பி.எம்.இந்தியா

ஹர ஹர மஹாதேவ்!

உத்தரப்பிரதேசத்தின் பிரபலமான முதலமைச்சர் திரு யோகி ஆதித்யநாத் அவர்களே, மேடையில் அமர்ந்துள்ள மதிப்பிற்குரிய விருந்தினர்களே, காசி சன்சாத் சம்ஸ்கிருதிக் மஹோத்சவத்தின் சக பங்கேற்பாளர்களே,  ருத்ராக்ஷ மையத்தில் கூடியிருக்கும்  காசியின் என் அன்பான சக குடியிருப்பாளர்களே!

சிவபெருமானின் அருளால் காசியின் புகழ் இன்று புதிய உச்சத்தை அடைந்து வருகிறது. ஜி 20 மாநாட்டின் மூலம் உலக அரங்கில் இந்தியா தனது கொடியை உயர்த்தியுள்ளது, ஆனால் காசி பற்றிய விவாதம் சிறப்பு வாய்ந்தது. காசியின் சேவை, சுவை, கலாச்சாரம், இசை… ஜி20 மாநாட்டிற்காக விருந்தினராக காசிக்கு வந்த அனைவரும் அதை தங்கள் நினைவுகளில் எடுத்துச் சென்றனர்.

நண்பர்களே,

இன்று, நான் பனாரஸில் சர்வதேச கிரிக்கெட் மைதானத்தைத் திறந்து வைத்தேன், உத்தரப்பிரதேசத்தில் 16 அடல் அவாசியா வித்யாலயாக்களை திறந்து வைக்கும் வாய்ப்பு எனக்கு கிடைத்தது. இந்த சாதனைகளுக்காக காசி மக்களுக்கு எனது வாழ்த்துகளை தெரிவித்துக் கொள்கிறேன்.

நண்பர்களே,

இன்று,காசி சன்சாத் கேல் பிரதியோகிதா வலைப்பக்கம் இங்கு தொடங்கப்பட்டுள்ளது. சன்சாத்கேல் பிரதியோகிதாவாக இருந்தாலும் சரி, சன்சாத் சம்ஸ்கிருத மஹோத்சவமாக இருந்தாலும் சரி, இது காசியில் புதிய மரபுகளின் தொடக்கமாகும். இப்போது,காசி சன்சாத் ஞான பிரதியோகிதாவையும் நாங்கள் ஏற்பாடு செய்வோம். காசியின் வரலாறு, அதன் வளமான பாரம்பரியம், அதன் திருவிழாக்கள் மற்றும் அதன் உணவு வகைகள் பற்றிய விழிப்புணர்வை அதிகரிப்பதே இந்த முயற்சியாகும். சன்சாத் ஞான பிரதியோகிதாபனாரஸின் நகர்ப்புற மற்றும் கிராமப்புறங்களில் வெவ்வேறு மட்டங்களில் நடைபெறும்.

நண்பர்களே,

காசி மக்கள் காசியைப் பற்றி அதிகம் அறிந்திருக்கிறார்கள், இங்குள்ள ஒவ்வொரு தனிநபரும், ஒவ்வொரு குடும்பமும், உண்மையான அர்த்தத்தில், காசியின் பிராண்ட் அம்பாசிடர். ஆனால் அதே நேரத்தில், காசியைப் பற்றிய தங்கள் அறிவை ஒவ்வொருவரும் திறம்பட தெரிவிக்க வேண்டியதும் அவசியம். அதனால்தான் நாட்டிலேயே முதன்முறையாக, இங்கே ஏதாவது தொடங்க வேண்டும் என்ற ஆசை என் மனதில் இருக்கிறது.

என் குடும்ப உறுப்பினர்கள்,

பனாரஸ் பல நூற்றாண்டுகளாக ஒரு கல்வி மையமாக இருந்து வருகிறது. பனாரஸின் கல்வி வெற்றிக்கு மிக முக்கியமான அடித்தளம் அதன் அனைத்தையும் உள்ளடக்கிய தன்மையாகும். நாட்டின் மற்றும் உலகின் அனைத்து பகுதிகளிலிருந்தும் மக்கள் தங்கள் படிப்புக்காக இங்கு வருகிறார்கள். இன்றளவும் பல நாடுகளைச் சேர்ந்தவர்கள் இங்கு வந்து சமஸ்கிருதம் கற்று அறிவைப் பெறுகின்றனர். இந்த உணர்வை மனதில் கொண்டு, இன்று, அடல் அவாசியா (உறைவிட) வித்யாலயாக்களை இங்கு திறந்து வைத்துள்ளோம். இந்த அடல் அவாசியா வித்யாலயா பள்ளிகளைத் திறப்பதற்கு சுமார் 1100 கோடி ரூபாய் செலவிடப்பட்டது. இந்த பள்ளிகள் நமது சமூகத்தின் மிகவும் பலவீனமான பிரிவினரான நமது தொழிலாளர்களின் மகன்கள் மற்றும் மகள்களுக்கானவை. இந்த முயற்சியின் மூலம், அவர்கள் நல்ல கல்வி, மதிப்புகள் மற்றும் நவீன கல்வியைப் பெறுவார்கள். கொரோனாவால் உயிரிழந்தவர்களின் குழந்தைகளுக்கும் இந்த அடல் அவாசியா வித்யாலயாக்களில் இலவச கல்வி வழங்கப்படும். இப்பள்ளிகளில் வழக்கமான பாடத்திட்டத்துடன் கூடுதலாக இசை, கலை, கைவினை, கணினி மற்றும் விளையாட்டுக்கான ஆசிரியர்களும் இருப்பார்கள் என்று எனக்குத் தெரிவிக்கப்பட்டுள்ளது. இதன் பொருள் ஏழை குழந்தைகள் கூட இப்போது தரமான மற்றும் முழுமையான கல்வி குறித்த அவர்களின் கனவுகளை நிறைவேற்ற முடியும். அதேபோல், பழங்குடி சமூகத்தின் குழந்தைகளுக்காக ஏகலவ்யா அவசியா பள்ளிகளை நாங்கள் கட்டியுள்ளோம். புதிய தேசிய கல்விக் கொள்கையின் மூலம், கல்வி முறையின் பழைய சிந்தனையையும் மாற்றியுள்ளோம். இப்போது நமது பள்ளிகள் நவீனமாகி வருகின்றன. வகுப்புகள் புத்திசாலித்தனமாக மாறி வருகின்றன. நாட்டில் உள்ள ஆயிரக்கணக்கான பள்ளிகளை நவீனப்படுத்துவதற்காக பிரதமர்-ஸ்ரீ அபியான் திட்டத்தையும் மத்திய அரசு தொடங்கியுள்ளது. இந்த பிரச்சாரத்தின் கீழ், நாட்டில் உள்ள ஆயிரக்கணக்கான பள்ளிகளில் நவீன தொழில்நுட்பம் பொருத்தப்பட்டு வருகிறது.

உங்கள் அனைவருக்கும் மிக்க நன்றி!

ஹர ஹர மஹாதேவ்!

பொறுப்புத் துறப்பு : இது பிரதமரின் உரையின் தோராயமான மொழிபெயர்ப்பு. இந்தியில் உரை நிகழ்த்தப்பட்டது.

AP/BR/KRS