பி.எம்.இந்தியா

1. இந்தியக் குடியரசின் மதிப்பிற்குரிய திரு.பிரதமர் நரேந்திர மோடியின் அழைப்பின் பேரிலும், இரண்டு புதிய மசூதிகளின் காப்பாளரின் வழிகாட்டுதலின் பேரில் சவுதி பட்டத்து இளவரசர் முகமத் பின் சல்மான் பின் அப்துல்அசீஸ் அல் சவுத், அரேபிய அரசாட்சியின் துணைப்பிரதமரும், பாதுகாப்பு அமைச்சரும் பிப்ரவரி மாதம் 19-20 தேதிகளில் இந்தியாவிற்கு வருகை தந்த போது விமான நிலையத்தில் பிரதமர் வரவேற்பளித்தார். இரு புனித மசூதிகளின் காப்பாளர் மதிப்பிற்குரிய மன்னர் சல்மான் பின் அப்துல்அசீஸ் அல் சவுதின் அழைப்பின் பேரில்    2016ஆம் ஆண்டு ஏப்ரல் மாதம், பிரதமர் மோடி, சவுதி அரேபிய அரசாட்சிக்கு அரசுப் பயணம் மேற்கொண்டதைத் தொடர்ந்து பட்டத்து இளவரசர் இந்தியா வந்துள்ளார்.
2. புதுதில்லியில் உள்ள குடியரசுத்தலைவர் மாளிகையில் 2019-ஆம் ஆண்டு பிப்ரவரி மாதம் 20-ம் தேதியன்று பாரம்பரிய முறையிலான வரவேற்பு அளிக்கப்பட்டது. மதிப்பிற்குரிய இளவரசரை கவுரப்படுத்தும் முறையில் குடியரசுத் தலைவர் ராம்நாத் கோவிந்த் விருந்தளித்தார்.
3. 2019-ஆம் ஆண்டு பிப்ரவரி 20-ம் தேதியன்று ஐதராபாத் இல்லத்தில் பிரதமர் மோடியும் மதிப்பிற்குரிய இளவரசர் முகமத் பின் சல்மான் பின் அப்துல்அசீஸ் பிரதிநிதிகள் அளவிலான பேச்சுவார்த்தைகளை நடத்தினார். வெளியுறவுத்துறை அமைச்சர் திருமதி சுஷ்மா சுவராஜ் இளவரசரை சந்தித்தார்.
4. இந்தியாவிற்கும் சவுதி அரேபியாவுக்கும் இடையேயான இணக்கமான நட்பு சார்ந்த உறவு நூற்றாண்டுகளைக் கடந்து தொன்மையான பொருளாதார சமூக கலாச்சார உறவாகப் பிரதிபலிக்கின்றது.
5. பரஸ்பர பேச்சுவார்த்தைகள் இரு நாடுகளையும் அதன் தலைவர்களையும் இணைக்கும் வலுவான நட்பின் உணர்வோடு நடைபெற்றன. இருவரும் பரஸ்பர நட்பின் இணைப்பு மற்றும் ஒத்துழைப்பின் சிறப்பு குறித்து திருப்தி தெரிவித்தனர். இது நம்பிக்கை, பரஸ்பர புரிந்துணர்வு. நல்லெண்ணம் மற்றும் ஒருவர் மீது ஒருவர் கொண்டிருக்கும் மரியாதையின் வெளிப்பாடாக இருந்தது. 2016ஆம் ஆண்டு ஏப்ரல் மாதம் ரியாதில் பிரதமரின் குறிப்பிடத்தக்க வருகை முதல் வர்த்தகம், எரிசக்தி, பாதுகாப்பு மற்றும் கலாச்சாரம் உட்பட பல்வேறு துறைகளில் ஏற்பட்டுள்ள முன்னேற்றத்திற்கு இருதரப்பினரும் தங்களது திருப்தியை தெரிவித்துக்கொண்டனர். இந்த வருகை  நமது இணைப்பையும், உறவுகளையும் அடுத்த நிலைக்கு கொண்டு செல்வதற்கு ஏதுவாக இருந்தது.
6. சவுதி அரேபியாவில் வெளிப்படைத் தன்மையைக் கொண்டு வருவதற்கு இளவரசரின்  அண்மைக்கால மாற்றங்களான முன்முயற்சிகளை பிரதமர் மோடி வரவேற்றார். அதே போன்று உள்ளடக்கிய தன்மை, பன்முகக் கோட்பாடு மற்றும் சகிப்புத் தன்மைக்கான இந்திய மாதிரிக்கு இளவரசர் பாராட்டுத் தெரிவித்தார்.
