேவைப்படும் நிதி, மத்திய நிதி அமைச்சகத்தால் மொத்தமாக ஒதுக்கப்பட வேண்டும்.  

தேசிய வளர்ச்சித் திட்டத்தின் கீழ் மத்திய அரசுத் திட்டங்கள்    

இதற்கான நிதி வழங்குதல் கீழ்கண்டவாறு செயல்படுத்தப்படும்

அடிப்படை திட்டங்களின் முக்கியமான திட்டங்கள் :

தற்போது  உள்ள நிதி வழங்கும் முறை தொடரும்.  

அடிப்படை திட்டங்கள்

அ) 8 வடகிழக்கு மாநிலங்கள் மற்றும் 3 இமாலய மாநிலங்கள் மத்திய அரசு 90 விழுக்காடு மற்றும் மாநில அரசு 10 விழுக்காடு

ஆ) இதர மாநிலங்கள் மத்திய அரசு 60 விழுக்காடு, மாநில அரசு 40 விழுக்காடு

இ) சட்டப்பேரவை இல்லாத யூனியன் பிரதேசங்கள் : மத்திய அரசு 100 சதவிகிதம்.  சட்டமன்றம் உள்ள யூனியன் பிரதேசங்களுக்கு தற்போது உள்ள முறை தொடரும். 

விருப்பத் திட்டங்கள் :

அ) 8 வடகிழக்கு மாநிலங்கள் மற்றும் 3 இமாலய மாநிலங்கள் மத்திய அரசு 80 விழுக்காடு மற்றும் மாநில அரசு 20 விழுக்காடு

ஆ) இதர மாநிலங்கள் மத்திய அரசு 50 விழுக்காடு, மாநில அரசு 50 விழுக்காடு

இ) சட்டப்பேரவை இல்லாத யூனியன் பிரதேசங்கள் : மத்திய அரசு 100 சதவிகிதம்.  சட்டமன்றம் உள்ள யூனியன் பிரதேசங்களுக்கு மத்திய அரசு 80 விழுக்காடு மற்றும் மாநில அரசு 20 விழுக்காடு

மாநிலங்கள் மற்றும் யூனியன் பிரதேசங்களுக்கான தளர்வு முறை மற்றும் தளர்வு நிதி  

அ)  மத்திய திட்டங்கள் வகுக்கப்படுகையில் மத்திய அமைச்சகங்கள், சில மாநிலங்களுக்கு ராஷ்ட்ரிய கிருஷி விகாஸ் யோஜனா திட்டத்தில் உள்ளபடி, தளர்வு முறையை அமல்படுத்தலாம்.

ஆ) ஒவ்வொரு மத்திய திட்டத்திலும் உள்ள தளர்வு நிதி தற்போது உள்ள 10 சதவிகிதத்தில் இருந்து 25 சதவிகிதமாகவும், யூனியன் பிரதேசங்களுக்கு 30 சதவிகிதமாகவும் ஒட்டுமொத்த நிதி ஆண்டுக்கான நிதி ஒதுக்கீட்டில் ஒவ்வொரு மாநிலத்துக்கும் ஏற்ற வகையில் செயல்படுத்தலாம்.