பி.எம்.இந்தியா

டெக்சாசின் ஹூஸ்டனில் தாவூதி போரா சமூக உறுப்பினர்களைப் பிரதமர் நரேந்திர மோடி இன்று (22.09.2019) சந்தித்துக் கலந்துரையாடினார்.

இந்த சமூகத்தின் உறுப்பினர்கள் ஹூஸ்டனில் பிரதமரைப் பாராட்டினர். இந்தக் கலந்துரையாடலின் போது சைத்னா சாஹிபுடன் பிரதமரின் தொடர்பை தாவூதி போரா உறுப்பினர்கள் எடுத்துரைத்தனர். கடந்த ஆண்டு தங்களின் சமூக நிகழ்வில் பங்கேற்க நரேந்திர மோடி இந்தூருக்குப் பயணம் செய்ததையும் அவர்கள் நினைவு கூர்ந்தனர்.

இந்தக் கலந்துரையாடலுக்குப் பின் டிவிட்டரில் செய்தி வெளியிட்ட பிரதமர், “தாவூதி போரா சமூகம் உலகம் முழுவதும் தனிச் சிறப்புடன் நிலைபெற்றுள்ளது. ஹூஸ்டனில் அவர்களுடன் நேரத்தை செலவிட்டதோடு பல்வேறு விஷயங்கள் குறித்து உரையாடும் வாய்ப்பையும் நான் பெற்றேன்” என்று கூறியுள்ளார்.

*****