7. 2019-ஆம் ஆண்டு பிப்ரவரி மாதத்தின் “ரியாத் பிரகடனத்தைக்” கோடிட்டுக் காட்டிய “உத்தி சார்ந்த பங்களிப்பு”, 2014ஆம் ஆண்டு பிப்ரவரி மாதம் இரு புனித மசூதிகளின் காப்பாளர் மதிப்பிற்குரிய மன்னர் சல்மான் பின் அப்துல்அசீஸ் அல் சவுதின் வருகையின்போது வலியுறுத்தப்பட்டது, 2016-ஆம் ஆண்டு ஏப்ரல் மாதம் சவுதி அரேபியாவிற்கு பிரதமர் திரு நரேந்திர மோடி மேற்கொண்ட பயணத்தின் போது வலியுறுத்தப்பட்ட உறுதிப்பாட்டை இருதரப்பினரும் மீண்டும் வலியுறுத்தினர்.
8. தற்போதுள்ள உத்தி சார்ந்த பங்களிப்பை ஒன்றிணைக்க உயர்நிலை கண்காணிப்பு வழிமுறையாக உத்தி சார்ந்த உறவுகளின் முழுமையாக உள் அடக்கும் வகையில்,  அமைச்சர் அளவிலான பிரதிநிதிகளின் ஆதரவோடு மதிப்பிற்குரிய பிரதமர் மற்றும் இளவரசரின் தலைமையிலான பங்களிப்புக் கவுன்சிலை அமைக்க இருதரப்பினரும், ஒப்புக்கொண்டனர்.
9. ரியாதின் நிதி ஆயோக் மற்றும் சர்வதேச உத்தி சார்ந்த பங்களிப்புக்கான சவுதி மையம் இணைந்து நடத்திய பயிலரங்கத்தின் வெளிப்பாடுகளை இருதரப்பினரும் வரவேற்றனர். இந்தப் பயிலரங்கம் பல்வேறு துறைகளில் கூட்டு முயற்சிக்கும் முதலீட்டுக்குமான நாற்பதுக்கும் மேற்பட்ட வாய்ப்புகளை அடையாளப்படுத்தியது.
10. கீழ்கண்ட புரிந்துணர்வு ஒப்பந்தங்கள் இந்த வருகையின் போது கையெழுத்தாயின.
11. இந்தியாவின் தேசிய முதலீடு மற்றும் உள்கட்டமைப்பு நிதியில் முதலீடு செய்வதற்கான புரிந்துணர்வு ஒப்பந்தம்.
12. சுற்றுலாத்துறையில் ஒத்துழைப்பிற்கான புரிந்துணர்வு ஒப்பந்தம்.

• வீட்டு வசதித் துறையின் ஒத்துழைப்பிற்கான புரிந்துணர்வு ஒப்பந்தம்.

1. முதலீடு இந்தியா மற்றும் சவுதி அரேபியா பொது முதலீடு ஆணையம் ஆகியவற்றுக்கு இடையேயான கட்டமைப்பு, ஒத்துழைப்புத் திட்டம்.
2. ஒலி, ஒளி நிகழ்ச்சிகளின் பரிமாற்றத்திற்கு ஒளிபரப்பில் ஒத்துழைப்புக்கான புரிந்துணர்வு ஒப்பந்தம்.
3. பிரதமர் மோடி தொடங்கியுள்ள சர்வதேச சூரிய சக்திக் கூட்டணியில் சவுதி அரேபிய அரசாட்சி இணைவதற்கான ஒப்பந்தம்.
4. கடந்த சில ஆண்டுகளாக இருநாட்டு வர்த்தகத்தில் நிலவும் நேர்மறைத்தன்மையைக் கருத்தில் கொண்டு எண்ணெய் அல்லாத வர்த்தகம் குறிப்பாக, விற்பனை வர்த்தகம் ஆகியவற்றில் இதுவரை பயன்படுத்தப்படாத வாய்ப்புகளை இருதரப்பினரும் ஏற்றுக்கொண்டனர்.  பொருளாதாரம், வர்த்தகம், முதலீடு, கலாச்சாரம், தொழில்நுட்பத்துறையில் ஒத்துழைப்பை மேம்படுத்துவதற்கு 2018-ஆம் ஆண்டு பிப்ரவரி மாதம் ரியாதில் நடைபெற்ற  இந்திய – சவுதி கூட்டுக் கமிஷனின் 12-வது கூட்டத்தில் நேர்மறையான விவாதங்களை இருதரப்பினரும் பாராட்டினர்.
5. இருநாடுகளுக்கு இடையேயான வர்த்தகத்தின் அளவை, அதிகப்படுத்துவது மற்றும் ஏற்றுமதியில் உள்ள தடைகளைக் களைவது ஆகியவற்றின் முக்கியத்துவத்தை இருதரப்பினரும் வலியுறுத்தினர்.
6. அரசாட்சி தொலைநோக்கு 2030 மற்றும் 13 தொலைநோக்கு செயல்பாட்டுத் திட்டங்கள் ஆகியவற்றோடு இந்தியாவின் முக்கிய முன்முயற்சிகளான “இந்தியாவில் தயாரிப்போம்” “தொடங்கிடு இந்தியா” “நவீன நகரங்கள்” “தூய்மை இந்தியா” மற்றும் “டிஜிட்டல் இந்தியா” ஆகியவற்றை ஒருங்கிணைத்து, இரு நாடுகளுக்கும் இடையே வர்த்தகம் மற்றும் முதலீட்டை மேலும் ஆழப்படுத்துவதற்கு இருதரப்பினரும் ஒப்புக்கொண்டனர். சவுதி அரேபியாவின் பெரிய திட்டங்களுக்கு இந்தியாவின் தனியார் பொதுத்துறை முதலீடுகள் மற்றும் நிபுணத்துவத்தை ஈர்ப்பதற்கு சவுதி தனது விருப்பத்தை தெரிவித்தது. இந்தியா மற்றும் சவுதி அரேபியாவின் நேர்மறையான மாற்றத்தை இருதரப்பினரும், ஏற்றுக் கொண்டனர்.
7. முக்கியமான துறைகளில், வர்த்தகம் செய்வதற்கான எளிமையான வழிமுறைகள், மற்றும் அந்நிய நேரடி முதலீட்டுக்கான தற்போதுள்ள விதிகளை தளர்த்துவதோடு அவற்றை எளிமையாக்குவதற்கு இரு அரசுகளும் மேற்கொண்டுள்ள முக்கிய முன்முயற்சிகளை இருதரப்பினரும் வரவேற்றனர்.
8. 2016-ஆம் ஆண்டு ரியாத்துக்கு பிரதமர் மோடி மேற்கொண்ட பயணத்தின் போது சவுதி அரேபிய பொது முதலீட்டு ஆணையத்திற்கும், முதலீடு இந்தியாவுக்கும் இடையேயான கட்டமைப்பு ஒத்துழைப்பு ஒப்பந்தம் கையெழுத்தான பிறகு முதலீட்டு சூழலில் ஏற்பட்டுள்ள நேர்மறையான மாற்றத்தை இருதரப்பினரும் வரவேற்றனர்.  உள்கட்டமைப்பு, சுரங்கம், புதுப்பிக்கப்படக்கூடியவை உள்ளிட்ட  எரிசக்தி, உணவுப்பாதுகாப்பு மற்றும் தொழில்நுட்ப மாற்றம் ஆகிய துறைகளில் இருநாடுகளிலும் உள்ள முதலீட்டு வாய்ப்புக்களை பயன்படுத்துமாறு இருதரப்பினரும் வர்த்தக சமுதாயத்தினரை வலியுறுத்தினர். அதோடு தகவல் தொழில் நுட்பத்துறையில், திறன் கொண்ட மனிதவளம்  மின்னணு துறை மற்றும் தகவல் தொடர்புத் துறையில் ஒத்துழைப்புக் குறித்து இருதரப்பினரும் வலியுறுத்தினர்.
9. அரசாட்சியின் தொழில் நகரங்களிலும், துறைமுகங்களிலும் உள்ள அதிநவீன உள்கட்டமைப்பு மற்றும் கவனமான சேவைகளை அங்கீகரித்த மதிப்பிற்குரிய இளவரசர் உள்நாட்டு மற்றும் மண்டல சந்தை அணுகுமுறைக்கு அரசாட்சியில் இந்திய நிறுவனங்களின் முதலீடுகளை வரவேற்றார்.
10. 100 பில்லியன் டாலர் மதிப்பில் எரிசக்தி, சுத்திகரிப்பு, பெட்ரோலிய ரசாயனம், உள்கட்டமைப்பு, விவசாயம், கனிமம் மற்றும் சுரங்கம், தயாரிப்பு. கல்வி, சுகாதாரம் ஆகிய துறைகளில் முதலீடு செய்வதற்கான இளவரசரின் அறிவிப்பை பிரதமர் வரவேற்றார்.
11. 44 பில்லியன் அமெரிக்க டாலர்களில் மதிப்பில் அமையவிருக்கும் முதலாவது தெற்குக் கடலோர சுத்திகரிப்பு கூட்டு முயற்சி மற்றும் பெட்ரோலிய ரசாயன திட்டம் குறித்து திருப்பதி தெரிவித்த இருதரப்பினரும் இந்தத் திட்டத்தின் செயல்பாட்டை துரிதப்படுத்த ஒப்புக்கொண்டனர். இந்தத் திட்டம் ஒரே கட்டத்தில் நிறைவேற்றப்படும் உலகிலேயே மிகப் பெரிய பசுமை வெளியிலான சுத்திகரிப்புத் திட்டமாகும். மேலும்,  பத்து பில்லியன் டாலர் மதிப்பீட்டில் பொது முதலீட்டு நிதியம் மற்றும் அதன் தொழில்நுட்ப பங்களிப்பாளர்களின் மூலமாகவும் 26  பில்லியன் டாலர் மதிப்பீட்டிற்கான வாய்ப்புக்களைக் கொண்ட முதலீடுகள் குறித்தும் ஆராயப்படுகின்றன.
12. இந்தியாவில் தேசிய முதலீடு மற்றும் உள்கட்டமைப்பு நிதியம், மற்றும் இதர முக்கியத் துறைகளில் சவுதி அரேபியாவின் முதலீட்டை இந்தியப் பிரதமர் வரவேற்றார்.
13. எரிசக்தி, சுத்திகரிப்பு, பெட்ரோலிய ரசாயனம், உள்கட்டமைப்பு , விவசாயம், கனிமம் மற்றும் சுரங்கம், தயாரிப்பு, கல்வி, சுகாதாரம் ஆகிய துறைகளில் இந்தியாவில் முதலீடு செய்யும், சவுதியின் நோக்கத்தை பிரதமர் மோடி வரவேற்றார்.
14. வீட்டுவசதித் துறையில் ஒத்துழைப்புக்கான புரிந்துணர்வு ஒப்பந்தம் கையெழுத்தானதை வரவேற்ற இருதரப்பினரும் சவுதி அரேபியாவின் வீட்டு வசதித் திட்டங்களில் பங்கேற்க இந்திய நிறுவனங்களை ஊக்குவித்தனர்.
15. பேரிடர் நெகிழ்திறன், உள்கட்டமைப்புப் பற்றிய கூட்டணிக்கான பிரதமரின் முன்முயற்சியை பாராட்டிய இளவரசர், இது பேரிடர் மேலாண்மையை நோக்கிய முக்கியப்படி என்று கூறினார்.
16. உத்தி சார்ந்த பங்களிப்பில் எரிசக்தி பாதுகாப்பு ஒரு முக்கிய தூணாக இருப்பதன் முக்கியத்துவத்தை அங்கீகரித்த இருதரப்பினரும், எரிசக்தித்துறையின் பரஸ்பர வர்த்தகத்தை வளர்ப்பதற்கான விருப்பத்தை தெரிவித்தனர். அதோடு சவுதி அரேபியா உலகின் மிகவும் நம்பத்தக்க எண்ணெய் மற்றும் எரிவாயு வழங்கும் நாடாக இருப்பதையும், இந்தியாவிற்கு இவற்றை வழங்கும் முக்கிய நாடாக இருப்பதையும் இருதரப்பினரும் ஏற்றுக் கொண்டனர். இந்திய – சவுதி அரேபிய எரிசக்தி ஆலோசனைகள் தொடர்வதை இருதரப்பினரும் வலியுறுத்தினர். பெட்ரோலிய ரசாயன வளாகங்களில் முதலீடு மற்றும் கூட்டு முயற்சிகளில் கவனம் செலுத்தும் நோக்கத்தோடு எரிசக்தித் துறையில் விற்பவர், வாங்குபவர் என்ற உறவைக் கடந்து உத்தி சார்ந்த பங்களிப்பு என்ற மாற்றத்தை உண்டாக்க இருதரப்பினரும் ஒப்புக்கொண்டனர்.
17. இந்தியாவின் கச்சா எண்ணெய் மற்றும் பெட்ரோலியப் பொருட்களின் வளர்ந்து வரும் தேவைகளை பூர்த்திச் செய்ய அரசாட்சியின் உறுதிப்பாட்டை வலியுறுத்திய இளவரசர், இதர ஆதாரங்களில் ஏதேனும் தடைகள் ஏற்பட்டால், அந்தப் பற்றாக்குறையை ஈடுசெய்யவும் உறுதி கூறினார்.
18. இந்தியாவின் உத்தி சார்ந்த பெட்ரோலிய ஒதுக்கீடுகளில் அரசாட்சியின் பங்கேற்பை பிரதமர் வரவேற்பார்.
19. சர்வதேச சூரியசக்திக் கூட்டணியில் இணைவதற்கான சவுதியின் முடிவை  இந்தியப் பிரதமர் வரவேற்றார்.  புதுப்பிக்கக் கூடிய எரிசக்தித் துறையில் முதலீடு மட்டுமல்லாமல் ஆராய்ச்சி மற்றும் வளர்ச்சிக்கான வாய்ப்புகளில் ஒத்துழைப்புக் குறித்து இருதரப்பினரும் எடுத்துக் கூறினார்.
20. தொலை உணர்வு, செயற்கைக் கோள் தகவல் தொடர்பு மற்றும் செயற்கைக்கோள் அடிப்படையிலான ஊடுருவல் உள்ளிட்ட விண்வெளி, அறிவியல் மற்றும் தகவல் தொடர்புத் துறைகளில் ஒத்துழைக்க இருதரப்பினரும் ஒப்புக்கொண்டனர்.
21. ஒத்துழைப்பிற்கான துறைகளை அடையாளம் காண திறன் வளர்ச்சிக்கான கூட்டுச் செயல்பாட்டுக் குழுவை அமைக்க இருதரப்பினரும் ஒப்புக்கொண்டனர். இதனால் தயாரிப்பு, தகவல் தொழில்நுட்பம், தகவல் தொடர்பு மற்றும் நிரலாக்கம் ஆகிய முக்கிய துறைகளில் இருவருக்கும் உள்ள திறமையினால் இருநாடுகளும் பயன்பெறும்.

29. 2014-ஆம் ஆண்டு பிப்ரவரி மாதம் மதிப்பிற்குரிய மன்னர் சல்மான் பின் அப்துல்அசீஸ் அல் சவுத், இந்தியாவிற்கு வருகை தந்த போது, பாதுகாப்பு ஒத்துழைப்பு பற்றிய புரிந்துணர்வு ஒப்பந்தம் கையெழுத்தான பிறகு, பாதுகாப்புத்துறையில், குறிப்பாக நிபுணத்துவம் மற்றும் பயிற்சித்துறையில் இந்திய – சவுதி ஒத்துழைப்பில் சமீபத்திய நடவடிக்கைகளை இருதரப்பினரும் வரவேற்றனர். இச்சூழலில், 2019-ஆம் ஆண்டு ஜனவரி மாதம் 2 மற்றும் 3-ம் தேதிகளில் ரியாதில் நடைபெற்ற பாதுகாப்பு ஒத்துழைப்புக்கான நான்காவது கூட்டுக் குழுவின் வெளிப்பாடுகளை அவர்கள் வரவேற்றனர்.
30. தொடக்கக் கூட்டு கடற்படைப் பயிற்சியை கூடிய விரைவில் நடத்தவும், இதர வெளிகளில் பரஸ்பர பயிற்சிகளை மேலும் விரிவுப்படுத்தவும் இருதரப்பினரும் ஒப்புக்கொண்டனர்.
31. பரஸ்பர நலனுக்கான வாய்ப்பை குறிப்பிட்ட இருதரப்பினரும், “இந்தியாவில் தயாரிப்போம்” மற்றும் “தொலைநோக்கு 2030” ஆகியவற்றின் தொடர்ச்சியாக கடற்படை மற்றும் தரைப்படைக்களுக்கான உதிரி பாகங்கள் மற்றும் வழங்கல் சங்கிலி வளர்ச்சியிலும் கூட்டுப் பாதுகாப்பு முயற்சியில் ஒத்துழைக்க ஒப்புக்கொண்டனர்.
32. இருநாடுகளின் பாதுகாப்பு மற்றும் வளத்திற்கும், சர்வதேச வர்த்தகத்தின் பாதுகாப்பிற்கும் மிகவும் முக்கியமான கடல்சார் பாதுகாப்பை மேம்படுத்துவதற்கு இந்துமாக்கடலின் இதர நாடுகளோடு ஒத்துழைக்க இருநாடுகளும் ஒப்புக்கொண்டன.
33. மண்டல இணைப்புத் திட்டங்களை பொறுத்தவரை இறையாண்மை மற்றும் பிரதேச நாடுகளின் ஒற்றுமை சர்வதேச சட்டத்தின் அடிப்படையில் அமைய வேண்டும் என்று இருநாடுகளும் ஒப்புக்கொண்டன.
34. இருநாடுகளும் மண்டலத்தின் ஸ்திரத் தன்மை மற்றும் அண்டைநாடுகளுடனான நல்லுறவுகளின் முக்கியத்துவத்தை வலியுறுத்தின. பாகிஸ்தான் உடன் நல்லுறவு கொள்வதற்கு பிரதமர் எடுத்துக் கொண்ட முன்முயற்சிகள் உட்பட மே 2014-ஆம் ஆண்டு மே மாதம் முதல் பிரதமர் மோடியின் தொடர்  முயற்சிகளை இளவரசர் பாராட்டினார். இச்சூழலில் இந்தியாவிற்கும் பாகிஸ்தானுக்கும் இடையிலான ஒருங்கிணைந்த பேச்சுவார்த்தைகளை மீண்டும் தொடர்வதற்கான சூழலை உருவாக்குவதன் தேவைக் குறித்து இரு நாடுகளும் ஒப்புக்கொண்டன.
35. அனைத்து நாடுகளும், சமுதாயங்களும் தீவிரவாதம் மற்றும் பயங்கரவாதம் என்கின்ற தீமையால் அச்சுறுத்தப்படுகின்றன என்று உறுதி செய்த இருதரப்பினரும், உலகளாவிய இந்தப் பிரச்சினை எந்த இனத்தோடும், மதத்தோடும் கலாச்சாரத்தோடும் இணைக்கப்படும் முயற்சியை நிராகரித்தனர்.  மற்ற நாடுகளுக்கு எதிராக பயங்கரவாதத்தை பயன்படுத்துவதை நிராகரிக்க வேண்டும் என்று அனைத்து நாடுகளையும் இரு நாடுகளும் கேட்டுக் கொண்டன; பயங்கரவாத உள்கட்டமைப்புகள் எங்கு இருந்தாலும் அவை அழிக்கப்பட வேண்டும். மேலும், இதர நாடுகளுக்கு எதிராக செயல்படும் பயங்கரவாதிகளுக்கு ஆதரவு வழங்குவதும், நிதி உதவி வழங்குவதும் நிறுத்தப்பட வேண்டும்; பயங்கரவாதச் செயல்களில் ஈடுபடுவோர் நீதிக்கு முன் நிறுத்தப்பட வேண்டும்.  பயங்கரவாதத்திற்கு எதிராக சர்வதேச சமுதாயம், சர்வதேச பயங்கரவாதம் பற்றிய ஐ.நா. ஒருங்கிணைந்த மாநாடு மூலமாக நடவடிக்கைகளை எடுக்க வேண்டியதன் அவசியத்தினை இருதரப்பினரும் குறிப்பிட்டனர். மேலும், பயங்கரவாதிகளுக்கு எதிராக ஐ.நா. மற்றும் அதன் சார்பு அமைப்புகளின் விரிவான பொருளாதார தடைகளின் அவசியத்தையும் கோடிட்டு காட்டினர்.
36. பயங்கரவாதத்தின் பயன்பாட்டை அரசாங்க கொள்கையின் ஒரு கருவியாக பயன்படுத்துவதை அனைத்து நாடுகளும் கைவிட வேண்டும் என்று இருதரப்பினரும் கேட்டுக் கொண்டனர். மற்ற நாடுகளுக்கு எதிராக பயங்கரவாதச் செயல்களில் ஈடுபடுவதற்கு ஏவுகணைகள் மற்றும் ஆளில்லா விமானங்கள் பயன்படுத்துவதை அனைத்து நாடுகளும் நிராகரிக்க வேண்டும் என்று அவர்கள் கேட்டுக் கொண்டனர்.
37. 2019-ஆம் ஆண்டு பிப்ரவரி மாதம் 14-ம் தேதி அன்று ஜம்மு காஷ்மீர் மாநிலம் புல்வாமாவில் நடந்த சமீபத்திய பயங்கரவாத தாக்குதலை பிரதமரும், இளவரசரும் உறுதியான சொற்களால் கண்டனம் செய்தனர்.
38. மண்டல மற்றும் உலகளாவிய அமைதி,பாதுகாப்பு மற்றும் ஸ்திரத் தன்மையின் பொதுவான நலனைக் கருதி   இருதரப்பினரும் மேற்காசியா மற்றும் மத்திய கிழக்குப் பகுதி பாதுகாப்பு நிலவரம் உட்பட பரஸ்பர நலன் சார்ந்த மண்டல சர்வதேச விவகாரங்கள் குறித்து பேச்சுவார்த்தைகள் நடத்தினர். சிரியாவுக்கான தீர்வைப் பொருத்தவரை பாதுகாப்புச் சபை தீர்மானம் (2254) பாதுகாப்புச் சபை தீர்மானம் (2216), வளைகுடா ஒத்துழைப்புக் கவுன்சில் முன்முயற்சி மற்றும் ஏமனுக்கான தீர்வைப் பொறுத்தவரை ஏமனி தேசிய பேச்சுவார்தை ஆகியவற்றின் வெளிப்பாடுகளை இருதரப்பினரும் வலியுறுத்தினர்.
39. பாலஸ்தீன மக்களுக்கு சட்டபூர்வமான உரிமைகளை உறுதி செய்ய அரபு அமைதி முன்முயற்சி மற்றும் சம்பந்தப்பட்ட ஐ.நா. தீர்மானங்களின் அடிப்படையில் மத்திய கிழக்கில் நியாயமான விரிவான நீடித்த அமைதிக்கான நம்பிக்கையை இருதரப்பினரும் தெரிவித்தனர்.
40. பயங்கரவாதத்திற்கு எதிரான நடவடிக்கைகளில் ஒத்துழைப்பை அதிகப்படுத்தவும், உண்மையான நேர உளவு தகவல்களின் பரிமாற்றத்தால் பரஸ்பர பயன் பெறவும், தேசிய பாதுகாப்பு ஆலோசகர்களின் நிலையில் “விரிவான பாதுகாப்புப் பேச்சுவார்த்தை” மற்றும் பயங்கரவாதத்திற்கு எதிரான கூட்டு செயல்பாட்டுக் குழுவை அமைக்க ஒப்புக்கொண்டனர்.
41. பாதுகாப்பு விவகாரங்கள் குறிப்பாக கடல்சார் பாதுகாப்பு, சட்ட அமலாக்கம், நிதிமுறைகேடுகளுக்கு எதிரான நடவடிக்கைகள், போதைப் பொருள் கடத்தல், மனிதக்கடத்தல், சட்டவிரோதக் குடியேற்றம் மற்றும் நாடுகளுக்கு இடையேயான திட்டமிட்ட குற்றங்கள் ஆகியவற்றை கையாள்வதில் நெருக்கமான ஒத்துழைப்பை பிரதமரும், இளவரசரும் வலியுறுத்தினர்.
42. சூழ்ச்சி மற்றும் தீவிரவாத சித்தாந்தத்திற்கு ஆதரவாக இணையதளத்தை தவறாகப் பயன்படுத்துவது குறித்து ஆழ்ந்த கவலை தெரிவித்த இருதரப்பினரும், இணைய தளத்தில் தொழில்நுட்ப ஒத்துழைப்பு மற்றும் இணையதளக் குற்றங்களை எதிர்கொள்வது பற்றிய புரிந்துணர்வு ஒப்பந்தம் கையெழுத்தானதை வரவேற்றனர். பயங்கரவாதத்திற்கு  இணையதளம் பயன்படுத்தப்படுவதைத் தடுக்கவும், சமூக இணக்கத்தை சீர்குலைப்பதற்கு தீவிர வாதம் பயன்படுத்தப்படுவதைத் தடுக்கவும் ஒத்துழைப்பை மேம்படுத்துவதற்கு இருதரப்பினரும் ஒப்புக்கொண்டனர்.
43. பெரும் எண்ணிக்கையிலான இந்திய சமுதாயத்தினரின் நலனை உறுதி செய்துள்ளதற்கு இந்தியத் தரப்பினர், சவுதி தலைமைக்கு நன்றி தெரிவித்தனர்.
44. ஜனத்ரியா 2018 – 32-வது பாரம்பரிய கலாச்சார சவுதி தேசிய திருவிழாவில், இந்தியா அவருக்கு “சிறப்பு விருந்தினர்” அந்தஸ்து வழங்கியதற்கு பிரதமர் சவுதி தலைமைக்கு நன்றி தெரிவித்தார்.
45. இந்தியாவின், சமீபத்திய மக்கள் தொகைக் கணக்கெடுப்பை பிரதிபலிக்கும் வகையில், இந்தியாவிலிருந்து செல்லும் ஹஜ் புனித யாத்திரீகர்களின் எண்ணிக்கையை இரண்டு லட்சமாக அதிகரித்தமைக்கு இரு புனித மசூதிகளின் காப்பாளர் – இளவரசருக்கு பிரதமர் நன்றி தெரிவித்துக் கொண்டார்.
46. சவுதி சிறைச்சாலைகளில் இருந்த 850 இந்தியாவைச் சேர்ந்த கைதிகளை விடுதலை செய்து உத்தரவிட்டதற்கு இரு புனித மசூதிகளின் காப்பாளருக்கும், இளவரசருக்கும் பிரதமர் நன்றி தெரிவித்துக் கொண்டார்.
47. இருநாட்டு மக்களுக்கு இடையேயான கலந்துரையாடலை விரிவுப்படுத்தவும், இருவழிச் சுற்றுலாவை அதிகப்படுத்த தூதரகம் மற்றும் குடியேற்றம் சம்பந்தப்பட்ட சவால்களை கவனிக்க இருதரப்பினரும் விருப்பம் தெரிவித்தனர்.
48. சவுதி அரேபிய விமானச் சேவையில் இருக்கைக்களை எண்பதாயிரத்திலிருந்து ஒரு லட்சத்து 12 ஆயிரமாக உயர்த்துவதோடு அந்த எண்ணிக்கையை மேலும் அதிகரிக்க முயற்சி எடுக்கவும் இந்திய அரசு ஒப்புக்கொண்டுள்ளது.
49. வலுவான குடியேற்ற சூழலை உருவாக்க இருநாடுகளின் குடியேற்றத் தளங்களான இ-மைகிரேட் மற்றும் இ-தவுத்திக் ஆகியவற்றை ஒருங்கிணைப்பதை இருதரப்பினரும் எதிர்நோக்கியிருக்கின்றனர்.
50. இந்திய சமுதாயத்தினர் குறிப்பாக ஹஜ் / உம்ரா பயணிகளின் பயன்பாட்டிற்குமான ரூபே போன்ற பணம் செலுத்தும் முறைகளில் ஒத்துழைப்பிற்கான வாய்ப்புக்களையும் ஆராய இருதரப்பினரும் ஒப்புக்கொண்டுள்ளனர். குற்றம் ஒன்றுமில்லாமல் சவுதி அரேபியாவில், தனித்திருக்கும் இந்தியத் தொழிலாளர்களின் பிரச்சினைக்குத் தீர்வு காண “இகாமா” வழங்கி மனிதாபிமான பிரச்சினைக்கு தீர்வு கண்ட இளவரசருக்கு பிரதமர் நன்றி தெரிவித்தார்.
51. ஐ.நா., ஜி-20 உலகப்பொருளாதார பேரவை உள்பட பலதரப்பு ஒத்துழைப்பை முன்னெடுத்துச் செல்ல இருதரப்பினரும் உறுதி கூறினர்.
52. பயனுள்ள சீரான பலதரப்பட்ட முறையின் முக்கியத்துவத்தை வலியுறுத்தியதோடு, சர்வதேச சவால்களை எதிர்கொள்வதற்கான முக்கிய கூறான சமகால யதார்த்தங்களின் பிரதிபலிப்பாக ஐ.நா மையப்படுத்த வேண்டியதை இருதரப்பினரும் வலியுறுத்தினர்.
53. சர்வதேச அமைப்புகள் மற்றும் நிறுவனங்களின் மூலமாக தப்பியோடிய பொருளாதார குற்றவாளிகளின் பிரச்சினையை எதிர்கொள்வதற்கு இணைந்து செயலாற்ற இருதரப்பினரும் தங்கள் உறுதியை வலியுறுத்தினர்.
54. பட்டத்து இளவரசர் முகமது பின் சல்மான் பின் அப்துல்அசீஸ், துணைப்பிரதமர் மற்றும் பாதுகாப்புத்துறை அமைச்சர், தனக்கும் பிரதிநிதிக் குழுவுக்கும் வழங்கப்பட்ட விருந்தோம்பலுக்கு இந்திய அரசுக்கும் மக்களுக்கும் தங்களது நன்றியை தெரிவித்துக் கொண்டார்.

——-